Jueces 4:13 - Dios Iwene

¹³ ja̧danö a̧ja̧kwajo̧, okobe deinö ömöayedönö o̧ko̧kodinobe, novecientos 'dii jawatjö otikwa kolukiyanö ölakwabikwawadönöbi, ju'wedö ölakwabikwawadönöbi, ja̧danö jobadönö ko̧ko̧dajo̧, Jaroset Goyimtjö labebö, Tabor mösa'o ö'öbö lö̧dö Quison ojwebe öbibö i̧'yinobe, Barackwö ölakwabikwawobö.

Jueces 4:13 Iomraidhean Croise

1 Reyes 18:40

Ja̧danö, Eliasma jojodönö weinobe, —Okobe deinö Baal yöawi̧ yöbawadönö do̧bataduwi, jobadötjö bakwo̧bi döibapji jö̧ba̧lö, okobe deinö jobadönö do̧bataduwidönö, —jö̧ba̧lö. Weawö̧, jobadönö do̧tja̧tinobe, ja̧danö jemi ikenama Eliasma jobadönö öbibö i̧'yinobe Quison ojwebe, ja̧danö jobe ojwetjö, okobe deinö jobadö Baal yöawi̧ yöbawadönö kwabawö loinobe.

Josué 17:16

Atadawö̧, Efrainsaso jojodöbi, Manasessaso jojodöbi tjatadinobe, —Mösa'iju jȩmi nijinö dö̧ba̧jekwachököjayonö, ba̧ba̧lawobe ju̧kwadö cananeo jojodönö dujuluwoböma juluwöködösa. Jobadöma kolukiyanö ölakwabikwawadö, 'dii̧ jawatjö otikwa kolukiyanö, jo̧kwajabetjö̧ jobadö Betsan comunidad ju̧kwadönöbi, jemi ö'öbö pjei̧ comunidadtenia ju̧kwadönöbi, Jesreel wabekonö ju̧kwadönöbi dujuluwobö juluwöködösa, —jö̧ba̧lö tjatadinobe.

Jueces 1:19

Isabenö Jo̧ma otiwanö pjaatinobe Judasaso jojodö tjöpöjojodönö tjujuluwobö, ja̧danö otiwanö mösa'iju jȩmi niji tjujuluwinobe, ja̧danö idöda tjitebo baibanö jobe tjö̧jobö tjeminobe. Jo̧kwaijayonö ba̧ba̧lawobe ju̧kwadönö ina tjujuluwinokobe ja̧ möle. Jobadönöbi tjujuluwo jö̧tja̧li̧jayonö waekwinobe, jobe ju̧kwadöma 'dii jawatjö otikwa kolukiya tjujuna̧lobetjö̧.

Jueces 4:12

Barac ölakwabikwawa jojodönö öbibö Tabor mösa'obe i̧'yiökwe, Sisarama i̧'yaja̧ wene yötjawi̧ a̧ja̧kwinobe,

Jueces 4:7

Ja̧danö, jobe Tabor mösa'onö kwiteada̧laduwonö, ötjö Diosma la'aka luwo̧ Jabin ömöayedö ölakwabikwawa jojodö tjuluwo̧ Sisaranö ötibocha, kolukiyanö ölakwabikwawadökwöbi, ju'wedö ömöayedö ölakwabikwawadökwöbi Quison ojwebe ichobö, jobetjö jobadökwö kwölakwabikwawaduwakobetjö̧. Ja̧danö, jejenö kwölakwabikwawaduwenama, ötjö Diosma jo̧banö kwujuluwobö pjatatocha, –jö̧ba̧lö Dios wei̧ yötawakwö, —jö̧ba̧lö yöjawinobe Deborama Baracnö.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.