Jueces 15:9 - Dios Iwene

⁹ Tjömöledönö kwabö loiawö̧, ju'wedö filisteo jojodöma israel jojodökwö tjölakwabikwawobö tjichinobe, Judasaso nijibe, ja̧danö ichibajadö, tjabakwemi tjujuninobe Leji comunidad ö'öbönö. Ikenama, Lehi comunidad jojodönö ölakwabikwawö tjichiawö̧,

Jueces 15:9 Iomraidhean Croise

Jueces 15:10

Juda jojodöma abebö tja̧ja̧kwinobe, —Tajawedö ökwödönö ölakwabikwawö kwichaduwaja̧da? —jö̧ba̧lö. Abebö tja̧ja̧kwawö̧, —Sansonnö do̧datobö dichajabe. Jo̧bama ökwödö filisteo jojodötjö ju'wedönö kwabawö loinobetjö̧, balekwa mikwa ölakwabikwawö dichajabe, —jö̧ba̧lö.

Jueces 15:14

Sansonnö öbibö tjichejebinobe Lehi comunidadbe, filisteo jojodö tju̧ju̧kwobekwö. Ja̧danö, tjichejebiawö̧, filisteo jojodöma jwöbeba̧lö tjichinobe Sanson ö̧jobekwö. Jejenö tjichiökwe, Isabenö Jo̧ o̧'wo luwo̧ma juluwanö Sansonkwö ichibinobe, ujuluwachibanö, ja̧danö Sansonma juluwanö kaa'bodanö 'döbekwö loinobe a̧la̧chi'bo tjunu'yaja̧'boma. 'Yaya'bojayonö, ökwölanö ubaja'bo ichejekwinö 'döbekwö loinobe, ömamijutjö meinö.

Jueces 15:17

Ikenama, yöba̧lajo̧, bulo ibekasa'wo iwe'o ikwö loinobe. Jadanö, jejenö jobetjö baledinobetjö̧, ja'o mösa'o ötjabinobe, bulo ibekasa'wo iwe'iju mösa'o jö̧ba̧lö.

Jueces 15:19

Aebökwe, Diosma jobe Lehi nijitjö, niji 'dabö solachajibobö weinobe, ja̧danö ojwese'do jobetjö döobö weinobe. Ja̧danö, ojwiyo owö ujuluwachibinobe Sansonma. Ja̧danö, jejenö Diosnö aebökwe ojwese'do döobö weinobetjö̧, je'do Enacore jö̧ba̧lö midö ötjabinobe, Diosnö aebinemi ojwese'do jö̧ba̧lö, ja̧danö je'do ina Lehi nijitjö döbö jo̧be babebi.

Jueces 15:8

Ja̧danö, yöba̧lajo̧, Sansonma filisteo jojodönö meibinobe, ja̧danö ba̧jȩkwadönö kwabawö loinobe. Ikenama, kwabawö lobajo̧, Sansonma Etam inaba ötjabawabe i̧'yinobe, ja̧danö jobe inawa ötölanö ö̧jinobe.