Jueces 5:19 - Dios Iwene

¹⁹ Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.

Jueces 5:19 Iomraidhean Croise

Génesis 14:22

Tea chemokobe— jö̧ba̧lijetö Abramma—. Ötjöma La'aka Inesö Diosnö, mölejȩbi böjȩbi otidinanöma yöbawö chujunajabe,

Génesis 4:16

Ikenama Caínma Isabenö Jo̧ ö̧jajelöma labebö 'yi̧jetö Nod nijibe ö̧jobö. Nod nijima Edén batjotjöma ja̧wo̧ laebemi badeibö ji̧jetö.

1 Reyes 4:12

Ajilud itji̧ Bana mikwo̧ma, Tanac comunidadbi, Meguido comunidadbi, okobe jwiinö Saretan ö'öbö Betsean ötjabobe niji̧bi, Jezrel wabekotjö a̧li̧kwö Betsean comunidadtjö, Abel Mejola comunidadbe baibanö nijibi, Jocmean comunidad tupakwö baibanö nijibi la'aka luwo̧ ö̧jinobe.

2 Reyes 23:29

Ja̧danö, Josias la'aka luwo̧ ö̧jena, Egipto la'aka luwo̧ Necao mikwo̧ma Asiria la'aka luwo̧ ö̧jobekwö i̧'yinobe Eufrates ojwebe. Jobekwö i̧'yiökwe, öpöjödinobe Josiasma, ja̧danö i̧'yobe tjöeba̧lotö jö̧ba̧lö, Meguido comunidadbe i̧'yinobe, Egipto la'aka luwo̧ Necaokwö ölakwabikwawobö. Ja̧danö, tjölakwabikwawenama, Egipto jojodöma Josiasnö 'böbö lotjinobe, ja̧danö jobekwö ö'wö baibinobe Josiasma.

Josué 12:21

Tanac comunidad la'aka luwo̧nöbi, Meguido comunidad la'aka luwo̧nöbi,

Josué 17:11

Ja̧danö, Aser niji okwabi, Isacar niji okwabi, Manases jojodöma tjitebo comunidad tjujuna̧linobe, Betsean comunidadbi, Ibleam comunidadbi, Dor comunidad ju'wi imi Nafot comunidadbi, Endor comunidadbi, Tanac comunidadbi, Meguido comunidadbi. Ja̧ comunidadbiyabi, ö'öbö pjei̧ comunidadbi̧yabi, jeleso niji okwa ji̧najayonö, Manases jojodö tjitebo comunidad ji̧nobe.

Apocalipsis 16:16

Ja̧danö, Awetja ömöayedöma, böjȩ okobe jwiinö ju̧kwadö la'aka luwedökwö, tjömöayedö guardiakwö bakobe ko̧ko̧kwachö tjite'ada̧lobe chedijatö, Armagedón mikwena. Armagedón, jö̧ba̧löma, hebreo tjiwenenö jejenö baledobe.

Apocalipsis 19:19

Ja̧danö, chedijatö sulabo̧ dewo̧nö, böjȩtjö okobe deinö la'aka luwedökwö, jobadö tjömöayedö guardia luwedökwö. Jobadöma ko̧ko̧kwa̧lö tjö̧jobe chedijatö, kabayu dewo̧ wamenö wo̧nöbi, jo̧bakwö 'ya̧jadönöbi dȩdȩbö lotjakwedöma.

Jueces 1:27

Manasessaso jojodöma tjitebo niji ju̧kwadönö a'dewö lotjo jö̧tja̧linobe, jo̧kwaijayonö Betsean comunidad ju̧kwadönöbi, Tanaac comunidad ju̧kwadönöbi, Dor comunidad ju̧kwadönöbi, Ibleam comunidad ju̧kwadönöbi, Meguido comunidad ju̧kwadönöbi a'dewö lotjinokobe. Ja̧ comunidadbiya ju̧kwadönöbi, ö'öbö ji̧ pjei̧ comunidad ju̧kwadönöbi a'dewö lotjinokobe, jo̧kwajabetjö̧ a'dewö lotjo jö̧tja̧lijayonö, cananeos jojodöma ina jobe tjö̧jinobe.

Jueces 4:13

ja̧danö a̧ja̧kwajo̧, okobe deinö ömöayedönö o̧ko̧kodinobe, novecientos 'dii jawatjö otikwa kolukiyanö ölakwabikwawadönöbi, ju'wedö ölakwabikwawadönöbi, ja̧danö jobadönö ko̧ko̧dajo̧, Jaroset Goyimtjö labebö, Tabor mösa'o ö'öbö lö̧dö Quison ojwebe öbibö i̧'yinobe, Barackwö ölakwabikwawobö.

Jueces 5:30

—Lekwe ȩwa̧jökönö tjö̧ji̧ma, tjöpöjojodö tjiteaja̧ma tjemobetjö̧ lekwamachibobe, tjitea tjemaja̧ 'da̧batö tjujunobetjö̧ lekwe ichöködö. Tjujuluwajawö̧ ya̧dötjö bakwo̧kwena ömöayuju bakwujuena, du̧ju̧tajaena tjemobetjö̧, lekwemachibena. Ja̧danö Sisarama kamiji̧do̧ otiwa̧do̧, inesö otiwanö otikwa̧do̧ dödo̧lataja 'dutawakwa̧do ichejebobö emobetjö̧, lekwe ichökö, —jö̧ba̧lö jomukwatinobe Sisara ojo'doma, jitji̧ lekwe ichiokoko.