Jueces 18:19 - Dios Iwene

¹⁹ Abebö a̧ja̧kwawö̧, —¡Yöba̧lökönui! 'Wiinö ja̧nö, ökwödökwö kwicho, okobe deinö ökwödö dabe'dodanö ja̧nö, Diostjö ökwödötjö dö̧'da̧de pjabato̧ bakibanö. Jau, babema sule bakwo̧nöda pjabatö, Diostjö Micaiastjö tjö̧'da̧de pjabato̧ kwö̧jobe, jö̧tö? Jo̧kwaijayonö isabenö ja̧tjö bajalekwönönö otiwena, okobe deinö bakwaso jojodönö, israel jojodötjö jeleso jojodönö okobe deinö pjabatö, Diostjö jobadötjö tjö̧'da̧de pjabato̧ kwö̧joböma, jö̧tö? Jo̧kwajabetjö isabenö ökwödökwö kwichobö jo̧be, Diostjö ökwödö Dan jojodötjö dö̧'da̧de pjabato̧ bakibanö kwö̧jobö, —jö̧ba̧lö yötja̧linobe.

Jueces 18:19 Iomraidhean Croise

2 Reyes 13:14

Eliseoma jwiinö 'dö̧achinobe, ja̧danö ja̧ 'dö̧achi̧tjö ö'wö baibo jö̧a̧linobe. Jobekwö ö'wöchiökwe, Israel la'aka luwo̧ Yoasma jo̧banö edö i̧'yinobe, ja̧danö öba a'o ubudekwinobe, —Chabe'do Eliseowe, israel jojodötjö kolukiyanö ölakwabikwawadödanö, ja̧danö kabayudönö wanö ölakwabikwawadödanö juluwajibo̧we, —jö̧ba̧lö.

2 Reyes 6:21

Ja̧danö, Israel la'aka luwo̧ jobadönö edenama, Eliseonö abebö a̧ja̧kwinobe, —Chabe'do Eliseo, bidönö kwabö lotakwa̧ji̧? Babeda jobadönö kwabö lotakwaji̧? —jö̧ba̧lö.

Diosnö ösödo̧ Job mikwo̧ usula emawina jawa 21:5

Usula chemawi̧ kwedaduwökenaji̧? Isabenö usula chemawi̧danö usula emawadöma, 'wii̧nö jö̧kö̧dö chömöledö. Usula emawö chö̧ji̧ edö, kwöbajaleduwi jalaka baibanö kwedaduwobö jo̧be chömöledö, ja̧danö kwömamunö kwaa mu'dökwö, 'wi̧inö kwö̧baduwobö jo̧be.

Diosnö ösödo̧ Job mikwo̧ usula emawina jawa 29:9

Luwedöbi ja̧danö, tjö̧'dade chichibobetjö̧, tjömamunö tjaa tjumu'dökwinobe, –Bite luwo̧ öba a'o 'wiinö badibo, –jö̧ba̧lö.

Proverbios 30:32

Ja̧danö, ju'wibi yötawa: Ökwöma jweinö omukwatökönö, ötjöda otiwo̧sa, jö̧ba̧lö yöka̧li̧tjö̧ma ja̧ kwomukwati̧ma kakatibo. Ja̧danö, sulabenö ja̧köbakwa̧ kwo̧'wo̧nö junö kwomukwatitjö̧ma ja̧ kwomukwati̧bi kakatibo.

Mateo 23:9

Ja̧danö, böjȩtjö bakwo̧nöbi chabe'do jö̧ba̧lö yöba̧lökönaduwi, Kwabe'doduwima bakwo̧daobetjö̧, mölejȩbe jo̧ Kwabe'doduwida.

Jueces 17:10

Atadökwe, Micaiasma abebö yöa̧linobe, —Ötjökwö kwöjo, Diostjö ötjötjö dö̧'da̧de pjabato̧ bakibanö. Jau, chabe'dodanö babibö, dö̧'da̧de pjabato̧ kwotidobö chösöda, ja̧danö jejenö otidö kwö̧jitjö̧ma, otiwanö chimidakwo̧sa, o̧bakwena plata ö̧pi̧biya domulataja jawa ö̧pi̧biya chimidocha, ja̧danö kwö̧ka̧mijido̧ chiyocha, ja̧danö kwu̧kwa kwukwobö chiyocha, —jö̧ba̧lö aebinobe.

Jueces 18:20

Yötja̧lökwe, ösödinobe, ja̧danö tjö̧'da̧de pjabato̧ 'duawajiado̧bi, pjebadö o̧'wo jawabi, platatjö otikwa o̧'wo jawabi emö i̧'yinobe Dansaso jojodökwö.