Jueces 19:25 - Dios Iwene

²⁵ Jejenö yöa̧lijayonö, tja̧ja̧kwobö tjöpöjödinobe Guibea jojodöma, jo̧kwajabetjö̧ Levisaso jojoma ilekwodanö ömöayujunö do̧batö, a̧petukwö labebö iyinobe, ilekwonöda sulabenö 'da̧'da̧bö tjalewobö. Ja̧danö, labebö ujunajiawö̧, jobadöma yö̧te baledibanö jobujunö 'da̧'da̧böbi, ju'wibi sulabenö ja̧tjinobe, dewachenanö baibanö. Ikenama, dewachibenama, jobujunö junibö, tjȩwa̧jinobe.

Jueces 19:25 Iomraidhean Croise

Génesis 4:1

Ikenama Adánma ilekwo Evakwö bakobe babibijetö. Ja̧danö, metu'wo ji̧jotö Evama. Metu'wo ja̧ju jitji̧nö emijotö. Jemajökwenö Caín midijotö, chitji̧nö chemajabe Isabenö Jo̧ pjaatobetjö̧, jö̧ba̧lö.

Efesios 4:19

Ja̧danö, jobadö Diosnö wajwibadöma jwiinö taba̧lö̧ji jawa ja̧badö babibadö. Okobe jwiinö sulabe jawa ja̧tjobö jö̧tja̧li̧da omukwatadö. Ja̧danö, taba jwiinö ja̧tji̧ma ja'yubebi omukwatöködö. Aaa, biya̧ ja̧di̧ma jwiinö taba̧lö̧ji jawa ja̧dobe, jö̧ba̧löma, omukwatöködö.

Jueces 19:24

Yöta̧laduwakwö, chitjiju ina iso̧kwö jö̧kujubi, ja̧danö jojo ilekwodanö ömöayujubi okwa tjö̧jobe, ja̧danö kwösödaduwitjö̧ma jobadönöda latebena, kwösödaduwi̧danö jobadönöda 'da̧'dabö ja̧köbaduwobö. Jo̧kwaijayonö jo̧ba jojonö yöka̧laduwaja̧danö ja̧bökönaduwi, sula, —jö̧ba̧lö yöa̧linobe.

Jueces 19:26

Ja̧danö, juluwo̧ ö̧jobekwö jȩwa̧bijinobe, ja̧danö apjude a'o ichibö me'dawachibö mejinobe, ja̧danö jobe jö̧bi̧nobe, möle baibenanö kabatö.

Jueces 20:5

Ja̧danö, jejenö chichibiawö̧, Guibea comunidad jojodöma ötjönö metjibotö jöba̧lö tjichinobe, ja̧danö yö̧te ja'ö o̧do tjötjösawinobe. Jobadöma ötjönö kwabö lotjobö jö̧tja̧linobe, ja̧danö ju'wibi chilekwonö sulabenö 'da̧'da̧tjinobe, ja̧tjö ö'wö bajibanö.