Jueces 3:13 - Dios Iwene

¹³ Eglonma iteda ömöayedö Moab jojodönöbi, ju'wedö israel jojodö tjöpöjojodö amonita jojodönöbi, amalecita jojodönöbi ko̧ko̧dajo̧, israel jojodönö ujuluwobö i̧'yinobe, ja̧danö israel jojodönö ujuluwinobe. Ja̧danö, juluwajo̧, Jerico, ju'wi imi Öjiya Towi Jȩmi comunidadma, omudawö 'döebinobe, iteda ö̧jemi comunidad baibanö, jobe ja̧nö israel jojodönö weobö.

Jueces 3:13 Iomraidhean Croise

Deuteronomio 34:3

Ja̧danö Neguev ötjabemi nijibi i̧sȩbinobe, ja̧danö ba̧ba̧lawobe Jerico, ju'wi imi Öjiya Towi Jȩmi comunidadtjö Zoar comunidadbe ichibanö wabeko i̧sȩbinobe.

Jueces 1:16

Ja̧danö, quenita jojodö, Moises öjaba Hobab itji̧mu tupadanö jojodöma, jobadöma Judasaso jojodökwö tji̧'yinobe, Juda niji jojodö deobe tjö̧jobö. Jobadöma Jerico, ju'wi imi Öjiya Towi Jȩmi comunidadtjö labebö, juda niji, Neguev ötjabobe tji̧'yinobe, Arad comunidad pjeanö ju̧kwadökwö tjö̧jobö.

Jueces 10:11

Jejenö tjubudekwiökwe, Isabenö Jo̧ma israel jojodönö atadinobe: —Kwöwaisaduwa, ötjöma otiwanö ökwödönö pjabatinasa, egipcio jojodötjöbi, amorreo jojodötjöbi, amonitas jojodötjöbi, filisteo jojodötjöbi,

Jueces 10:12

sidonios jojodötjöbi, amalecitas jojodötjöbi, madianitas jojodötjöbi kwö̧jibaduwobö, jö̧tö? Jau, jobadö usula kwemawaduwinö ja̧tjenama, kwubudekwinaduwobe, kwö̧jibaduwinö pjatatobö, ja̧danö akebinaduwadanö otiwanö kwö̧jibaduwinö pjabatiachijatö, jö̧tö?

Jueces 10:9

Ja̧danö, ju'wibi amonitas jojodöma Jordan ojwe pebibö, Judasaso jojodökwöbi, Benjaminsaso jojodökwöbi, Efrainsaso jojodökwöbi tjölakwabikwawinobe, israel jojodö jwiinö usula tjemawinö.

Jueces 3:14

Ja̧danö, jejenö juluwajo̧, dieciocho o̧bia baledibanö, Eglonma israel jojodö la'aka tjuluwo̧ ja̧nö wei̧ tjotidobö weinobe.

Jueces 5:14

Efrainsaso jojodö tjitebo, damötjö̧ amalecita jojodö tjö̧jinelö otiwanö tjichinobe, ökwödö Benjaminsaso jojodö kwökömanöduwi tjichinobe. Maquir itji̧mu tupadanö jojodötjö ölakwabikwawa jojodö tjuluwedö tjichinobe, ja̧danö Zabulonsasotjö inesö ölakwabikwawa jawa la'aka luwedö tjichinobe, otiwanö.

Jueces 6:3

Isabenö usula tjemawinö ja̧tjinobe, ba̧kwelöjatebö israel jojodö batjo tjotidenama, wa̧ji̧ emajitja möle baibakwa̧ abönö madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi tjönaukwobö tjichinobe.