Jueces 12:4 - Dios Iwene

⁴ Efrainsaso jojodöma Galaad niji jojodönö öpöjödö yötja̧linobe, —Ökwödö Galaad niji ju̧kwadöma, ökwödö otiwadö dö̧ji̧danöma jö̧ködöja, ökwödöma sulabedö Efrain nijitjö döbibajadöja, ja̧danö döbibajadö, Efrain nijibi Manases nijibi ö'wejenö ju̧kwadöja, sulabedöja ökwödö Galaad jojodöma, —jö̧ba̧lö. Jejenö yötja̧lökwe Jeftema okobe deinö Galaad niji ölakwabikwawadönö ko̧ko̧dö, Efrainsaso jojodökwö ölakwabikwawinobe, ja̧danö Galaad jojodöma Efrain jojodönö tjujuluwinobe.

Jueces 12:4 Iomraidhean Croise

1 Reyes 17:1

Ja̧danö, Galaad niji comunidad Tisbe jojo Elias mikwo̧ma, Acab öba a'o ichibö yöawinobe: —Israel jojodö tjösödökwe Isabenö Jo̧ Diosma isabenö jo̧, ja̧danö chuluwo Isabenö Jo̧ öba a'o ja̧nö, baikwö yötawakwö Acab, biya o̧biyama, ojwiyo o̧bökakobe, ja̧danö si̧li̧'idö tji'olibi tjoduwökakobe, ötjö Eliasma, –Babe ojwiyo o̧bakobe, –jö̧ba̧lö yötawenanö kabatö, —jö̧ba̧lö Acabnö yöawinobe Eliasma.

Proverbios 12:13

Ju'wibi yötawa: Sulabenö omukwato̧ma sulabenö yöa̧lobetjö̧ iteda wene jwöbekwo̧. 'Daliwanö tjö̧libi̧danö li̧bo̧ wene jwöebi̧tjö̧ ji̧bökönö. Jobekwö baledökökwe Dios wei̧ a̧ja̧kwö jo̧nöma. Dios wei̧ a̧ja̧kwö jo̧ma wenetjö ji̧bo̧, 'daliwatjö tjö̧jibi̧danö, li̧bö̧kö̧.

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

Jueces 11:10

—Jau, isabenö duluwo̧ bakibanö dujunakwedösa. Isabenö Jo̧ma yöda̧laja̧ a̧ja̧kwajabe, ja̧danö yöda̧laja̧danö ja̧bökönö, la'aka duluwo̧ bakibanö dujunökötjö̧ma, isabenö ökwödönö lȩebobö ja̧kobe. Babe adebaja̧danö pjakatitjö̧ma, isabenö weköbakwa̧ a̧ja̧kwö dö̧jakwedösa —jö̧ba̧lö tjatadinobe Galaad niji luwedöma.

Jueces 12:3

Ja̧danö, –Efrainsaso jojodöma pjatjatökakwedö, –jö̧ba̧lö chöwaisachibenama, ökwödöda amonitas jojodönö dölakwabikwawobö chomukwatijatö. Jau, jobadönö ölakwabikwawö debö chi̧'yo jö̧ta̧linajayonö, yayonö amonitas jojodönö ölakwabikwawö chi̧'yijatö, ja̧danö Isabenö Jo̧ma otiwanö pjaatinobe, jobadönö chujuluwobö. Isabenö ötjönö kwödameakwawobö jwiobe, tajawedö ötjökwö kwölakwabikwawotö jö̧ba̧lö kwichaduwaja̧da? Sula, —jö̧ba̧lö atadinobe Jeftema.

Jueces 12:5

Ja̧danö Galaad jojodöma Jordan ojwe peikwelö tjujuluwinobe, ja̧danö tötjeba̧linobe, Efrainsaso ölakwabikwawa jojodö petjibapji jö̧ba̧lö. Ja̧danö, Efrainsaso ölakwabikwawadötjö bakwo̧ ichibö, —Petibobö jö̧ta̧la, —jö̧ba̧lö aebenama, abebö tja̧ja̧kwinobe, —Ökwöma Efrainsaso jojoköbiji̧? —jö̧ba̧lö. Ja̧danö, —Efrainsaso jojobö̧kö̧sa, —jö̧ba̧lö ataditjö̧ma,

1 Samuel 25:10

Yötja̧lökwe, Nabalma atadinobe: —Jo̧ba Davidma tida, jo̧banö chiyobö? Jo̧ba Isai itji̧ma, luwo̧sa jö̧ba̧lö omukwatö chiyobö aebobeji̧? Ditebotjö ba̧jȩkwadö tjömöayedö tjuju̧kwobe, tjuluwedö wetji̧ öpöjödö, tjuluwo̧nö kabatibö sulabenö döbibajadöma, ja̧danö chedemi Davidma jobadöja̧yo̧ ö̧jena.