Jueces 20:1 - Dios Iwene1 Ja̧danö, okobe deinö israel jojodöma tjo̧ko̧kokwinobe, u'dakwö Dan comunidadtjö, a̧li̧kwö Berseba comunidad baibanö jojodöbi, Galaad niji jojodöbi, okobe deinö Mizpa comunidadnö Dios öba a'otjö bakobe tjo̧ko̧kokwinokobe. Faic an caibideil |
Jueces 20:1
35 Iomraidhean Croise
Jo̧kwajabetjö̧ la'aka luwo̧ Davidma, ölakwabikwawa jojodötjö la'aka luwo̧ Joabnö weinobe, —Israel niji̧ ba̧kwȩmeachibanö okobe deinö israel jojodötjö tjölakwabikwawobö juluwadönö ba̧ja̧dö kwekacho, chömöayedö ölakwabikwawa jojodö dokwa ba̧jȩkwadö tjö̧jojobö chöwaisakobetjö̧. Okobe jwiinö israel niji ba̧kwemeachibanö kwi̧'yo, u'dakwö Dan comunidatjö, a̧likwö Berseba comunidadbe kwichibenanö kabatö, —jö̧ba̧lö weinobe Davidma Joabnö.
Ja̧danö, wene jwiinö chö̧jobetjö̧, babeda Dios eju chotidobö chomukwata, chuluwo̧ Isabenö Jo̧ Diosnö otiwanö omukwatö, jobetjö jo̧banö dösödakobetjö̧. Jau chömöledöso̧, damötjö Isabenö Jo̧ma chabe'donö yöawinobe, –Ökwö la'aka luwo̧ kwö̧bemi kwiteakanö, ökwöda kwitji̧nö kabebö chujunocha, ökwö kwö̧binemi jobada israel jojodö la'aka tjuluwo̧ ö̧bakobetjö̧. Ja̧danö, jo̧ba kwitji̧da cheju otidakwo̧ma, ötjönö otiwanö omukwatö, jobetjö ötjönö tjösödakobetjö̧, –jö̧ba̧lö yöawinobe. Ja̧danö, ja̧ yöawina badekwachinö, babe chitebo comunidad Jerusalentjö chotidobö chomukwata.
Juda nijitjö ju'wedö ölakwabikwawa jojodö ina tjö̧jinobe, ajayinö Nabucodonosornö iyawinöködöma. Ja̧danö, Nabucodonosor Gedaliasnö la'aka luwo̧ baibanö ujunina jawa tja̧ja̧kwenama, jobadö ölakwabikwawa luwedöbi, tjömöayedö ölakwabikwawa jojodöbi Gedalias ö̧jobekwö tjichinobe, Mizpa comunidadbe, ja̧danö jobetjö jo̧bakwö ko̧ko̧kwö yötja̧lakwawinobe. Jobadö Gedaliaskwö ko̧ko̧kwö yöba̧lakwawinadöma, bidö: Natanias itji̧ Ismael mikwo̧bi, Carea itji̧ Johanan mikwo̧bi, Netofatita jojo Tanhumet itji̧ Seraias mikwo̧bi, Maacateo jojo Jezanias mikwo̧bi, ja̧danö okobe deinö tjömöayedö ölakwabikwawa jojodöbi.
Jo̧kwajabetjö̧ la'aka luwo̧ Davidma, ölakwabikwawa jojodötjö la'aka luwo̧ Joabnöbi, ju'wedö ölakwabikwawa luwedönöbi weinobe, —Israel niji̧ ba̧kwȩmeachibanö okobe deinö israel jojodötjö tjölakwabikwawobö juluwadönö ba̧ja̧dö kwekachaduwo. Okobe jwiinö israel niji ba̧kwemeachibanö ba̧ja̧dö kwi̧'yaduwo, u'dakwö Dan comunidatjö, a̧likwö Berseba comunidadbe kwichibaduwenanö kabatö. Ja̧danö, ba̧ja̧dajadö, kwö̧ba̧ja̧duwaja̧ wȩyukwa'ye ichejebö kwiyaduwotjö, chömöayedö ölakwabikwawa jojodö dokwa ba̧jȩkwadö tjö̧jojobö chöwaisakobetjö̧, —jö̧ba̧lö weinobe Davidma.
Ja̧danö, Jose itji̧ Efrainsaso jojodönö niji wetjinadanö, Jose itji̧ abönö pöe Manasessaso jojodönöbi niji wetjinobe, baikwö: Manases itji̧ abönö pöe, Galaad abe'do Maquir mikwo̧ itji̧mu tupadanösaso jojodönö wetjinobe, Galaad nijibi, Basan nijibi. Jobadö Maquir itji̧mu tupadanö jojodöma inesö ölakwabikwawadö tjö̧jobetjö̧, ja̧ niji jobadönö wetjinobe.
