Jueces 15:3 - Dios Iwene

³ Jejenö yöa̧lökwe, ödameakwinobe Sansonma, ja̧danö öpöjödö yöa̧linobe, —Ja̧maökö. Jejenö ja̧köbi̧tjö̧, balekwa mikwa filisteo jojodönö sulabenö ja̧tocha, ja̧danö ja̧ ja̧takwa̧ma, ötjö jawamaökö, ökwödö filisteo jojodö jawada, chilekwonö jȩlo̧ ilekwo bajibanö weköbinobetjö̧, —jö̧ba̧lö.

Jueces 15:3 Iomraidhean Croise

2 Samuel 14:30

Jejenö öpöjödiökwe, Absalonma iteda ömöayedönö weinobe, —Joab öbatjoma, chöbatjo ö'öbösayu jo̧be, cebada jawa batjoma. Jayu Joab öbatjo juwaduwi, —jö̧ba̧lö weinobe.

Jueces 14:15

Ja̧danö, wapötakwa möle baledibanö omukwatajadö, ö'wejemu jawa möle Sanson ilekwonö wetjinobe, —Kwilekwenö waisanö yöba̧lö öbibö döyötö abebö kwa̧ja̧kwo, labebö loawa kwöwaisobö, ja̧danö waisachibaju, ökwödönö yökawo, ökwönö kwabö lodapji jö̧ba̧lö. Jau, ökwödönö ba'ali dujunobö kwa̧debinama, ditea jwibadö badibobö sulabenö kwa̧debinobe ichejekwa, ja̧danö labebö loawa yökawökötjö̧ma, ökwönöbi, yöne kwömöledönöbi kwabö lodakobe, o̧do okwa kwö̧jaduwonö, kwabe'do eju ökwölanö juwö lodakobe, —jö̧ba̧lö wetjinobe.

Jueces 14:4

Ja̧ baledi̧ma Sanson abe'dobi, ojo'dobi wajwitjinobe, ja̧ baledi̧nötjö Isabenö Jo̧ otidakwa̧ma. Ja̧ möle filisteo jojodöma israel jojodö tjuluwedö tjö̧jinobe, ja̧danö Isabenö Jo̧ma omukwatö ujuninobe, ja̧ baledi̧tjö Sanson filisteo jojodönö ujuluwakwa̧ jawa otidobö, jo̧kwaijayonö Isabenö Jo̧ omukwati̧ wajwitjinobe.

Jueces 15:2

Tebatökönö, Sansonnö yöa̧linobe, —Dameakwö lakebinenama, chomukwatijatö, –Isabenö Sansonma chitjijunö öpöjödö kaatibajabe, –jö̧ba̧lö, jo̧kwajabetjö̧ ja̧ mölȩ kwömöledöso̧binanö wetijatö, jo̧bada ilekwo bajibanö. Jo̧kwaijayonö, jöjawujunö edi, jobujuma jöpöotjö bajalekwönönö otiwuju, jobujunöda kwemo, —jö̧ba̧lö yöa̧linobe.

Jueces 15:4

Ja̧danö, yöba̧lajo̧, Samsonma labebö yo̧lo̧ko̧dönö trecientobedönö do̧atinobe. Ikenama, do̧batajo̧, du̧ju̧tajakwena unu'yinobe tjöwali'bonö, ja̧danö tjöwali'bo bajalenönö dȩju̧wayubiya di̧atinobe.