Jueces 6:3 - Dios Iwene

³ Isabenö usula tjemawinö ja̧tjinobe, ba̧kwelöjatebö israel jojodö batjo tjotidenama, wa̧ji̧ emajitja möle baibakwa̧ abönö madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi tjönaukwobö tjichinobe.

Jueces 6:3 Iomraidhean Croise

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Génesis 29:1

Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe.

1 Reyes 20:27

Tjichibiawö̧, israel la'aka luwo̧ma israel jojodötjö ölakwabikwawa jojodönö o̧ko̧kodinobe, ja̧danö tjölakwabikwawakwa̧ jawa tjeminobe. Ikenama, Siria jojodökwö tjölakwabikwawobö latjebinobe israel jojodöma, jadanö tjö̧jemi badeibö ichibajadö, tjabakwemi tjujuninobe. Siria jojodö tjöba a'o ja̧nö, o̧bukwedöda tjö̧jinobe israel jojodöma, wanedö yöta̧la, tjabakwemima, sule chivodötjö dosolataja tjichejekwi̧danö tjichejekwinobe siria jojodö tjöba a'otjö, ja̧danö siria jojodöma, meje ba̧kwȩmeachibanö tjö̧jinobe.

1 Reyes 4:30

Okobe deinö jawo̧ laebobekwö ju̧kwadötjö, bajalekwönönö waisanö omukwato̧ ö̧jinobe Salomonma, ja̧danö okobe deinö Egipto nijitjö waisanö omukwatadö ötjabawö̧tjö, bajalekwönönö waisanö omukwato̧ ö̧jinobe.

1 Reyes 5:10

Jejenö yöa̧la̧ja̧danö, Hiramma okobe jwiinö cedro towibiyatjöbi, cipres towibiyatjöbi, Salomon ösödi̧danö iyinobe,

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 31:8

Baikwö yöbawö chujunaduwakwö, jejenö sulabenö ja̧tinatjö̧ma, ötjöda batjo chotidaja̧, ju'wedöda tjukwobö jo̧be, ja̧danö chöbatjönö pokwi̧ma, 'yebö lotjobö jo̧be.

Éxodo 17:8

Ikenama ju'wedö, Amalek jojodöma Refidim nijinö ichö ölakwabikwawijadötö Israel jojodönö.

Isaías 11:14

Ja̧danö bakobe pjabatakwawö ja̧nö, Israel jojodöbi, Juda jojodöbi tjöpöjojodö jawo̧ meajobekwö ju̧kwadö filisteo jojodönö metjibakwedö, jadanö tjöpöjojodö jawo̧ laebobekwö ju̧kwadönö juluwajadö, bakobe tjiteaja̧ma 'döbebö tjemakwedö. Ja̧danö Edom niji jojodönöbi, Moab niji jojodönöbi tjujuluwakobe, tjömöayedö batjibakobetjö̧, ja̧danö Amonitas jojodöbi tjömöayedö ja̧nö, wetji̧ a̧ja̧kwö tjö̧jakwedö.

Isaías 62:8

Isabenö Jo̧ma, iteda inesö ujulunö baikwö yöbawö ujunajabe: Ötjö inesö chujulunö baikwö yöbawö chujunaduwakwö: Bemi tupakwö la'akatjöda ökwödö kwöbatjoduwi wa̧ji̧ma, iyö lotökakwo̧sa kwöpöjojodöduwi tju̧kwa baibanöma. Ja̧danö ökwödö ubasobu o̧'do̧bu kwotidaduwajobuma, ju'wedö tjitebo jojodöma la'akatjöda 'döbebö tjowökakwedö.

Deuteronomio 28:51

Jobadöma kwajwimuduwi ajikwakwawedönö kwabö tjukwakobe, ja̧danö kwöbatjijuduwi waji̧ jawa tjukwakobe, trigojayebi, ubasobubi, olivo o̧tebi, jwienanö baibanö, ja̧danö kwa̧jwi̧muduwi pakayadöbi, obejadöbi deenanö baibanö, ja̧danö a̧wi̧chi̧tjö debö kwi̧'yaduwakwedöja.

Jueces 10:12

sidonios jojodötjöbi, amalecitas jojodötjöbi, madianitas jojodötjöbi kwö̧jibaduwobö, jö̧tö? Jau, jobadö usula kwemawaduwinö ja̧tjenama, kwubudekwinaduwobe, kwö̧jibaduwinö pjatatobö, ja̧danö akebinaduwadanö otiwanö kwö̧jibaduwinö pjabatiachijatö, jö̧tö?

Jueces 3:13

Eglonma iteda ömöayedö Moab jojodönöbi, ju'wedö israel jojodö tjöpöjojodö amonita jojodönöbi, amalecita jojodönöbi ko̧ko̧dajo̧, israel jojodönö ujuluwobö i̧'yinobe, ja̧danö israel jojodönö ujuluwinobe. Ja̧danö, juluwajo̧, Jerico, ju'wi imi Öjiya Towi Jȩmi comunidadma, omudawö 'döebinobe, iteda ö̧jemi comunidad baibanö, jobe ja̧nö israel jojodönö weobö.

Jueces 6:2

Jwiinö usula tjemawinö ja̧tjinobe madianitas jojodöma israel jojodönö, döbibajö tju̧ju̧kwawenanö kabatö. Sulabenö ja̧tjiawö̧, israel jojodöma mösa'ijubebi, inawa ötölabebi, jelobe tjöeba̧lakwawabebi döbibajö tju̧ju̧kwawinobe, jobadötjö tjö̧jibobö.

Jueces 6:33

Jemi ikenama, ja'yubenö lekwajabetjö, madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi bakobe tjichinobe, ja̧danö Jordan ojwe pebibö, Jezrel wabekonö tjabakwemi tjujuninobe.

Jueces 6:4

Ichibö, jobadöma tjabakwemi israel nijinö juniatjinobe, ja̧danö jobe ja̧nö, israel jojodö tjitea emö okobe jwiinö tjöbatjiju söbebö lobiatjinobe, Gaza comunidad ö'öbö nijibe ichibanö. Okobe jwiinö israel nijinö ji̧ batjo jawa jwienanö baibanö jejenö ja̧biatjinobe, ja̧danö ju'wibi okobe deinö tjajwi̧munöbi emiatjinobe, obejadönöbi, pakayadönöbi, bu̧lö̧dönöbi.

Jueces 7:12

Jwiinö ba̧jȩkwadö madianitas jojodöbi, amalecitas jojodöbi, ju'wedö jawo̧ laebobekwötjö ichajadöbi tjö̧ba̧jekwinobe wabekonö, jwiinö tjö̧ba̧jȩkwobetjö̧ ma̧la̧ka̧yu tjö̧ba̧jekwi̧danö ichejekwinobe, ja̧danö tja̧jwi̧mu ka̧meyudöbi ba̧ja̧dakwawökenanö tjö̧jinobe, jwaibalawa ö'öbö so̧bi̧apu ba̧jȩkwi̧danö.

Jueces 8:10

Inesö la'aka luwedö Zebabi, Zalmunabi Carcor comunidadnö tjö̧jinobe, tjömöayedötjö ji̧bajadökö, quince milbedökwö. Ajayinö yelösöda ba̧jȩkwadö tjö̧möayedö jawo̧ laebobekwötjö ichadökwö tjö̧jinobe, ciento treinta y cinco milbedökwö, jo̧kwaijayonö jobadötjö ciento veinte milbedö ölakwabikwawadö ida̧ökö debö tji̧'yajobetjö̧, quince milbedökwöda tjö̧jinobe.