Jueces 2:7 - Dios Iwene

⁷ Ja̧danö, Josue ina 'yaa̧layi, israel jojodöma otiwanö Isabenö Jo̧nö ösödö tjö̧jinobe, wei̧ a̧ja̧kwö. Ja̧danö, ju'wibi Josue ö'wö baibaja̧ ikena, Josue ö̧jinena ju̧kwadö la'aka luwedö, Isabenö Jo̧ inesö otiwanö pjaatina edinadö ina 'yatja̧layi, otiwanö Isabenö Jo̧nö ösödö tjö̧jinobe.

Jueces 2:7 Iomraidhean Croise

2 Reyes 12:2

Ja̧danö, Diostjö jojodötjö ö'weje pjabato̧ Joyadama otiwanö Joasnö ba̧ja̧dö pjaatinobe, ja̧danö Joasnö ba̧ja̧dö pjaatemi baledibanö, otiwanö Dios ösödidanö ja̧bö ö̧jinobe Joasma.

Filipenses 2:12

Jo̧kwajabetjö̧ ökwödönö yötawaja̧danö ja̧bö kwö̧jaduwo chösödawö̧ chömöledö. Isabenö belö ökwödökwö chö̧jayima, ötjö yötawi̧danö ja̧bö kwö̧jinaduwobe chömöledö, ja̧danö ja̧tjö bajalekwönönö babe jelobetjö wȩyudö yötawi̧ ja̧bö kwö̧jaduwo chömöledö. Ja̧danö, Diosnö otiwanö yebabinö ösödö, jwaikwöda Duluwo̧ Dios wei̧ ja̧bö kwö̧jaduwo, Dios kwö̧jibaduwinö ja̧ina kwi̧sebaduwakobetjö̧.

Josué 24:31

Josue ina 'yabalo̧ ö̧jayi, ja̧danö ju'wedö israel jojodötjö luwedö Josue ö̧jinena ju̧kwadö ina 'yaba̧ladö tjö̧jayi, israel jojodöma otiwanö Isabenö Jo̧ wei̧ a̧ja̧kwö tjö̧jinobe. Jobadö luwedöma idöda tjöbajalenö tjedinobe okobe jwiinö Isabenö Jo̧ israel jojodönö pjaatina jawama, ja̧danö jobadö ina 'yatja̧layi, tjömöayedö israel jojodöma otiwanö Diosnö ösödö tjö̧jinobe.

Jueces 2:17

Jo̧kwaijayonö, jejenö otiwanö pjaatijayonö, kabebö ujunajawö̧ la'aka luwedö yötjawi̧ma tja̧ja̧kwinokobe otiwanöma, ina ju'wedö tjösödawö̧nö ösödö 'yi̧atjinobe israel jojodöma. Jilekwamuböködökwö sulabenö 'da̧'da̧bö ju̧ju̧ jö̧jidanö, israel jojodöma tjösödo jö̧tja̧lökwe Diosnö kabatibö, ju'wedö tjösödawö̧nö ösödö, jobadönö bȩba̧chibö ösödiatjinobe, sulabenö. Israel jojodötjö ajayinö ji̧nadö otiwanö Isabenö Jo̧nö ösödö, wei̧ a̧ja̧kwö tjö̧jinajayonö, tji̧tji̧mu tupadanö jojodöma juluwanö katja̧tibinobe, ja̧danö Dios wei̧ tja̧ja̧kwinokobe.

Jueces 2:6

Damötjö̧ Josue israel jojodönö tjitebotenia niji 'da̧batö webajo̧, jojodö tjitebokwena nijibe 'ya̧nö, tjitebo baibanö tjemobö weinobe. Ja̧danö, weawö̧, okobe deinö tjitebokwena nijibe tji̧'yinobe, Dios iyi̧ niji emajadö, tjitebo baibanö jobe tjö̧jobö.

Jueces 2:8

Isabenö Jo̧ ömöayo̧ Josuema, ciento diez o̧biya juna̧lo̧, ö'wö baibinobe.