Jueces 21:3 - Dios Iwene

³ Budekwabinö, Diosnö abebö yötja̧linobe, —Ökwödö israel jojodö duluwo̧ Isabenö Jo̧ Dios, babema ökwödö israel jojodötjö bakwaso deinö baibajabe. Ökwödö israel jojodöwe, tajawedö jejenö baledajö, jwiinö o̧'wo tjo̧achadösa, ökwödötjö bakwaso debi baibajobetjö̧, —jö̧ba̧lö budekwabinö atjebinobe.

Jueces 21:3 Iomraidhean Croise

Proverbios 19:3

Ja̧danö, ju'wibi yötawa: Isabenö, bakwo̧ jweinö omukwatökönö ö̧jobetjö̧ itedada wene jwöbekwo̧. Jobekwö jo̧banö wene nöinö baledena iteda jawaijayonö Isabenö Jo̧nöda o'wo̧ sulinö edö labinö jwöbeba̧lo̧, ökwöda jawa, jö̧ba̧lö.

Isaías 63:17

Chuluwo̧ Isabenö Jo̧, tajawedö weköbi̧ a̧ja̧kwökönö dö̧jobö weköbaja̧da? Tajawedö domajade 'diachibanö, ökwönö yebabökönö dö̧jobö weköbaja̧da? Tjebachajö, yemidanö ökwödö, ökwöda kwömöledö badibanö kweminawö̧nö pjakatobö atebakwö. Ökwödö kwömöayedönö omukwatö, yemidanö pjakatobö atebakwö.

Deuteronomio 29:24

Jau chömöledö, jobadöbi, ju'wedö tjitebotenia jojodöbi ja̧ niji edö abebö tja̧ja̧kwakwedö, –Ayö, tajawedö i̧ya̧ niji suli̧ öwaedinada Isabenö Jo̧ma? Tajawedö inesö ödameakwi̧ i̧sȩbö, jejenö lȩebinada? –jö̧ba̧lö abebö tja̧ja̧kwakwedö.

Jueces 21:2

Ja̧danö, Benjaminsaso jojodönö söbebö lotjaja̧ ikenama, okobe deinö israel jojodöma yemidanö Betel comunidadbe tji̧'yinobe, Dios öba a'o yemidanö tjö̧jobö. Ja̧danö, jobe ba̧nö, möle baledibanö Dios öba a'o tjo̧'wo tjoachö tjubudekwinobe, Benjaminsaso jojodönö omukwatö.

Jueces 21:4

Jemi ikena möle, israel jojodöma yȩayi a̧la̧ibö, jobe Diosnö iyawemi tjotidinobe, ja̧danö otidajadö, jwiinö ubinö iyawabi, Dioskwö ösökwö ja̧kwawa iyawabi jobetjö kwabö juwö tjiyinobe.