Jueces 4:19 - Dios Iwene

¹⁹ Ja̧danö, Sisarama Jaelnö aebinobe, —Ojwiyo o̧ti̧löjabökwesa, ojwiyo chowobö atebakwö, —jö̧ba̧lö. Aeboko, lechesa'wo po̧bebö, lecheda owobö jiyinobe, ja̧danö iyaju, yemidanö sabana'wonö jumuchebinobe.

Jueces 4:19 Iomraidhean Croise

Génesis 24:43

Ja̧danö, ina atebatö, baikwö: Babema ojwese'do ö'öbö chö̧ja. Bakwujunö atebocha ojiwyo waawayu̧ meatö jujunobö, wa'yebö chowobö. Jejenö ateboko, jao wa'yebö owi, kwa̧jwi̧mu ka̧mȩyu̧dönöbi chiyocha, jö̧ba̧lö, atadujunöma, bisuda, jö̧ba̧lö, chöwaisachibakobe. Bisuma Isabenö Jo̧ Dios omudawö ujunoko ömöayo̧ Isaac ilekwo baibobö, jö̧ba̧lö, chöwaisachibakobe— yöbawijetö.

1 Reyes 17:10

Weökwe, Sareptabe i̧'yinobe Eliasma. Ja̧danö, comunidad apjudebe ichibenama, bakwuju jilekwenö wobekwinujunö edinobe, pjei̧ ö̧'iya imi isakwö ko̧ko̧dujunö. Jobujunö edö jwöinobe Eliasma, —Jojosuju, ökwönö ateba, i̧sa̧yunö ja'yubeda ojwiyo kwichejebobö atebakwö, chowobö, —jö̧ba̧lö.

Isaías 41:17

Ja̧danö ökwödötjö usula jojodöbi, ju'wedö jwibadöbi o̧ti̧ tjöbö tjö̧jena, ja̧danö ojwiyo jwibö ja̧nö, tjinene kököachibenama, ötjö Isabenö Jo̧ma jobadönö pjabatö chichakwo̧sa, ötjö Israel jojodö tjösödökwe Diosma, la'akatjöda jobadönö le'dedö lotökakwo̧sa.

Juan 4:7

Jena ba̧nö ö'wacha̧lonö iteda öba̧ja̧di̧ waisachadöma jemi tupakwö, jojodö tjuju̧kwobekwö tji̧'yinobe, kwakwawa emö. Ja̧danö, Jesúsma jena ö̧bena Samaria jojosujuma, ojwiyo wabö jichinobe. Jesúsma jobujunö edö aebinobe:

Jueces 4:18

Ja̧danö, jejenö jejube ichibioko, Jaelma jeju sabana'wotjö otikwejutjö labebö, Sisaranö yöja̧linobe, —Chuluwo̧, yebabökönui, cheju okwa wene jwiinö tebachi, tjöbadekwapji jö̧ba̧lö pjatatocha, —jö̧ba̧lö. Yöja̧lökwe, jeju okwa teachinobe Sisarama, ja̧danö jeju okwa ju̧kwawö tebachajo̧nö jumuchebinobe Jaelma, sabana'wonö.

Jueces 4:20

Ja̧danö Sisarama Jaelnö aebinobe, —Apjudenö ja̧nö kwiteada̧lo, ja̧danö bakwo̧ ichibö, –Jelo̧ kwejunö ö̧jobeji̧? –jö̧ba̧lö aebitjö̧ma, –deobe, –jö̧ba̧lö kwatado, —jö̧ba̧lö aebinobe. Ikenama, abebajo̧, me'dawachibajo̧ abibinobe.

Jueces 5:24

Jo̧kwaijayonö isabenö otiwanö Dios pjaatakwuju Jael mikwujunö, ceneo jojo Heber ilekwonö, okobe deinö ju'wedö sabana'wotjö otikwejunö ju̧kwadö ya̧dötjö bajalekwönönö pjaatakwuju Jaelnöma, otiwanö ökwödönö pjajatobetjö̧.