Jueces 11:39 - Dios Iwene

^39-40 ja̧danö jawo̧dö du̧ju̧taja baledibajenama, jabe'do ö̧jobekwö jȩwa̧bijinobe. Ja̧danö, ajayinö yöbawö ujuninadanö, Jeftema itjijunö kwabö juwö iyinobe Diosnö. Ja̧danö, Jefte itjijuma la'akatjöda iso̧kwö jö̧jinokobe. Ja̧danö, ja̧ baledina omukwatö, o̧ba bakwabakwena israel jojodötjö ya̧dö ina tjilekwamunö emöködöma tjubudekwobe, Jefte itjijunö omukwatö. O̧ba bakwabakwena, ö'wejemu jawa möle baledibanö kwebachö tjubudekwobe, Galaad niji jojo Jefte itjijunö omukwatö.

Jueces 11:39 Iomraidhean Croise

Isaías 66:3

Jo̧kwaijayonö idöda tjösödi̧ jawa omudawö junadö inesö sulabenö ja̧awa ja̧tjobö ösödadönö, ösödö̧kö̧sa. Jobadönö baikwö yöta̧la: Pakayaso̧nö kwabö juwö ötjönö tjiyijayonö, ju'wibi jojodönö kwabö lobadö. Ja̧danö obejanö kwabö juwö ötjönö tjiyijayonö, ju'wedö o̧'wo jawa tjösödawönöbi ösödö, awili u̧lu̧me'a 'debatö iyadö. Ja̧danö trigoso̧pja̧ iyawa ötjönö tjiyijayonö, ju'wibi ju'wedö o̧'wo jawa tjösödawö̧nö kusi̧ ökwösobu iyadö. Ja̧danö chöba a'o omewi̧ jawa juwadöma, ju'wibi o̧'wo jawa ösödadö. Jau, —Diosnö ösödadösa, —jö̧ba̧lö tji̧sȩbijayonö, weti̧ a̧ja̧kwöködö, ja̧danö la'akatjöda tjiyi̧ chösödökakwo̧sa, —Otiwanö iyadö, —jö̧ba̧löma.

Deuteronomio 12:31

Jau chömöledö, jobadö tjösödinadanöma kwösödaduwoko kwuluwo̧duwi Isabenö Jo̧ Diosnö chömöledö, baikwö yötawa: Jobadö tjösödawö̧nö ösödö ja̧tji̧ma, jwiinö suli̧ jawa ösödö ja̧badö, inesö suli̧ Isabenö Jo̧ öpöjödi̧ jawa. Jau chömöledö, isabenö jwiinö sulabenö ja̧bö tjösodobe o̧'wo jawa tjösödawö̧nö, idöda tji̧tji̧munöbi juwö tjiyobe, tjösödawö̧nö̧ iyawa baibanö chömöledö, jobadö tjösödi̧danö kwösödaduwoböma kwisakwaduwoko, la'akatjöda.

Jueces 11:31

isabenö chujuna̧litjö kwabö juwö chiyakwo̧sa. Amonitas jojodönö juluwajo̧, wene jwiinö chejube chichibobö pjakatitjö̧ma, cheju apjudetjö ajayinö labebo̧nö kwabö juwö chiyakwo̧sa, ökwö kwitea baibanö, ja̧danö jwiinö ubinö iyawa baibanö, kwabö juwö chiyakwo̧sa, —jö̧ba̧lö yöbawö ujuninobe.

Jueces 11:38

Ajebökwe, —Jau, jawo̧dö du̧ju̧taja baledibanö kwömöledökwö kwebachaji, —jö̧ba̧lö weinobe. Jo̧kwajabetjö̧, jömöledökwö budekwabinö kwebachö jö̧jinobe mösa'iju jȩmima, la'akatjöda jilekwenö jemökakobetjö̧,

1 Samuel 1:11

Ja̧danö Diosnö abebö isabenö ja̧jakwa̧ wene yöbawö jujuninobe, baikwö: —Chuluwo̧ Isabenö Jo̧ okobe jwiinö juluwo̧ Dios, usula chemawi̧ kwedobö atebakwö, ja̧danö usula chemawi̧ omukwatö, chitji̧nö 'yatebobö atebakwö. Isabenö yöbawö chujunakwö, jejenö chitji̧nö 'yatebobö weköbitjö̧ma, kwiyajökwenö 'da̧batö chujunocha, ba̧kwȩlöjatebö ina 'ya̧alayi ökwö weköbi̧da otido̧ baibanö, ja̧danö ökwöda weköbi̧ otido̧ ö̧jakobetjö̧, öwö'ye la'akatjöda 'witjökakwo̧, —jö̧ba̧lö ajebinobe Anama Isabenö Jo̧nö .

1 Samuel 1:22

Jo̧kwaijayonö, ju'wedö tji̧'yonö, Anama ji̧'yinokobe. Jilekwenö baikwö yöja̧linobe: —Ina chitji̧nö öbibö chi̧'yökö, ina tjemu o̧do̧'bi̧ owobetjö̧. Tupakwöda, o̧do̧'bi 'dötebaja̧ ikenada chi̧'yocha. Jemi ikenama, o̧do̧'bi̧ 'dötebaja̧ ikena, chitji̧nö öbibö chi̧'yocha, Isabenö Jo̧ öba a'otjö yötawinadanö chujunobö, ja̧danö jobe ja̧nö, ba̧kwelöjatebö Dios öba a'o ö̧jobö.

1 Samuel 1:24

Ja̧danö, o̧do̧'bi̧ 'döjebaja̧ ikena, yemidanö Diosnö iyö tji̧'yena, yöja̧linadanö Anama jitji̧ ina ja'yuwo̧nö öbibö ji̧'yinobe Isabenö Jo̧ ejube Silo Comunidadbe. Ju'wibi pakayaso̧ wapötakwa o̧ba junalo̧nöbi öbibö, tuda'wo nueve kilo harinaso̧pjasa'wobi e'ewö, ubasobu o̧'do̧busapja̧bi e'ewö tji̧'yinobe.

1 Samuel 1:28

Jo̧kwajabetjö̧, bitenö 'da̧batö chujunajabe ina 'ya̧alayi ba̧kwelöjatebö Isabenö Jo̧ wei̧ otidö ö̧jobö, —jö̧ba̧lö yöja̧linobe Anama Elinö. Ja̧danö, jobe ja̧nö bȩbachibö Diosnö tjösödinobe.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.