Jueces 14:10 - Dios Iwene

¹⁰ Sanson abe'doma filisteo jojosujunö emakwa̧ jawa otidobö i̧'yinobe, ja̧danö Sansonma jobe ba'ali ujuninobe, jemi ju̧kwadö ichö tjukwobö. Jemi ju̧kwadö tjilekwamunö tjemakwedö ömadöma, jejenö ba'ali juniatjinobe, jo̧kwajabetjö̧ juniatji̧danö Sansonbi ba'ali ujuninobe.

Jueces 14:10 Iomraidhean Croise

Génesis 29:22

Ikenama Labánma jwöbijetö okobe deinö jobe jojodö ömadönöma fiesta kwanö, owö tjichobö.

Juan 2:9

Ja̧danö, tjiyobu ojwiyoma ubasobu o̧'do̧bu baibajobuda tjiyinobe kwakwawa owawa iyabo̧nö ubatö edobö, otiwojobu, sulojobu edö. Jo̧bama jobu ubatö, Jwiinö o̧ta. ¿Delö watjajobuda? jö̧ba̧lö, omukwatinobe, wajwiobetjö̧. Jo̧kwaijayonö jobu wa'yebö iyajadöma tjöwaisinobe, ojwiyotjöda baibajobu, jö̧ba̧lö. Iyabo̧ma jwöinobe ilekwonö emo̧nö yöawobö.

Apocalipsis 19:9

Ikenama ángelma weijatö ötjönöma, chiwȩyudobö: —Biya̧ yöta̧li̧ma wȩyudi. Obeja Itji̧danö Jo̧ ilekwonö emi̧ pjiesta jobe tjichobö a̧debajawö̧ma, tjo̧'wo̧ ösöwanö ichö tjedakwedö. Ja̧ yöta̧li̧ma Diosda yöawi̧, isabenö yöawi̧ma— jö̧a̧lijatö ángelma ötjönöma.

Jueces 14:11

Ja̧danö, Sanson ichibö ba'ali ujuniawö̧, ilekwo jömöledöma ömadö treintabedönö tja̧debinobe, Sanson ömöledö batjibanö jo̧bakwö ba'ali tjujunobö.

Jueces 14:9

Badekwajo̧, ömamunö ko'dö eminobe wa̧yo̧ma, ja̧danö kweachonö, neinobe. Ja̧danö, abe'dobi ojo'dobi tjöba a'o ichibajo̧, jobadönöbi iyinobe, netjobö. Jo̧kwaijayonö, jobadönö yöawinokobe, —Wayo̧ma didiba iwe'ijutjö chemajabe, —jö̧ba̧lö.