Jueces 6:4 - Dios Iwene

⁴ Ichibö, jobadöma tjabakwemi israel nijinö juniatjinobe, ja̧danö jobe ja̧nö, israel jojodö tjitea emö okobe jwiinö tjöbatjiju söbebö lobiatjinobe, Gaza comunidad ö'öbö nijibe ichibanö. Okobe jwiinö israel nijinö ji̧ batjo jawa jwienanö baibanö jejenö ja̧biatjinobe, ja̧danö ju'wibi okobe deinö tjajwi̧munöbi emiatjinobe, obejadönöbi, pakayadönöbi, bu̧lö̧dönöbi.

Jueces 6:4 Iomraidhean Croise

Génesis 10:19

Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

Génesis 13:10

Jejenö jö̧a̧liökwe Lotma Jordán ojwe ö'öbö niji ba̧ba̧lawemi eda̧lijetö. Edemi jwiinö otiwanö tiyuwijetö jemi nijima, Sóar niji ichibanö. Otiwanö tiyuwijetö, Edén batjo nijidanö, ja̧danö, Egipto nijidanö. Ja̧ mölema Sodoma niji Gomorra niji Isabenö Jo̧ Dios ina lȩebokobetjö̧ jemima jwiinö otiwijetö.

Proverbios 28:3

Ja̧danö, ju'wibi yötawa: Bakwo̧ balada jwibo̧ma ju'wedö balada jwibadönö usula tjȩmawobö ja̧itjö̧ma jwiinö sulena. Wanedö yötawa: Ojwiyoma lekwe labinö o̧bitjö̧ma batjonö tju̧junina söbebö loena ¿jö̧tö̧? Sulobe yelösöda jobekwö baledena. Isabenö yötawa: Ja̧ suli̧danö sulobe balada jwibo̧ma ju'wedö jwibadönö usula tjȩmawobö ja̧i̧ma.

Deuteronomio 28:33

Ja̧danö ju'wibi, jelobetjö ichajadö wajwiköbaduwawö̧ma ichö, kwöbatjoduwi waji̧ jawa 'döbebö tjukwakwedö, ja̧danö okobe jwiinö ju'wi kwotidaduwaja̧ jawabi tjemakwedö, ja̧danö kabatökönö ökwödönö sulabenö ja̧tja̧kwedö, jwiinö usula kwemawaduwinö.

Deuteronomio 28:51

Jobadöma kwajwimuduwi ajikwakwawedönö kwabö tjukwakobe, ja̧danö kwöbatjijuduwi waji̧ jawa tjukwakobe, trigojayebi, ubasobubi, olivo o̧tebi, jwienanö baibanö, ja̧danö kwa̧jwi̧muduwi pakayadöbi, obejadöbi deenanö baibanö, ja̧danö a̧wi̧chi̧tjö debö kwi̧'yaduwakwedöja.

Jueces 6:3

Isabenö usula tjemawinö ja̧tjinobe, ba̧kwelöjatebö israel jojodö batjo tjotidenama, wa̧ji̧ emajitja möle baibakwa̧ abönö madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi tjönaukwobö tjichinobe.