Jueces 6:2 - Dios Iwene

² Jwiinö usula tjemawinö ja̧tjinobe madianitas jojodöma israel jojodönö, döbibajö tju̧ju̧kwawenanö kabatö. Sulabenö ja̧tjiawö̧, israel jojodöma mösa'ijubebi, inawa ötölabebi, jelobe tjöeba̧lakwawabebi döbibajö tju̧ju̧kwawinobe, jobadötjö tjö̧jibobö.

Jueces 6:2 Iomraidhean Croise

Diosnö ösödo̧ Job mikwo̧ usula emawina jawa 30:6

—Jejenö a'dewö lotjiawö̧, ojwe köködö wabekonö usula emawö ju̧kwadö, ja̧danö laju okwabi, inawiya jȩnabi usula emawö ju̧kwadö.

Hebreos 11:38

Ja̧danö, jobadöma tjeju jwibadöda, mejenö mö'ösa'ijunö kwebachö i̧lȩdo̧nöbi, lajunöbi ji̧atjinobe, jwiinö usula emawö. Chömöledö yötawaduwakwö. Jejenö usulasedöda tjuju̧kwijayonö Diosma jobadönö edö, Jwiinö mikwawadö, jö̧ba̧lö, omukwatinobe. Isabenö chömöledö, jobadöma jwiinö mikwawadötjobetjö̧ böjȩ mikwawököjȩ jobadö tjitebo baibanö tjö̧joböma jwiobe. Tjiteboma mölejȩbeda.

Apocalipsis 6:15

Jejenö baibiawö̧ okobe deinö böjȩ bakwameachibanö ju̧kwadöma, ¡Ayö!, jö̧ba̧lö, yetjaibobe chedijatö, la'aka luwedöbi, jo̧kwadabedöbi. Ja̧danö, guardia jojodötjö abönö luwedöbi, balada juna̧ladöbi, baladanö midö tjeminawö̧bi yelösöda yetjaibobe chedijatö. Ja̧danö, okobe deinö böjȩnö ju̧kwadöma, mö'ösa'obekwö, inawiya ju̧kwobekwö dötjibajobe chedijatö, jobeda tjuju̧kwawobö.

Jueces 10:8

Jo̧kwajabetjö̧ ja̧ o̧ba filisteo jojodöbi amonitas jojodöbi jamatö israel jojodönö tjujuluwinobe, ja̧danö usula tjemawinö ja̧tji̧nobe. Ali̧nösamu jelemutjö wa̧pötakwa o̧biya baledibanö, amorreo jojodö ajayinö tjö̧jinemi Galaad nijinö ju̧kwadö, Jordan ojwetjö jawo̧ laebobekwö ju̧kwadö israel jojodönö usula tjemawinö ja̧tjinobe tjöpöjojodöma.

Jueces 10:9

Ja̧danö, ju'wibi amonitas jojodöma Jordan ojwe pebibö, Judasaso jojodökwöbi, Benjaminsaso jojodökwöbi, Efrainsaso jojodökwöbi tjölakwabikwawinobe, israel jojodö jwiinö usula tjemawinö.

Jueces 6:3

Isabenö usula tjemawinö ja̧tjinobe, ba̧kwelöjatebö israel jojodö batjo tjotidenama, wa̧ji̧ emajitja möle baibakwa̧ abönö madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi tjönaukwobö tjichinobe.

1 Samuel 13:6

Jejenö tjichiawö̧, israel jojodöma jwiinö yetjaibinobe, —Ökwödöwe, isabenö ökwödötjö bajalekwönönö juluwadö, —jö̧ba̧lö. Ja̧danö, israel jojodötjö ba̧jȩkwadö tju̧ju̧kwawinobe, ju'wedö inawa ötöla okwa, ju'wedö tebo towibiya 'da̧de, ju'wedö ojwe se'do okwa, ju'wedö o̧do okwa soawemi okwa, ju'wedö laju okwa tju̧ju̧kwawinobe.

1 Samuel 14:11

Ikenama, Jonatanbi ömöayo̧bi filisteo ölakwabikwawa jojodö tjedobö tjöwawachinobe, ja̧danö filisteo jojodöma jobadönö tjedinobe, ja̧danö edö obö yötja̧lakwawinobe, —Edi, idö hebreo jojodöma laju okwa ju̧kwawajadö latjebobe, —jö̧ba̧lö.