Jueces 19:16 - Dios Iwene

¹⁶ Ja̧danö, yö̧te baibenama, bakwo̧ pöe jobe ichibinobe, batjotjö otidö ȩwa̧jö. Jo̧bama Efrainsaso niji mösa'iju jȩmi niji jojo, jo̧kwaijayonö Benjaminsaso niji comunidad Guibeanö ö̧jinobe.

Jueces 19:16 Iomraidhean Croise

Génesis 3:19

Juluwachibö otidö kwȩjȩlö̧ja̧sobu kwöbatjö labebö loköbenada ku̧kwama kukwakwo̧ja, yemidanö nijibe tjekachajena baibanö, nijitjö otikwo̧köbobetjö̧. Isabenö ökwöma nijitjö otikwo̧ja. Ja̧danö, yemidanö nijikwö tjekachajakwo̧ja— jö̧ba̧lijetö Diosma.

Proverbios 13:11

Ja̧danö, ju'wibi yötawa, wanedö: Bakwo̧ sulabenö ja̧aja̧ tji̧midi̧ mikwa baladama juluwanö emijayonö juluwanö 'dö̧ibakwa̧. Ja̧danö, jelo̧ma otidaja̧ tji̧midi̧ mikwa baladama tjo̧'o̧manö, tjo̧'o̧manö nöachakobe, ju'wi mölȩ nöinö baibanö.

Proverbios 14:23

Ja̧danö, ju'wibi yötawa: Otiwanö otidadöma balada tjȩmakwedö. Jobekwö tjȩmokobe otidöködöma. Otidökönö yöba̧löda yöba̧la̧döma tjȩmökakwedö.

Proverbios 24:27

Ju'wibi yötawakwö chitji̧: Ajayinöma, kweju ina kwotidapjii batjo juwö, jubö, sobö, junö kwotido. Ja̧ otidö kakatajena kweju kwotido.

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

2 Tesalonicenses 3:10

Jau chömöledö, ina ökwödökwö dö̧jayi, baikwö yödawijatö: Bakwo̧ otidobö öpöjöditjö̧ma, ukwoko jo̧bama, jö̧ba̧lö.

Jueces 19:1

Ja̧danö, israel nijitjö inesö la'aka luwo̧ ina deayi, baikwö baledinobe. Efrainsaso niji mösa'ijutjö, jalemi comunidadtjö ödö, bakwo̧ Levisaso jojo ö̧jinobe. Ja̧danö, jo̧ba Levisaso jojoma, Judasaso niji comunidad Belen jojosujunö eminobe, ömöayujubi ilekwobi bajibanö.

Jueces 19:14

Jo̧kwajabetjö̧ Jebus comunidad baledö, tupakwö tjȩwa̧jinobe, ja̧danö jawo̧ meajena jenanö Benjamin niji comunidad Guibea yöneawinö tjichibinobe.

Jueces 19:15

Jo̧kwajabetjö̧, yi̧ibobetjö̧, Guibea comunidad tebachö, jojodö ö'wachö tjö̧ba̧jemi ichibö tjö̧bamatinobe. Ja̧danö, jojodö tjöba a'o tjöbaledijayonö, bakwo̧bi a̧debinokobe, eju tebachö tjabobö.

Jueces 19:17

Jo̧bama ichibö, jelobetjö ichajadö jojodö tjö̧bajemi ju̧kwadönö edenama, abebö a̧ja̧kwinobe, —Ökwödöma detjö kwichaduwaja̧da, ja̧danö dai kwi̧yaduwa? —jö̧ba̧lö.