Jueces 14:14 - Dios Iwene

¹⁴ Tjatadökwe didiba jawa wanedö yöawinobe, baikwö: —Inesö itebiya kwo̧tjö, kwakwawa laebinobe, ja̧danö inesö juluwo̧tjö, o̧ti̧ jawa laebinobe, —jö̧ba̧lö yöa̧linobe, labebö loawa tjöwaisojobö jö̧ba̧lö. Ja̧danö, yöa̧lawö̧, wapötakwa möle baledibanö tjomukwatinobe, jo̧kwaijayonö labebö loawa wajwitjinobe.

Jueces 14:14 Iomraidhean Croise

Génesis 3:15

Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.

1 Reyes 17:6

Ja̧danö, jobe ö̧jonö, yȩayikwena bo̧lö̧ma panbi, itebiyabi tjichejebinobe, ja̧danö yi̧benakwena panbi, itebiyabi tjichejebinobe, Elias ukwobö, ja̧danö ojwetjö owö ö̧jinobe.

Proverbios 24:7

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧ yötawakwö: Sulabenöda omukwatö jo̧ma jweinö omukwatadö yötjawi̧ma do̧batö̧kö̧. Jo̧kwaobetjö̧ la'akatjöda jweinö omukwatö ö̧jobö öwaisachibökakwo̧. Ja̧danö, jojodö tju̧ju̧kwemi teachakwawemi jojodö yöba̧lakwawö tjo̧ko̧ko̧kwena jo̧ba sulabenö omukwato̧ma wi̧inöda jo̧, mikwawi̧ jawa yöa̧li̧ma jwiobetjö̧.

Mateo 13:11

Jejenö atjebökwe, Jesúsma atadinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwaijayonö ju'wedö jojodönö jejenö iyinokobetjö̧, wanedö yöbawöda yötawobe jobadönö.

Hechos 8:31

Jejenö abebö a̧ja̧kwiökwe atadijetö: —¿Dakwö chöwaisachibobö ötjönö yöbawo̧ bakwo̧bi deobema? Bena nöchö a̧jibö yöbawitjö—jö̧ba̧lijetö Etiopía jojoma.

Romanos 8:37

Jau chömöledö, okobe jwiinö yötawaja̧ baleditjö̧böbi, woditjö̧böbi, ja̧ jawa okobe junibö, ida̧ökö abönö ichibinadösa ökwödöma chömöledö, Jesúsda ökwödönö pjaatinobetjö̧. Jo̧bama ökwödönö ile nibebö pjaatinobetjö̧, ida̧ökö abönö ichibinadösa chömöledö.

1 Pedro 2:24

Jau chömöledö, Cristoma isabenö ökwödönö pjabatö usula emawinobe. Ökwödö sulabenö ja̧dobetjö̧ Dios lȩebi̧tjö demo jö̧da̧linobe chömöledö, jo̧kwaijayonö ökwödö demawo jö̧da̧linama, jo̧bada dusula emawö towisa'onö ö̧linobe. Jejenö midawö woinobe, ökwödöma suli̧ ujulutjö ji̧bö, otiwanö ja̧bö dö̧jakobetjö̧. Jau chömöledö, kwakwatji̧tjö jo̧bada usula emawinobetjö̧, ökwödöma kwö'wöchaduwi̧tjö ji̧binadöja.

Jueces 14:13

Jo̧kwaijayonö labebö loawa wajwiköbaduwitjö̧ma, ökwödöda bakwo̧nökwena ötjönö kamiji̧do̧ kwiyaduwobö ja̧kobe, linotjö otikwa̧do̧ wamesa̧do̧bi, ju'wi kamijido̧bi, —jö̧ba̧lö yöa̧linobe Sansonma. Yöa̧lawö̧, —Jau, otiwa, yöa̧lakwawa abebö a̧ja̧kwi, da̧jakwobö, —jö̧ba̧lö tjatadinobe.

Jueces 14:15

Ja̧danö, wapötakwa möle baledibanö omukwatajadö, ö'wejemu jawa möle Sanson ilekwonö wetjinobe, —Kwilekwenö waisanö yöba̧lö öbibö döyötö abebö kwa̧ja̧kwo, labebö loawa kwöwaisobö, ja̧danö waisachibaju, ökwödönö yökawo, ökwönö kwabö lodapji jö̧ba̧lö. Jau, ökwödönö ba'ali dujunobö kwa̧debinama, ditea jwibadö badibobö sulabenö kwa̧debinobe ichejekwa, ja̧danö labebö loawa yökawökötjö̧ma, ökwönöbi, yöne kwömöledönöbi kwabö lodakobe, o̧do okwa kwö̧jaduwonö, kwabe'do eju ökwölanö juwö lodakobe, —jö̧ba̧lö wetjinobe.