Jueces 6:22 - Dios Iwene

²² Jejenö balediökwe, Gedeonma öwaisachibinobe, —Angeldanö ichejekwo̧ Isabenö Jo̧nöda chedajabeta, —jö̧ba̧lö, ja̧danö öwaisachibajo̧, yöa̧linobe, —Isabenö Jo̧ Dios, ötjöwe, angeldanö ichejekwo̧ Isabenö Jo̧nöda chedajobetjö̧, ötjöwe, debö chi̧'yena, —jö̧ba̧lö.

Jueces 6:22 Iomraidhean Croise

Génesis 16:13

Ja̧danö, Isabenö Jo̧ Dios jejenö yöawoko Agarma Diosnö öbabijotö, ötjönö edö te'ada̧lo̧ Dios, jö̧ba̧lö. Ja̧danö yöba̧lijotö, ¡Ayö! Ötjöma Diosnö chedajayonö ina 'yaba̧lujusa, jö̧ba̧lö.

Génesis 32:30

Ikenama Jacobma, bemima Dioskwö bakobe ja̧nö jo̧banö chedijayonö debö chi̧'yökötö, jö̧ba̧lö jobema Peniel, jö̧ba̧lö midijetö.

Génesis 32:31

Ikenama ju'wi dewachö jawo̧ laebena Jacobma labebijetö jelö Penieltjö. Jiko, jiko 'yi̧jetö isȩ'bo niiökwe.

Éxodo 33:20

Jo̧kwaijayonö ötjö chöba kwedoböma jwiya Moisés, debö kwi̧'yapji jö̧ba̧lö. Bakwo̧ ötjö chöba editjö̧ma debö i̧'yakwo̧.

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Juan 12:41

Ja̧danö, Isaíasma Jesúsnö iwȩyudinobe, ajayinöma öwaisinobetjö̧, Jwiinö otiwakwo̧, jö̧ba̧lö.

Deuteronomio 5:24

Ja̧danö ichibajadö yöka̧linaduwobe: –Moises, duluwo̧ Isabenö Jo̧ Diosma iteda ujulu, iteda inesö salöinö ujuluma ökwödönö i̧sȩbajabe, ja̧danö iteda iwene ökwölatjö ökwöobe da̧ja̧kwajabe. Babe möle edö döwaisachibajabe, Dios iwene ökwöinö jojonö yöa̧lonö, debö 'yö̧könö ina 'ya̧alena, jö̧ba̧lö.

Deuteronomio 5:26

Jau Moises, okobe deinö bö̧jȩ jojodötjö bakwo̧bi deobe, 'yaba̧lo̧ Dios yöawobe ökwöi̧ a̧ja̧kwina, ina 'yaba̧lo̧ma, jo̧kwajabetjö̧ tupakwö Dios iwene ökwöi̧ da̧ja̧kwitjö̧ma, dedemi ö'wö badibena.

Deuteronomio 5:5

Ja̧ möle ökwödöma mösa'o yö̧ne kwichibaduwobö yekabiduwijatö, ökwöla edö yekabinaduwobetjö̧, ja̧danö jejenö yekabiduwitjö̧, ötjöma ökwödötjö Isabenö Jo̧tjö kwö'da̧deduwinö chö̧jijatö, Isabenö Jo̧ yöawi̧ ökwödönö yötawobö. Ja̧danö, jobe dö̧jonö, baikwö yöawinobe Isabenö Jo̧ma:

Jueces 6:23

Jo̧kwaijayonö Isabenö Jo̧ma Gedeonnö yöawinobe, —Wene jwiköba, yebabökönui, ötjönö kwedajayonö, woköbökakwo̧ja, —jö̧ba̧lö.