Jueces 6:19 - Dios Iwene

¹⁹ Gedeonma juluwanö ejube ȩwa̧jö, chivo ja'yuwo̧nö kwabö toinobe, ja̧danö trigoso̧pja̧ domulataja jawa kilo jenanö emibö, ye'yeachi̧ jwii̧ jawa pan öpji̧ya otidinobe. Ikenama, otidajo̧, itebiya wi̧lȩyu̧nö anajo̧, ja̧danö isobu toajobu pa̧laka'do̧nö tobajo̧, okobe jwiinö e'ewö i̧'yinobe Isabenö Jo̧ towi teebe ö̧bobekwö, jo̧banö iyobö.

Jueces 6:19 Iomraidhean Croise

Génesis 18:3

Ikenama jö̧ba̧lijetö Abrahamma bakwo̧nö: —Chuluwo̧, ötjönö otiwanö kweditjö̧ma juluwanö baledökönuwi kwömöayo̧ chö̧jelöma.

Génesis 18:5

Ja̧danö, kwakwawa tjotidobö weta kwukwaduwobö, juluwachibö kwi̧'yaduwo. Ökwödöma chö̧jobekwö kwichaja̧duwobema kwömöayo̧duwisa ötjöma— jö̧ba̧lijetö Abrahamma. Jejenö jö̧a̧liawö̧ jö̧ba̧lijadötö: —Jao kwatjö̧ma, otiwa. Yöka̧li̧danö webi— jöba̧lijadötö.

Mateo 13:33

Jesúsma ju'wi wanedö yöawakwawabi yöawinobe, baikwö: —Bakwuju pan otidujuma, ja'yubeda ye'yeachi̧ jawakwö, nöinö harina jawasa'bekwö wiwoduju. Ja̧danö, ye'yeachi̧ jawa ja'yubeda jiwiwodijayonö, okobe jwiinö pansa'be ye'yeachobe— jö̧ba̧lö wanedö yöawinobe.

Jueces 13:20

Manoa iyaja̧ ubi̧ ökwöla mölȩjȩbe kaamenama, angeldanö ichejekwo̧ Isabenö Jo̧ma, ökwölanö kaekwajinobe mölȩjebe, tjöba a'otjö debi baibanö. Ja̧danö, jejenö balediawö̧, Manoabi ilekwobi yetjaibanö tjöba nijakwö metji̧nobe.

Jueces 6:18

Jo̧kwajabetjö̧, ȩwa̧jökönö, benada kwiteada̧lobö atebakwö, ȩwa̧bijö iyawa chiyakwa̧ kwöba a'o chujunenanö kabatö, —jö̧ba̧lö. Aebökwe, —Jau, chiteada̧locha, chȩwa̧jökö, yemidanö tjekachajenanö kabatö, —jö̧ba̧lö.

Jueces 6:20

Ichibiökwe, angeldanö ichejekwo̧ Diosma jo̧banö weinobe, —Itebiyabi, pan öpji̧ya̧bi biwa inabanö wani, ikenama wanajo̧, ja̧ jawa wamenö isobu tobebi, —jö̧ba̧lö. Weökwe, weaja̧danö ja̧inobe Gedeonma.