Jueces 5:9 - Dios Iwene

⁹ Isabenö cho̧'wo ösöwanö chomukwatobe babe ökwödö israel jojodö duluwedönöma, jobadöbi ju'wedöbi tjo̧'wo ösöwanö tjölakwabikwawobö tjichinobe, inesö labijayonö, yayonö tjo̧'wo ösöwanö tjichinobe, döpöjojodötjö dö̧jibobö. Jobadönö omukwatö, cho̧'wo ösöwanö chösödobe Isabenö Jo̧nö, isabenö duluwo̧ Diosnö dösödaduwo.

Jueces 5:9 Iomraidhean Croise

1 Crónicas 29:9

Ja̧danö, jobekwö iyajadö, jojodöma tjo̧'wo ösöwachibanö tjösödinobe, —Öpöjödökönö, otiwanö do̧'wo ösöwachibanö diyajabe Isabenö Jo̧nö, —jö̧ba̧lö. Jau, tjomajadenö tjiyobö ösödö, otiwanö tjiyinobe Isabenö Jo̧nö, ja̧danö jobekwö tjiyiökwe, la'aka luwo̧ Davidbi o̧'wo ösöwachibanö ösödinobe.

2 Corintios 8:12

Jau chömöledö, isabenö iyö pjakataduwobö jö̧ka̧laduwitjö̧ma otiwa, baikwö yötawa: Isabenö iyö pjakataduwobö ösödö, kwujuna̧laduwi̧tjö kwiyaduwitjö̧ma, Diosma edö ösödakobe, jo̧bama kwujuna̧laduwi̧ öwaisobetjö̧. Jau chömöledö, Diosma sule kwujuna̧laduwi̧da edo̧, kwiyaduwi̧ otiwojobö jö̧ba̧lö, ja̧danö kwiyaduwobö kwujuna̧laduwi̧danö kwiyaduwenama, edö ösödo̧ Diosma, bidöma otiwanö pjatjatobö ösödadö jö̧ba̧lö.

2 Corintios 8:17

Ja̧danö, Titonö kwiteboduwibe i̧'yobö adebenama, adebi̧ ösödinobe chömöledö, ja̧danö jo̧babi ökwödönö pjabatö i̧'yobö jwiinö ösödobetjö̧ kwiteboduwibe i̧'yakobe Titoma.

2 Corintios 9:5

Jejenö omukwatö, dö̧ja̧wo̧dönö di̧'yakwa̧ abönö wetobö chomukwata chömöledö, chichibakwa̧ abönö, kwiyaduwakwa̧ jö̧ka̧linaduwa 'da̧batö kwujunaduwobö. Jau chömöledö, ökwödöda yökawinaduwobe diyobö dösöda jö̧ba̧lö, ¿jö̧tö? Jo̧kwajabetjö̧, chichibakwa̧ abönö ida̧ökö 'da̧batö kwujunaduwobö otiwena, ökwödötjö webö 'dötebobedanö ichejekwapji jö̧ba̧lö.

Jueces 5:2

Israel jojodötjö luwedöma otiwanö tjömöledönö ötjibinobe, tjöpöjojodönö tjujuluwobö, ja̧danö ju'wedö israel jojodöma tjuluwedö ötjibi̧danö tjölakwabikwawobö tjösödinobe, jo̧kwajabetjö̧ Isabenö Jo̧nö dösödo.