Jueces 19:17 - Dios Iwene

¹⁷ Jo̧bama ichibö, jelobetjö ichajadö jojodö tjö̧bajemi ju̧kwadönö edenama, abebö a̧ja̧kwinobe, —Ökwödöma detjö kwichaduwaja̧da, ja̧danö dai kwi̧yaduwa? —jö̧ba̧lö.

Jueces 19:17 Iomraidhean Croise

Génesis 16:8

Jo̧ba ángeldanö ichejekwö öwawachajo̧, Isabenö Jo̧ Diosma abebö a̧ja̧kwijetö Agarnöma: —Agar, Sarai jömöayujuma ¿detjö kwichaja̧da? Ja̧danö ¿dai kwi̧'ya?— abebö a̧ja̧kwijetö jobujunöma. Jejenö abebö a̧ja̧kwoko atadijotö: —Chuluwuju jö̧jelö dötibaja— atadijotö Agarma.

Génesis 32:17

Ja̧danö, abönö öbibö 'yo̧nö webijetö: —Chöpöema ökwönö badekwajö aebitjö̧ma: kwuluwo̧ma ¿tida? ¿dai kwi̧'ya? Bidö öbibö kwi̧'yajawö̧ma ¿ti ajwimuda?

2 Samuel 12:4

Ja̧danö, ju'wi möle, baikwö baledinobe, jelobetjö bakwo̧ ichinobe, luwo̧danö jo̧nö edobö. Jejenö ichiökwe, jo̧bama iteda ajwimutjö bakwo̧nö kwabö tobö, ichajo̧ ukwobö iyoböma a̧'dȩlö öpöjödinobe. Jo̧kwajabetjö̧, iteda ajwi kwabö tobökönö, jelo̧ ajwinöda, usulaso̧ ajwinöda önaukwinobe, ja̧danö naukwajo̧ kwabö toinobe, jelobetjö ichajo̧ ukwobö, —jö̧ba̧lö yöawinobe Natanma.

Isaías 33:8

Jalama manama, jojodö deama jo̧be, yebabinö kwebachöködö dömöledö Juda jojodöma. Döpöjojodökwö wene jwiinö dö̧jakwa̧ wene yöbawö dujuninajayonö, yöbawö tjujunina wene kabatibadö. Jau, ju'wedö tjöba a'otjö öwawinö yöbawö tjujuninajayonö, —Yöbawö dujuninama mikwawökö ji̧, —jö̧ba̧lö kabatibadö, ja̧danö —Ja̧kwawama mikwawökö ji̧, —jö̧ba̧lö, jojodönö kwabö lobadö sulabenö.

Jueces 19:16

Ja̧danö, yö̧te baibenama, bakwo̧ pöe jobe ichibinobe, batjotjö otidö ȩwa̧jö. Jo̧bama Efrainsaso niji mösa'iju jȩmi niji jojo, jo̧kwaijayonö Benjaminsaso niji comunidad Guibeanö ö̧jinobe.

Jueces 19:18

Aebökwe, —Juda niji comunidad Belentjö dichajabe, ja̧danö Efrain niji mösa'iju jȩmi nijibe, comunidadtjö ödöobe di̧'yobe, ötjö chitebobe. Belen comunidadtjö chȩwa̧jabe, ja̧banö bemi jojodötjö bakwo̧bi ökwödönö a̧debokobe, eju tedachobö.