Jejenö a̧ja̧kwö, ju'wedö israel jojodöma tjödameakwinobe jobadödönö, Dios weököte iyawöte sulabenö tjotidajabe jö̧ba̧lö. Jo̧kwajabetjö̧ okobe deinö Jordan ojwetjö jawo̧ meajobekwö ju̧kwadö israel jojodöma Silo comunidadtjö tjo̧ko̧kwachinobe, Rubensaso jojodönöbi Gadsaso jojodönöbi Manasessaso ja'ö jojodönöbi tjölakwabikwawobö.
Jemi ikenama, amonitas jojodöma tjo̧ko̧kokwinobe, israel jojodökwö tjölakwabikwawobö, ja̧danö ko̧ko̧kwajadö, tjabakwemi tjujuninobe Galaad nijinö. Ja̧danö israel jojodöbi amonitas jojodökwö tjölakwabikwawobö tjo̧ko̧kokwinobe, ja̧danö israel jojodöma Mizpa comunidadtjö tjabakwemi tjujuninobe, jobetjö labebö tjölakwabikwawobö.
Jo̧kwajabetjö̧ Jeftema Galaad niji luwedökwö ȩwa̧jinobe, ja̧danö jojodöma Jeftenö la'aka tjuluwo̧ baibanö tjujuninobe, ja̧danö ju'wibi ölakwabikwawa jojodötjö la'aka luwo̧ baibanö tjujuninobe Jeftenö. Ja̧danö, jobe Mizpa comunidadtjö, Isabenö Jo̧ öba a'otjö ja̧bö ö̧jakwa̧ jawa yöbawö ujuninobe Jeftema.
Jemi ikenama, amonitas jojodönö juluwajo̧, Jeftema ejube ȩwa̧jinobe, Mizpa comunidadbe. Ja̧danö, ichibö, eju apjudetjö labebujunö edinobe, itjiju jo̧dawujunö. Ju'wedö ijti̧mu deinobe, sule jo̧dawujuda jö̧jinobe. Ja̧danö jabe'do wene jwiinö ichibioko, jo̧'wo̧ ösöwanö baile döbö, la̧tiayu̧danö chabö, jabe'donö edö lajebinobe.
Ja̧danö, tjölakwabikwawakwa̧ abönö, ju'wedö israel jojodöma Betel comunidadbe tji̧'yinobe, Dios oba a'o ichibö, abebö tja̧ja̧kwobö. Ja̧danö, Diosnö abebö tja̧ja̧kwinobe, —Ökwödö israel jojodötjö, diso jojodö abönö Benjamin jojodökwö tjölakabikwawobö jo̧beda? Diso jojodö abönö tjölakwabikwawobö weköbobeda? —jö̧ba̧lö. Atjebökwe, Isabenö Jo̧ma atadinobe, —Judasaso jojodöda abönö ölakwabikwawö tji̧'yobö jo̧be, —jö̧ba̧lö.
Sule Benjaminsaso jojodöda ju'wedökwö tjo̧ko̧kokwinokobe. Ju'wedö tjo̧ko̧ko̧kwobe tja̧ja̧kwijayonö, tji̧'yinokobe. Ja̧danö, israel jojodötjö la'aka luwedö, bakwasokwena luwedöma, Dios ömöledö israel jojodö ko̧ko̧kwadö tjöba a'o tjö̧jamatinobe. Ja̧danö okobe deinö jobe ko̧ko̧kwadöma, cuatrociento milbedö tjö̧jinobe, ömadö ölakwabikwawa waisadöma. Ja̧danö, israel jojodö ko̧ko̧kwadöma, abebö tja̧ja̧kwinobe, —Inesö sulabenö ja̧awa baledinama, dakwö baledinada? Yöbawidönö, —jö̧ba̧lö.
Ajayinö wene baibinenama, israel jojodöma yöbawö tjujuninobe, —Okobe deinö israel jojodöma bakobe Isabenö Jo̧ öba a'o Mizpa comunidadbe dichibobö jo̧be, wene baibaja̧ otidö lodobö. Ja̧danö, jejenö isabenö do̧ko̧kokwobö jo̧betjö̧, jelesotjö, ja̧danö ju'wi comunidadtjö ichö tjo̧ko̧kokwobö tjöpöjöditjö̧ma, jobadö öpöjödadönö kwabö lodakwedösa, —jö̧ba̧lö.
Sanasan