Jueces 3:14 - Dios Iwene

¹⁴ Ja̧danö, jejenö juluwajo̧, dieciocho o̧bia baledibanö, Eglonma israel jojodö la'aka tjuluwo̧ ja̧nö wei̧ tjotidobö weinobe.

Jueces 3:14 Iomraidhean Croise

Deuteronomio 28:40

Ja̧danö ju'wibi kwiteboduwi ba̧kwemeachibanö olivo towibiya kwujuna̧laduwakwedöja, jo̧kwaijayonö olivo o̧te kwi̧sȩdonö 'do̧kebaduwobö jwiakobe, kwe'daduwakwa̧ abönö olivo waji̧ tjoduwö suli̧ waekwakobetjö̧.

Jueces 3:13

Eglonma iteda ömöayedö Moab jojodönöbi, ju'wedö israel jojodö tjöpöjojodö amonita jojodönöbi, amalecita jojodönöbi ko̧ko̧dajo̧, israel jojodönö ujuluwobö i̧'yinobe, ja̧danö israel jojodönö ujuluwinobe. Ja̧danö, juluwajo̧, Jerico, ju'wi imi Öjiya Towi Jȩmi comunidadma, omudawö 'döebinobe, iteda ö̧jemi comunidad baibanö, jobe ja̧nö israel jojodönö weobö.

Jueces 3:15

Jemi ikenama, israel jojodöma yemidanö Isabenö Jo̧nö tjubudekwinobe, jobadönö pjaatobö. Jejenö tjubudekwiökwe, Isabenö Jo̧ma jelo̧ pjaatakwo̧nö kabebö ujuninobe, Benjaminsaso jojo Aod mikwo̧nö, wajwiobekwöchobe do̧balo̧nö kabebö ujuninobe, israel jojodö tjö̧jibinö pjaatobö. Israel jojodö tjimidajitjadanö yemidanö Eglonnö tjimidobö baibenama, Aodnö wetjinobe, la'aka luwo̧nö iyawa jo̧ba e'ewö iyobö.