Jueces 16:23 - Dios Iwene

²³ Jemi ikenama, ja'yubenö lekwajabetjö, filisteo jojodötjö luwedöma tjo̧ko̧ko̧kwinobe, bakobe ba'ali junö, tjösödökwe Dagon ötjabökwe o̧'wo jawanö iyawa tjiyobö. Dagonnö ösödö, —Dösödökwe Dagonda döpöjojo Sansonnö dujuluwobö pjabatinama, —jö̧ba̧lö tjo̧'wo ösöwanö yötja̧linobe.

Jueces 16:23 Iomraidhean Croise

1 Crónicas 10:10

Ja̧danö Saul itea ölakwabikwawa jawama, o̧'wo jawa tjösödawö̧nö ösödakwaweju okwa tjödinobe, —Dösödawö̧ma Saulnö tjujuluwajabe, —jö̧ba̧lö. Ja̧danö Saul uuma, tjösödökwe Dagon ötjabökwe ösödakwawejunö akwatö tjöninobe, tjujuluwaja̧ wene i̧sȩbö.

Proverbios 24:17

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, kwöpöjojonö suli̧ baledenama kwo̧'wo ösöwanö kwö̧joko, kwöpöjojoijayonö. Jao chitji̧, jo̧ba kwöpöjojoma töbö meena, wainö mebo̧ jö̧ba̧lö, kwomukwatoko kwomajade okwanö.

1 Corintios 10:20

Baikwö yötawa: Diosnö öpöjödadö o̧'wo̧ jawa tjiyenama, Awetja ömöayedö sulabedö ángelesbedönöda iyadö, Diosnöma iyöködö chömöledö. Ja̧danö, o̧'wo̧ jawa iyawa kwakwawa kwukwaduwenama, jobadö sulabedö ángelesdönö ösödö bakobe kwukwaduwobe ichejekwa. Jobadökwö bakobe bakibaduwa jö̧ba̧lö, o̧'wo̧ jawa iyawa kwukwaduwa jö̧ba̧lö yötawobe chömöledö.

Jueces 16:22

Ja̧danö, jobe ka̧lena ö̧jonö, öwö'ye yemidanö ödöachinö jamatö pokwinobe.

1 Samuel 31:9

Badekwajadö, Saul uu bulatö tjeminobe, ja̧danö itea ölakwabikwawa jawa tjeminobe. Ikenama, tjitebo ba̧kwemeachibanö yöbawadö kwebachö tjujuluwaja̧ wene yötjawobö wetjinobe, o̧'wo jawa tjösödawö̧nö ösödakwawejunö ju̧kwadönöbi, ju'wedö tjitebo ba̧kwemeachibanö jojodönöbi.