Jueces 13:20 - Dios Iwene

²⁰ Manoa iyaja̧ ubi̧ ökwöla mölȩjȩbe kaamenama, angeldanö ichejekwo̧ Isabenö Jo̧ma, ökwölanö kaekwajinobe mölȩjebe, tjöba a'otjö debi baibanö. Ja̧danö, jejenö balediawö̧, Manoabi ilekwobi yetjaibanö tjöba nijakwö metji̧nobe.

Jueces 13:20 Iomraidhean Croise

Génesis 17:3

Ja̧ yöawi̧ a̧ja̧kwö Abramma u̧yu̧kijunö bamatö öba bȩbachibijetö nijakwö uunö. Ja̧danö, Diosma yöbawijetö Abramnöma:

2 Reyes 2:11

Ja̧danö, jemi ikena, jemi tupakwö kwebachö, yötja̧lakwawemi ja'ötjö, jobadönö 'da̧batö junö, juluwanö tjö'wejenö ökwöla, kabayudödanö, ja̧danö kolukadanö ichejekwöla baledinobe. Ja̧danö, jemi ikenama jwa̧le'epjo labinö jalawapjoma Eliasnö kabeibö e'ewinobe, mölejȩbe.

1 Crónicas 21:16

Ja̧danö, Jerusalennö ja̧nö, Davidma möakwö edinobe, ja̧danö Isabenö Jo̧ weökwe angelnö edinobe, mölejebi, bö̧jebi ö'wejenö jo̧nö. Angelma ömamunö kwölöte'o do̧ba̧lö, Jerusalen comunidad wame debatö ö̧jinobe, ja̧danö jobe ö̧ji̧ edö, Davidbi ju'wedö Jerusalen comunidad luwedöbi kamijido̧ epju̧yunö kalukaa̧do̧ 'dubawö, tjo̧'wo tjoachö tjöba nijakwö tjö̧bamatinobe.

1 Crónicas 21:21

Ja̧danö David Arauna ejube ichibonö, Araunama Davidnö edinobe. Ja̧danö edajo̧ Araunama chabö loawejutjö labebö, öba nijakwö David öba a'o bȩbachibö ösödinobe, chuluwo̧ja jö̧ba̧lö.

1 Crónicas 21:26

Ja̧danö, emajo̧, Davidma jobetjö iyawöte otidinobe, ja̧danö Isabenö Jo̧nö jwiinö ubinö iyawabi, jojodö bakobe Dioskwö ösökwö ja̧kwawa jawa iyawabi jobetjö juwö iyinobe. Jejenö iyö, Isabenö Jo̧nö aebinobe, israel jojodönö lȩlöjinö edobö, ja̧danö a̧ebökwe, Isabenö Jo̧ma mölejebetjö ökwöla weinobe iyawötenö meinö, —Akebaja̧ cha̧ja̧kwajabe, —jö̧ba̧lö.

Daniel 10:9

Ja̧danö chedajökwe iwene ökwöobe cha̧ja̧kwenama, 'dö̧bachibö nijakwö apanö chöbamatijatö.

Mateo 17:6

Ja̧ iwene ökwöi̧ a̧ja̧kwö, jobadö wa̧medukwa Jesús öba̧ja̧di̧ waisachadöma yetjaibinobe yelösöda, ja̧danö yebabinö tjöba nijakwö tjöbamatinobe nijinö.

Jueces 6:19

Gedeonma juluwanö ejube ȩwa̧jö, chivo ja'yuwo̧nö kwabö toinobe, ja̧danö trigoso̧pja̧ domulataja jawa kilo jenanö emibö, ye'yeachi̧ jwii̧ jawa pan öpji̧ya otidinobe. Ikenama, otidajo̧, itebiya wi̧lȩyu̧nö anajo̧, ja̧danö isobu toajobu pa̧laka'do̧nö tobajo̧, okobe jwiinö e'ewö i̧'yinobe Isabenö Jo̧ towi teebe ö̧bobekwö, jo̧banö iyobö.

Jueces 6:21

Ikenama angeldanö ichejekwo̧ Isabenö Jo̧ma otokwa'o debatö, itebiyabi, öpji̧ya̧bi doebinobe, ja̧danö doebemi, inabatjö ökwöla nötekwajinobe, ja̧danö okobe jwiinö itebiyabi, öpji̧yabi jwiinö ubibinobe, ja̧danö angeldanö ichejekwo̧ Isabenö Jo̧ma omönanö Gedeon ö̧jelö debi baibinobe.