Jueces 6:36 - Dios Iwene

³⁶ Ikenama Gedeonma Diosnö aebinobe, —Chuluwo̧, isabenö ötjönötjö̧ chömöledö israel jojodö tjö̧jibanö pjakatakwojobö jö̧ba̧lö, baikwö kwi̧sȩbobö atebakwö:

Jueces 6:36 Iomraidhean Croise

Génesis 15:8

Jejenö jö̧a̧lökwe: —Chuluwo̧, Isabenö Jo̧ Dios ¿Dakwö kwi̧sebakwa̧da chöwaisobö yöka̧li̧danö chemakobe bemi nijima?— abebö a̧ja̧kwökwe:

2 Reyes 20:9

Abebö a̧ja̧kwökwe, —Ökwönö yöawaja̧danö isabenö baledakwa̧ i̧sȩbö, Isabenö Jo̧ma möle jawo̧nö wainö kweachobö weakwo̧, ökwöda omudawö kwujuni̧danö. Ökwöma dakwö i̧sȩbobö kwösödobeda, hora jawa ba̧ja̧daka edö, möle jawo̧ domulataja ba̧ja̧di̧ jawa abönö kweachoböö̧kö̧, domulataja ba̧ja̧di̧ jawa ökömakwö kweachöböö̧kö̧? Ökwöda akebi̧danö i̧sȩkwa baibanö weakwo̧ Isabenö Jo̧ma, —jö̧ba̧lö atadinobe Isaiasma.

Isaías 7:11

—Acaz, isabenö ökwödönö pjatatakwa̧ wene chi̧sȩbakwo̧sa, jokwajabetjö̧ ötjö kwuluwo̧ Isabenö Jo̧ Diosnö akebo, isabenö pjatatakwa̧ i̧sȩkwa baibanö chi̧sȩbakobetjö̧. Jau Acaz, ökwöda kwedobö kwösödi̧danö akebo, isabenö waiyi̧ jawa jojodö edajitjökö jawa kwedobö jö̧ka̧litjö̧ma akebo, jadanö isabenö akebaja̧danö chi̧sȩbakwo̧sa, isabenö yötawaja̧danö pjatatakwo̧sa, —jö̧ba̧lö Isaias Dios weaja̧ yöawinobe Acaznö.

Isaías 7:14

Jobekwö sulabenö ja̧köbiökwe, i̧sȩbakwa̧ jawa Dios i̧sȩbobö akebököjayonö, yayonö Dios i̧sȩbakwa̧ jawa yötawakwö baikwö: Möayujuma metu'wo babibaju, jitji̧nö jemakobe, ja̧danö emaju, Emanuel jö̧ba̧lö jimidakobe jitji̧nö, Diosma ökwödökwö jo̧ jö̧ba̧lö.

Mateo 16:1

Jemi ikenama fariseo jojodötjöbi, saduceo jojodötjöbi ju'wedöma ichö Jesúsnö atjebinobe dakwö ja̧ojobö jö̧ba̧lö: —Ökwöma isabenö Dios weökweköbitjö̧ma, jojodö edajitjökö jawa ja̧bi, ökwönö döwaisachibakobetjö̧— jö̧ba̧lö.

Jueces 6:14

Atadökwe, Isabenö Jo̧ma Gedeon ö̧jobekwö edö yöawinobe, —Ötjöda ökwönö 'da̧batö wetakwö, israel jojodö madianitas jojodö tjujulutjö tjö̧jibanö pjakatobö. Kwujulu baibanö jejenö iyö wetakwö, jo̧kwajabetjö̧ tjö̧jibanö ölakwabikwawö 'ya̧wi, —jö̧ba̧lö.

Jueces 6:16

Atadökwe, Isabenö Jo̧ma Gedeonnö yöawinobe, —Ötjödasa ökwönö pjatatakwo̧ma, jo̧kwajabetjö̧ ökwönö pjatatobetjö̧, wayökakobe jobadönö kwujuluwobö. Jau, jojo bakwo̧nöda tjujuluwi̧danö, madianitas jojodö tjö̧ba̧jȩkwijayonö, wayökakobe jobadönö kwujuluwoböma, —jö̧ba̧lö.

Jueces 6:37

Makö yö̧te trigo chabö loaweju nijinö obeja i̧sȩdo̧ pjabebö chödocha. Ja̧danö, yȩayi dewachena, ö'öbö niji kököonö, sule i̧sȩdo̧da si̧li̧'idö tji'olitjö 'yoliwitjö̧ma, chöwaisachibakwo̧sa, –Isabenö yöka̧linadanö ötjönötjö̧ israel jojodö tjö̧jibanö pjakatakwo̧ja, —jö̧ba̧lö.

1 Samuel 14:10

Jo̧kwaijayonö, –Baikwö nöchaduwi, –jö̧ba̧lö wetjitjö̧ma, jenada döwaisachibakobe, –Isabenö Jo̧ma dujuluwobö pjaatakobe,– jö̧ba̧lö, ja̧danö nöchö jobadönö mebibö dölakwabikwawakobe, —jö̧a̧linobe Jonatanma.