Jueces 6:24 - Dios Iwene

²⁴ Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.

Jueces 6:24 Iomraidhean Croise

Génesis 12:7

Ja̧danö, jobetjö Isabenö Jo̧ Diosma öwawachijetö Abramnöma. Öwawachö jö̧ba̧lijetö: —Abram, bemi nijima chiyocha ökwötjö tupadanö jojodönö— jö̧ba̧lijetö Isabenö Jo̧ Diosma. Ikenama Abramma Isabenö Jo̧ Dios öwawachajena inawiya wanabinö juwö iyawemi otidijetö, juwö iyobö Diosnö ösödö.

Génesis 12:8

Ikenama jobetjö labebö 'yi̧jetö Abramma, öibajawö̧kwö mö'ösa'iju ju̧kwobekwö, Betel comunidadtjö ja̧wo̧ laebobekwö. Jobetjöma isa̧do̧tjö ejudanö debatö otidijetö. Jado̧ debatö otidajelöma ja̧wo̧ meajobekwö Betel comunidad ji̧jetö. Ja̧danö, ja̧wo̧ laebobekwö Ai comunidad ji̧jetö. Jobetjö, ju'wi juwö iyawemi otidijetö. Otidajo̧, Isabenö Jo̧ Dios chösödakwö, jö̧ba̧lö juwö iyijetö Isabenö Jo̧ Diosnö.

Génesis 22:14

Jo̧kwaobetjö̧ Abrahamma jemima midijetö, Isabenö Jo̧ Diosma iyo̧, jö̧ba̧lö. Babe mölebi jejenö yötja̧lobe, Isabenö Jo̧ Diosma mö'ösa'otjö iyakwo̧, jö̧ba̧lö.

Génesis 33:20

Ikenama jena otidijetö Jacobma Diosnö ösödö juwö iyawemi. Jemi juwö iyawemima midijetö, El-Eloje-Israel, jö̧ba̧lö.

2 Samuel 24:25

Ja̧danö, emajo̧, Davidma jobetjö iyawöte otidinobe, ja̧danö Isabenö Jo̧nö jwiinö ubinö iyawabi, jojodö bakobe Dioskwö ösökwö ja̧kwawa jawa iyawabi jobetjö juwö iyinobe. Jejenö iyö, Isabenö Jo̧nö aebinobe, israel jojodönö lȩlöjinö edobö, ja̧danö a̧ebökwe, a̧ja̧kwinobe Isabenö Jo̧ma, ja̧da̧nö lȩlöjinö edö, israel jojodö tjö'wöchi̧ kaatakwawobö weinobe.

1 Reyes 18:32

Ja̧danö, ja̧ inawiyanö Isabenö Jo̧ Diosnö ösödö iyawemi otidinobe. Jemi ikenama, otidajo̧, iyawemi söpödö i̧sa̧la soinobe. Ja̧ soaja̧ma, ja'yubenö nöinö soinobe, soajemi ödebiyatjö quince litro jenanö a̧jibo jö̧a̧lenanö baibanö, soinobe.

Éxodo 17:15

Ikenama Moisésma juwö iyawemi otidijetö. Jemima midijetö, Isabenö Jo̧ma döpjojodönö dujuluwobö pjabato̧, jö̧ba̧lö.

Josué 22:10

Ja̧danö, tjitebobe ȩwa̧jö, Rubensaso jojodöbi, Gadsaso jojodöbi Manasessaso ja'ö jojodöbi Jordan ojwe ö'öbö nijibe tjichibinobe, Guelilot comunidadbe. Ja̧danö, jobe ichibajadö, Diosnö iyawöte mesasöte nööte tjotidinobe, jobe Jordan ojwe pjeanö. Ikenama, iyawöte otidajadö, tjitebobe tjewa̧jinobe.

Jueces 21:4

Jemi ikena möle, israel jojodöma yȩayi a̧la̧ibö, jobe Diosnö iyawemi tjotidinobe, ja̧danö otidajadö, jwiinö ubinö iyawabi, Dioskwö ösökwö ja̧kwawa iyawabi jobetjö kwabö juwö tjiyinobe.

Jueces 6:23

Jo̧kwaijayonö Isabenö Jo̧ma Gedeonnö yöawinobe, —Wene jwiköba, yebabökönui, ötjönö kwedajayonö, woköbökakwo̧ja, —jö̧ba̧lö.

Jueces 8:27

Ja̧danö, tjiyaja̧ orotjö, Gedeonma Diostjö jojodötjö la'aka pjabato̧ 'duawado̧, omukosa̧do̧danö ichejekwi̧ nönawa jawa orotjö otidinobe, itebo comunidad Ofranö önobö. Ja̧danö, ja̧ otidaja̧tjö wene baibinobe. Israel jojodöma ja̧ otidaja̧ jawa bȩbachibö tjösödinobe, Dios tjösödobö weöködanö. Jo̧kwajabetjö̧ ja̧ Gedeon otidaja̧ma, israel jojodönö 'daliwadanö ji̧nobe, jweinö Diosnöda tjösödo jö̧tja̧li̧tjö 'da̧bachibö, otidaja̧ sulabenö tjösödakobetjö̧.

Jueces 8:32

Ikenama, jwiinö pöe babibajo̧, Gedeonma ö'wö baibinobe, ja̧danö wobajo̧nö tjödinobe, Abiezersaso jojodö tjitebo comunidad Ofratjö, iteda abe'do Joasnö tjödinedo̧ iledo̧nö.

1 Samuel 14:35

Ja̧danö, jobetjö Saulma Isabenö Jo̧nö iyawöte mesasöte ujuninobe, Diosnö ösödö. Ja̧danö, jötema, ajayinö Saul otidö ujuninöte.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.