Jueces 13:12 - Dios Iwene

¹² Atadökwe, Manoama abebö a̧ja̧kwinobe, —Kwatjö̧ma yökawinadanö jitji̧nö jemenama, jo̧banö weawama di̧ya, otiwanö ja̧bö ö̧jobö? Ja̧danö otidakwa̧ma, di̧ya? —aebökwe,

Jueces 13:12 Iomraidhean Croise

Génesis 18:19

Isabenö, Abrahamnöda omudawö chujunijatö iteda i̧tji̧munöbi, jo̧batjö tupadanö jojodönöbi öba̧jadobö, ötjö weti̧ a̧ja̧kwö tjö̧jakobetjö̧, jweinö omukwatö, ötjö chösödi̧danö ja̧bö. Jejenö tjuju̧kwitjö̧ma ötjö chiwene Abrahamnö yöbawö chujuninadanö badekwachakobe— jö̧ba̧lijetö Isabenö Jo̧ Diosma, itedada.

Proverbios 22:6

Ja̧danö, ju'wibi yötawa: Isabenö, kwitji̧mu̧duwinö otiwanö tjo̧mukwatobö jwebebö yökawaduwitjö̧ma okobe jwiinö tjö̧ji̧ma otiwanö omukwatö tjö̧jena. Jao, tjȩmu tjö̧jatjö̧ damöbi ba̧kwȩlö̧jatebö jwebebö yökawinaduwadanö otiwanö omukwatö tjö̧jena, jobadönö ajayinö jwebebö yökawinaduwatjö̧ma.

Proverbios 4:4

ötjönö chabe'do baikwö yöbawiaijatö ötjönöma: —Chitji̧, ötjö yötawi̧ma kwomajadenö kwanawo kwomukwatakobetjö̧. Ja̧danö, jwebebö yötawi̧ma a̧ja̧kwö kwö̧jo lekwe mölȩ kwö̧jakobetjö̧ kwo̧'wo ösöwanö.

Efesios 6:4

Babema tjemu tjabe'dodönö yötawa. Kwi̧tji̧muduwinö labinö jwökeba̧laduwa, jobadö tjo̧'wo̧ sulachibanö baibanöma. Otiwanöda, tjöda̧peachinö yöbawö ju̧kwaduwi kwi̧tji̧muduwinöma. Jobadö jweinö tjomukwatökötjö̧ma otiwanö jwebeba̧lö yöbawaduwidönö, Duluwo̧ iwene ba̧ja̧dö. Jejenö kwöba̧ja̧daduwo, Dios ösödi̧ jawa tjöwaisachibanö.

Jueces 13:11

Yöjawökwe, ilekwokwö i̧'yinobe Manoama, ja̧danö öba a'o ichibö abebö a̧ja̧kwinobe, —Ökwöma belö bisu chilekwonö yöbawinaköbiji̧? —jö̧ba̧lö. Aebökwe, —Jau, ötjödasa, —atadinobe.

Jueces 13:13

angeldanö ichejekwo̧ Isabenö Jo̧ma atadinobe, —Okobe jwiinö kwilekwonö wetinama, teada̧lönö a̧ja̧kwö jö̧jobö jo̧be.