Jueces 18:27 - Dios Iwene

²⁷ Dansaso jojodöma, Micaias otidina jawabi, jo̧ba ömöledöso̧ tjö̧'da̧de pjabato̧nöbi tjeminobe, ja̧danö emajadö, öbibö tji̧'yinobe, Lais comunidadbe tjichibenanö kabatö. Jobadö Lais comunidad jojodöma wene jwiinö, ölakwabikwawökönö tjö̧jinobe, tjöpöjojodö juluwanö tjichibakwa̧ omukwatökönö, ja̧danö jejenö tjö̧jemi ja'ötjö, Dansaso jojodöma ichibö, okobe deinö jobadönö kwabawö lotjinobe, ja̧danö kwabö lobajadö, okobe jwiinö comunidad juwö lotjinobe.

Jueces 18:27 Iomraidhean Croise

Génesis 49:16

—Dan, ökwötjö tupadanö jojodöma ba̧jekwadöma tjuju̧kwökakobe. Jejenö ji̧jayonö idöda webawö tjuju̧kwakwedö. Jao, ba̧jekwadöböködötjijayonö ju'wedö Israel jojodötjö bakwasokwena tjitebokwenia ja̧nö idöda webawö tjuju̧kwi̧danö webawö tjuju̧kwakwedö tjitebonö.

Deuteronomio 33:22

—Ja̧danö Dansaso jojodönö baikwö yöta̧la: Dansaso jojodöma didiba itji̧danö ichejekwadö, Basan nijitjö tjöpöjojodönö metji̧botö jö̧ba̧lö tjiteada̧lobetjö̧.

Josué 11:11

Ja̧danö, juluwajadö, okobe deinö jobe ju̧kwadönö kwabawö lotjinobe, bakwo̧bi ö̧jibökenanö. Isabenö jwiinö söbebö lotjinobe Jazor jojodönöma, ja̧ comunidadtjö bakwo̧bi yaba̧lo̧ma deinö, ja̧danö söbebö lobajadö, Jazor comunidad juwö lotjinobe.

Josué 19:47

Jobekwö laebobe Dan itji̧mu tupadanö jojodö tjitebo baibanö niji 'da̧batö wetjinama. Damötjö Dios chiyocha jö̧ba̧lö tja'dödönö yöbawö ujunina jawa badekwachinö, jejenö Dios wei̧danö 'da̧batö wetjinobe. Ja̧ comunidadbiyabi, ö'öbö pjei̧ comunidadteniabi, Dansaso jojodönö wetjinobe, tjitebo baibanö. Jejenö Dansaso tjitebo baibanö wetjinobe, jo̧kwaijayonö jemi ikena, lekwe möle baledibajenama, Dansaso jojodö jobe tjö̧jobö jö̧tja̧lima waekwinobe, jo̧kwajabetjö̧ u'dakwö bajalenö tji̧'yinobe, ju'wedö tjitebo comunidad Lesenbe, jobadö tjitebo do̧tja̧tobö. Ja̧danö, Lesen jojodönö juluwajadö, okobe deinö Lesennö ju̧kwadönö kwabawö lotjinobe, ja̧danö idöda tjitebo baibanö tjeminobe. Jejenö emajadö, ajayi imi balewö lobö, tja'dömine iminö midö ötjabinobe, Dan comunidad jö̧ba̧lö, ja̧danö jemi tupakwö Dansaso jojodöma jobe tjö̧jinobe.

Jueces 18:10

Jobe ichibö, kwedaduwakwedöja, jobadö tjöbeba̧lökönö, tjöpöjojodö metjibakwa̧ omukwatökönö tjö̧ji̧ma. Ja̧ nijima isabenö jalobe, okobe jwiinö dö̧ji̧ jawa otiwanö ji̧ nijima, ja̧danö Diosma ja̧ niji demobö otiwanö iyajabe, —jö̧ba̧lö yötjawinobe.

Jueces 18:26

Ikenama atadajadö, tupakwö tji̧'yinobe. Ja̧danö, Micaiasma jobadönö edö öwaisinobe, Bidönö chujuluwobö jwibo̧sa jö̧ba̧lö, jo̧kwajabetjö̧ Micaiasbi jalachibö ejube ȩwa̧jinobe.

Jueces 18:7

Ikenama jobadö bakwamubedöma tupakwö tji̧'yinobe, Lais comunidadbe tjichibenanö kabatö. Jobe ichibajadö, Lais comunidad jojodönö tjedinobe, wene jwiinö, yebabökönö tjö̧jima. Sidon comunidad jojodö wene jwiinö tjö̧ji̧danö, tjöpöjojodö metjibakwa̧ omukwatökönö tjö̧ji̧ tjedinobe. Ja̧danö ju'wibi, Lais comunidad jojodö tjujuna̧li̧ tjedinobe, Tjöbatjiju otiwanö wa̧jobetjö̧ okobe jwiinö bö̧jenö tjö̧ji̧ jawa juna̧ladö, ja̧danö tjitea nöinö juna̧ladö, jö̧ba̧lö tjedinobe. Ju'wibi Lais jojodöma Sidon comunidadtjö ödö tjö̧jinobe, ja̧danö jelobetjö ichadöma Lais comunidadbe ichibiatjinokobe, ja̧danö Lais comunidad jojodöma jelobekwena 'yi̧atjinokobe.

Jueces 8:11

Ja̧danö, Gedeonma tea iyadö 'ya̧jita manabenö jobadönö luinobe. Jawo̧ laebobekwö 'ya̧nö, Noba comunidadbi, Yogbea comunidadbi tjöbaledinobe, ja̧danö baledajadö, madianitas jojodö tjö̧jobekwö tjichibinobe. Madianitas jojodöma wene jwia, ida̧ökö dö̧jibinö dödibajabe jö̧ba̧lö tjomukwatonö, juluwanö ichibö metji̧binobe.