Jueces 2:9 - Dios Iwene

⁹ Ja̧danö, ö'wö babibajo̧nö iteda itebo nijinö tjo̧tji̧nobe, Efrain niji mösa'iju jȩmi, Gaas mösa'otjö u'dakwöchobe comununidad Timnat Jeresnö.

Jueces 2:9 Iomraidhean Croise

Josué 19:49

Jejenö bakwasokwena jojodö tjitebo baibanö 'da̧batö wetjinobe, damötjö Dios chiyocha jö̧a̧lidanö badekwachinö. Ikenama, jejenö katjataja̧ ikenama, Israel jojodöma Josuenö niji tjiyinobe.

Josué 19:50

Isabenö Jo̧ma ajayinö weinobe, Josue ösödi̧ niji jo̧banö tjiyobö, jo̧kwajabetjö Timnat Sera comunidad aebiawö̧, aeba̧jadanö tjiyinobe. Timnat Sera comunidadma, Efrain niji mösa'iju jemi comunidad ji̧nobe. Ja̧danö, Josuema yemidanö ja̧ comunidad otidinobe, ja̧danö jobe ö̧jinobe.

Josué 24:29

Ja̧danö, ja̧ jawa baledaja̧ ikenama, ja'yubenö lekwajabetjö̧ Isabenö Jo̧ ömöayo̧ Josuema ö'wö baibinobe. Jwiinö pöe ö'wö baibinobe Josuema, ciento diez o̧biya juna̧lo̧ ö'wö baibinobe.

Josué 24:30

Ja̧danö ö'wö babibajo̧nö tjo̧tji̧nobe, iteda itebo comunidad Timnat Seratjö, iteda itebo baibanö israel jojodö Josuenö tjiyinemi nijinö. Ja̧ Timnat Sera comunidadma, Efrain niji mösa'iju jȩmi comunidad, Gaas mösa'otjö u'dakwöchobe.

Jueces 1:1

Josue ö'wö baibaja̧ ikenama, israel jojodöma Isabenö Jo̧nö abebö tja̧ja̧kwinobe, —Duluwo̧, ökwödö israel jojodötjö diso jojodö abönö cananeo jojodönö dölakwabikwawobö jo̧beda? —jö̧ba̧lö.

Jueces 2:8

Isabenö Jo̧ ömöayo̧ Josuema, ciento diez o̧biya juna̧lo̧, ö'wö baibinobe.