Jueces 15:20 - Dios Iwene

²⁰ Ja̧danö, veinte o̧biya baledibanö, filisteo jojodö israel jojodönö tjujuluwonö, Sansonma israel jojodönö pjabatö ö̧jinobe, filisteo jojodötjö tjö̧jibobö.

Jueces 15:20 Iomraidhean Croise

Génesis 49:16

—Dan, ökwötjö tupadanö jojodöma ba̧jekwadöma tjuju̧kwökakobe. Jejenö ji̧jayonö idöda webawö tjuju̧kwakwedö. Jao, ba̧jekwadöböködötjijayonö ju'wedö Israel jojodötjö bakwasokwena tjitebokwenia ja̧nö idöda webawö tjuju̧kwi̧danö webawö tjuju̧kwakwedö tjitebonö.

Hebreos 11:32

Chömöledö, jejenö ju'wedöbi Diosnö tjo̧'wo̧ wana̧lö tjuju̧kwinobe. Ja̧danö, yelösöda nöinö yötawobö ji̧jayonö, yötawökena yöawakwawa ödöobetjö̧. Jo̧kwaijayonö ja'yubeda ina yötawaduwakwö. Ju'wedö Diosnö tjo̧'wo̧ wana̧lö ji̧nadöma bidö: Gedeón, Barac, Sansón, Jefté, David, Samuel, ju'wedö Dios yöawi̧ yöbawinadöbi.

Jueces 13:1

Israel jojodöma yemidanö Isabenö Jo̧ öpöjödi̧ jawa sulabenö ja̧bö tjö̧jinobe, ja̧danö sulabenö ja̧bö tjö̧jiökwe, Isabenö Jo̧ma jobadönö iyö loinobe, tjöpöjojodö filisteo jojodöma cuarenta o̧biya baledibanö israel jojodönö tjujuluwobö.

Jueces 16:31

Jemi ikenama, Sanson öjawo̧döbi, ju'wedö ömöledöbi iteba'o emö tjichinobe, ja̧danö iteba'o emö tje'ewinobe, iteba'o tjo̧tjo̧bö. Ja̧danö, Zora comunidadbi, Estaol comunidadbi ö'wejenö, abe'do Manoanö tjödinedo̧nö tjödinobe Sansonnö. Ö'wö baibakwa̧ abönö, Sansonma veinte o̧biya baledibanö israel jojodönö pjabatö ö̧jinobe.

1 Samuel 4:18

Elima jwiinö pöe ö̧jinobe, ja̧danö jwiinö o̧tewo̧ ö̧jinobe. Ja̧danö jejenö Dios iteapjo do̧tjatajabeta jö̧ba̧lö a̧ja̧kwenama, Elima o̧'wo tjo̧achö iteakatjö ökömakwö meinobe, ja̧danö mebö ulumea 'deawinobe, ja̧danö ö'wö baibinobe. Jwiinö pöe ö̧jobetjö̧, ja̧danö jwiinö ömöko̧obetjö̧, 'debawö ö'wö baibinobe. Ö'wö baibakwa̧ abönö, jo̧ba Elima cuarenta o̧biya baledibanö israel jojodönö jwebeba̧lö jina.