Jueces 21:19 - Dios Iwene

¹⁹ O̧ba bakwabakwena, israel jojodöma Silo comunidadtjö, Isabenö Jo̧ öba a'otjö ba'ali juniatjinobe. Jobe ba'ali junawemima, Betel comunidadtjö u'dakwöobe, ja̧danö Beteltjö Siquen comunidadbe ya̧kwawamatjö jawo̧ laebobekwöbe, ja̧danö Lebona comunidadtjö a̧li̧kwöobe. Ja̧danö, Benjaminsaso jojodönö pjatjatakwa̧ omukwatö, ja̧ ba'ali tjomukwatinobe, —Juluwanö ja̧ ba'ali dujunakobe, —jö̧ba̧lö.

Jueces 21:19 Iomraidhean Croise

Juan 5:1

Jemi ikenama, judío jojodö pjiesta tjujuni̧ möle baibobetjö̧ Jesúsma Jerusalénbe i̧'yinobe.

Juan 7:2

Ja̧danö, ida̧ökö judío jojodö tjukwi̧ pjiesta lekwokobe, Judea niji Jerusaléntjö baledakwa̧ pjiestama. Ja̧ pjiesta, löwöte pjiesta, jö̧ba̧lö, mikwinobe, ja̧ pjiesta baledena judío jojodöma löwöte tjotidinobe, jötenöda ju̧kwö.

Deuteronomio 16:1

Tupakwö yöawinobe Moisesma: —Chömöledö, kwöwaisaduwa, damötjö kwuluwo̧duwi Isabenö Jo̧ Dios ökwödönö Egipto nijitjö lakebaduwinö pjaatinenama, ajayi jawo̧ Abib jawo̧nö lakebaduwinö pjaatinobe, jö̧tö? Jau chömöledö, Abib jawo̧nö, yö̧te ja'ö jobetjö lakebaduwinö öibinobe, jo̧kwajabetjö̧ ja̧ baledina omukwatö, ba̧kwelöjatebö o̧ba bakwabakwena Abib jawo̧nö Dios mönö öbaledina omukwatakwawa ba'ali kwujunaduwo.

Deuteronomio 16:10

Ja̧danö, jelemutjö dötölataja semana baledibajenama, batjo waji̧ ko̧ko̧dö 'döbö jawa ba'ali kwujunaduwo, kwuluwo̧duwi Isabenö Jo̧ Diosnö ösödö. Ja̧danö, ja̧ ba'ali kwujunaduwenama, Diosnö kwiyaduwobö kwösödaduwi̧danö, waji̧ jawatjö ichejebö kwiyaduwonö. Dios ökwödönö pjaataja̧danö ba̧jȩkwachinö kwiyaduwo, nöinö ke'daduwobö pjaatinatjö̧ma, nöinö kwichejebaduwena, ja'yubeda kwe'daduwatjö̧ma, ja'yubeda kwichejebaduwena.

Deuteronomio 16:13

Tupakwö yöawinobe Moisesma: —Ja̧danö, batjo waji ko̧ko̧dö kabatajadö, okobe jwiinö trigo ja̧danö trigojaye sula'wo chabö lobajadö, kwu̧kwa̧duwa ko̧ko̧dö kwödaduwaja̧ ikena, ja̧danö uba waji̧ ubasobu baibanö ja̧tö kwotidaduwaja̧ ikenama, ju'wi ba'ali kwujunaduwo, löwötenö ja̧kwawa ba'alima.

Josué 18:1

Jemi ikenama, Canaan niji juluwajadö, okobe deinö israel jojodöma Silo comunidadtjö tjo̧ko̧ko̧kwinobe, ja̧danö jobetjö Dios eju tjujuninobe.

Jueces 18:31

Dios eju, jo̧banö tjösödobö weinejuma Silo comundidadnö ji̧nobe, otiwanö jobetjö jojodö tjösödobö. Jo̧kwaijayonö Dios eju Silo comunidadnö jȩmi baledibanö, Dansaso jojodöma Micaias otidinökwe o̧'wo jawa ösödö tjö̧jinobe, bitema dösödökwe dios jö̧ba̧lö.

Jueces 21:20

Omukwatajadö, Benjaminsaso jojodönö ina tjilekwamu debadönö wetjinobe, —Ja̧ ba'ali Silo comunidadtjö tjujunobö baibenama, jobe ö'öbö batjijube 'ya̧nö kwu̧ju̧kwawaduwo.

1 Samuel 1:3

Ja̧ mölȩ Silo comunidadtjö Inesö Diostjö jojodötjö tjö̧'da̧de pjabato̧ Eli mikwo̧bi, itji̧mu Ofni mikwo̧bi, Finees mikwo̧bi Isabenö Jo̧, okobe jwiinö juluwo̧ Dios öba a'otjö pjabatö tjö̧jinobe. Ja̧danö, jejenö Silo comunidadtjö tjotidiökwe, o̧ba bakwabakwena, Elcanama, ilekwamunöbi itji̧munöbi öbibö Silo comunidadbe 'yi̧ainobe, jobetjö Diosnö ösödö juwö iyobö.