Jueces 15:12 - Dios Iwene

¹² Yöa̧lawö̧, yötja̧linobe, —Ökwödöma ökwönö do̧batö, dunu'yobö dichajabe, do̧batajadö filisteo jojodönö diyobö, jobadöma ökwödönö kwabö lotjapji jö̧ba̧lö. —Yötja̧lökwe, —Ökwödöma kwabö lobökönö, sule nu'yöda kwunu'yaduwitjö̧ma, kwunu'yaduwobö wetawocha. Jo̧kwajabetjö̧ yöbawö junaduwitjö, –Isabenö kwabö lobökönö, sule nu'yöda dunu'yakwedösa, –jö̧ba̧lö. Jejenö yöbawö kwujunaduwitjö̧ma, kwunu'yaduwobö wetocha, —jö̧ba̧lö.

Jueces 15:12 Iomraidhean Croise

1 Reyes 2:25

Ikenama, yöba̧lajo̧, Benaiasnö weinobe, ja̧danö weaja̧danö, Benaiasma Adoniasnö kwabö loinobe.

1 Reyes 2:34

Jejenö weökwe, Benaiasma Joab ö̧jobekwö 'ya̧nö, jo̧banö kwabö loinobe, ja̧danö kwabö lobajo̧, Joabnö tjo̧tjinobe, iteda ejunö. Joab ejuma israel nijitjö jojodö deobe ji̧nobe, ja̧danö jobe jo̧banö tjo̧tjinobe.

Mateo 27:2

Ikenama, Jesúsnö nu'yibö, jo̧banö öbibö tji̧'yinobe, Roma la'aka luwo̧ ujuninökwe gobernador Pilato mikwo̧nö iyö lotjobö.

Hechos 7:25

Ja̧danö, Moisésma omukwatijetö, Chömöledöma ötjönöma tjöwaisena, Moisésma Dios weinökwe dö̧jibinö pjaatobö, jö̧ba̧lö. Moisésma jejenö omukwatijayonö ömöledöma jejenöma omukwatijöködötö—yöbawijetö Estebanma—.

Jueces 15:11

Tjatadawö̧, Judasaso jojodötjö tres milbedö ömadöma Sanson ö̧jobekwö tji̧'yinobe, Etam inabatjö inawa ötöla ö̧jobekwö. Ja̧danö, ichibajadö, Sansonnö yötja̧linobe, —Filisteo jojodö duluwedö tjö̧ji̧ wajwiköbiji̧? Tajawedö ökwödönö suli̧ kwöwaedinö sulabenö ja̧köbaja̧da? Jobadönö sulabenö ja̧bö, ökwödönö wene jwökebajabe, tajawedö jejenö ökwödönö suli̧ kwöwaedaja̧da? Sula, —jö̧ba̧lö. Yötja̧lökwe, Sansonma atadinobe, —Ötjöma sule jobadö ötjönö ja̧tjinadanö, balekwa mikwa jobadönö ja̧tajabe, —jö̧ba̧lö.

Jueces 15:13

Yöa̧lawö̧, —Ökwödöma isabenö ökwönö kwabö lodökakwedösa, sule nu'yajadö, filisteo jojodönö diyakwedösa, —yötja̧linobe. Ikenama, yöba̧lajadö, a̧la̧chi'bo do'bolataja 'yayio'bijunö tjunu'yinobe Sansonnö, ja̧danö nu'yajadö, Etam inaba ö̧jinelö öbibö latjebinobe, filisteo jojodö tju̧ju̧kwobekwö.

Jueces 8:21

Ikenama Zebabi, Zalmunabi Gedeonnö yötja̧linobe, —Möayo̧nö weköboko ökwödönö kwabö looböma, ökwödönö kwabö loawama, möayo̧ jawamaökö, damö jawada. Ökwöda ökwödönö kwabö loköbo, —jö̧ba̧lö. Yötja̧lökwe, Gedeonma a̧la̧ibö, jobadönö kwabö loinobe, ja̧danö tjitjeaja̧, tja̧jwi̧mu camello̧dö tjulume'anö tjönawi̧ jawa orotjö otikwa jawama, Gedeonma do̧batö eminobe.