Jueces 21:15 - Dios Iwene

¹⁵ Jejenö tjö̧ba̧jekwachiököwö̧, ju'wedö israel jojodöma tjo̧'wo tjo̧achinobe Benjaminsaso jojodönö, sule o̧bukwedönöda tjö̧jibinö Isabenö Jo̧ jobadönö söbebö loinobetjö̧, bakwaso jwiinö debö tji̧'yo jö̧tja̧li̧nö.

Jueces 21:15 Iomraidhean Croise

1 Crónicas 13:11

Ja̧danö, jejenö jobetjö Uzanö Dios lȩebinobetjö̧, Perez Uza jö̧ba̧lö tjimidinobe, Uzanö lȩebinemi jö̧ba̧lö. Ja̧danö ina babebi jejenö ötjabobe. Ja̧danö, jejenö Isabenö Jo̧ Dios Uzanö kwabö loiökwe, ödameakwinobe Davidma.

1 Crónicas 15:13

Jau chömöledö, ajayinö Dios iteapjo baikwö dichejebobö jö̧da̧linenama, ökwödö Levisaso jojodöma kwekatinaduwokobe, ja̧danö jobekwö sulabenö kwedatiökwe, duluwo̧ Isabenö Jo̧ Diosma ödameakwinobe ökwödönö, ja̧danö ökwödönö lȩebinobe. Jau, Dios weina, otiwanö iteapjo kweatakwawa jawa weina otiwanö da̧ja̧kwinokobetjö̧, ökwödönö ödameakwinobe, —jö̧ba̧lö weinobe Davidma Levisaso jojodötjö luwedönö.

Isaías 30:13

Jo̧kwaijayonö ja̧ sulabenö ja̧köbaduwi̧ma ökwödönö suli̧ waedakwawa jawa jakobe, jobekwö sulabenö jaköbaduwi̧tjö̧ isabenö lȩtebakobetjö̧. Baikwö wanedö yötawa: Comunidad tjöekwemi möemima, ja'ö 'dainö, meakwa̧ wajwitjonö a̧petukwöchobe juluwanö meobe,

Isaías 58:12

Jau chömöledö, jobekwö weti̧ a̧ja̧kwö kwö̧jaduwitjö̧ma, pjolö lotjinemi comunidad otiwanö kwotidaduwakwedöja, damötjö tjödina comunidad la'aka yemidanö kwotidaduwakwedöja, otiwemi comunidadnö kwö̧jaduwakobetjö̧. Ja̧danö ökwödönö ötjabikwawö̧ja, tjöekwemi pjolö lotjinemi 'yayi baibanö otidadö, ja̧danö jojodö tjö̧jemi mana yemidanö 'yayi baibanö otidadö, ötjabikwawö̧ja.

Jueces 21:14

Yötjawawö̧, Benjaminsaso jojodöma jobetjö tjȩwa̧jinobe, tjitebo nijibe, ja̧danö ju'wedö israel jojodöma, möayedö Jabes de Galaad jojodötjö tjö̧jibinö tjichejebajawö̧nö wetjinobe, Benjaminsaso jojodö tjilekwamu batjibobö. Jo̧kwaijayonö, tjö̧ba̧jekwachinokobe, sule cuatrocientosbedö ya̧dö tjö̧jinobetjö̧, ja̧danö Benjaminsaso jojodöma seiscientosbedö ömadö tjö̧jinobetjö̧.

Jueces 21:16

Jo̧kwajabetjö̧ israel jojodötjö luwedöma yötja̧lakwawinobe, —¿Dakwö ja̧bö pjadatakwa̧da Benjaminsaso jojodötjö ina tjilekwamunö debadönöma, jobadöbi tjilekwamunö tjujuna̧lakobetjö̧? Benjaminsaso jojodötjö ya̧döma deobe yelösöda, tjemobö.

Jueces 21:17

Jo̧kwaijayonö Benjaminsaso jojodö bakobenö debö tji̧'yapji jö̧ba̧lö, jobadö ömadöma tji̧tji̧kwobö jo̧be, tji̧tji̧munö 'yatjebökötjö̧ma, ökwödö israel jojodö bakwasokwena jojodötjö, bakwasoma deinö batjibena.

Jueces 21:6

Ja̧danö, Benjamin jojodö debö tji̧'yaja̧ okobe, ju'wedö israel jojodöma jobadönö tjo̧'wo tjo̧achinobe, —Ökwödö israel jojodö dömöledötjö bakwaso jojodö deinö batjibajabe, —jö̧ba̧lö.