Jueces 19:12 - Dios Iwene

¹² Jo̧kwaijayonö yöa̧lökwe uluwo̧ atadinobe, —Jobadöma israel jojodöböködö, ja̧danö dömöledö israel jojodöböködö tjitebo tedachökakwedösa, jobe daboböma. Tupakwö di̧'yaduwo, Guibea comunidadbe dichibanö, —jö̧ba̧lö.

Jueces 19:12 Iomraidhean Croise

Isaías 10:29

Micmastjö labebajo̧, mösa'iju 'da̧ba̧lanö öbaledinobe, ja̧danö baledajo̧, ömöayedökwö Geba comunidadtjö tjabekwinobe. Jobekwö ichibiawö̧, Rama comunidad jojodöma tjö̧bawö tju̧ju̧kwinobe, ja̧danö la'aka luwo Saulmine itebo comunidad Gabaa jojodöma dötjibajinobe.

Josué 18:25

Ja̧danö ju'wi comunidadbi benjamin niji comunidad ji̧nobe, bi̧ya: Gabaon comunidadbi, Rama comunidadbi, Berot comunidadbi,

Josué 18:28

Zela comunidadbi, Elef comunidadbi, Jebes, ju'wi imi Jerusalen comunidadbi, Guibea comunidadbi, Quiriat comunidadbi. Ja̧ a̧limusamutjö ö'wejemu jawa comunidadbiyabi, ö'öbö pjei̧ comunidadteniabi benjamin niji comunidad ji̧nobe. Jobekwö laebobe Benjamin itji̧mu tupadanö jojodö tjitebo baibanö niji 'da̧batö wetjinama. Damötjö Dios chiyocha jö̧ba̧lö tja'dödönö yöbawö ujunina wene badekwachinö, jejenö Dios wei̧danö 'da̧batö wetjinobe.

Jueces 19:11

Jebus badeibö tjichibenama, ida̧ökö yi̧bena ji̧nobe, jo̧kwajabetjö Levisaso jojo ömöayo̧ma uluwo̧nö yöa̧linobe, —Bemi jebuseo jojodö tjitebo comunidad tedachajo, yö̧te jobe dabobö, —jö̧ba̧lö.

Jueces 19:13

Ja̧danö, yöba̧lajo̧, ju'wibi yöa̧linobe, —Guibea comunidadbi, Rama comunidadbi israel jojodö tjuju̧kwemi comunidad, ja̧danö ödöokobe. Tupakwö di̧'yaduwo, Guibeabeö̧kö̧, Ramabeö̧kö̧ dichibobö, jobe dabakobetjö̧, —jö̧ba̧lö.

1 Samuel 10:26

Ja̧danö, Saulbi iteda ejube Guibeabe ȩwa̧jinobe. Ja̧danö, Diosma ju'wedönö pjaatinobe, Saulkwö tji̧'yobö tjomukwatobö, isabenö juluwadö ölakwabikwawa waisadönö, ja̧danö jobadöma Saulkwö itebo Guibeabe tji̧'yinobe, ömöayedö batjibanö.

1 Samuel 13:2

La'aka luwo̧ baibaja̧ ikena, ja'yubenö lekwajabetjö, Saulma israel jojodötjö ömadö tres mil jojodönö omudawö ujuninobe, iteda ömöayedö ölakwabikwawa jojodö batjibanö. Ja̧danö, jobadötjö, dos mil jojodöma Saulkwö kwetjachinobe Micmas comunidadtjöbi, Betel comunidad yö̧ne mösa'ijutjöbi. Ja̧danö, Saul itji̧ Jonatankwö ju'wedö milbedö Benjamin niji Guibea comunidadnö tjö̧jinobe. Jobadö Saulkwöbi, Jonatankwöbi tjö̧jonö, okobe deinö ju'wedönö tjejukwena tjȩwa̧jobö weinobe Saulma.