Jueces 11:26 - Dios Iwene

²⁶ —Isabenö yötawakwö, ida̧ökö trecientos o̧biya baledibanö bemi nijinö dö̧jajabe, Hesbon comunidadnöbi, Aroer comunidadnöbi, ö'öbö pjei̧ comunidadtenianöbi, Arnon ojwe ö'öbö comunidadnöbi. Isabenö bemi niji ökwödö amonitas jojodö kwiteboduwi ji̧tjö̧ma, damötjö kwemaduwobö ji̧nena. Jo̧kwaijayonö damötjö kweminaduwokobema, öwaetjöda öwawobe, babe ökwödötjö 'dökebaduwoböma jwiobe, jö̧ba̧lö.

Jueces 11:26 Iomraidhean Croise

Hechos 13:19

Ikenama Diosma iyijetö Canaán nijima, ökwödö da'dödöminenöma. Diosma pjabatijetö da'dödöminenöma Canaánnö ju̧kwadönö jwiinö söbebö lotjobö. Jau, Diosma pjabatijetö ökwödö da'dödöminenöma Canaánnö ju̧kwadö jelemutjö du̧ju̧tajanö jenanö bakwaso jojodönö söbebö lotjobö. Ikenama, Canaánnö ju̧kwadö söbebö lotjaja̧ ikena, ja̧ nijima da'dödömine tjiteboda baibijetö. Okobe jwiinö ja̧ da'dödöminenö baledinama, Egiptonö tjö̧jinemi tupakwö Canaánnö tjuju̧kwobö tjichibenanö baibanö cuatrocientos cincuenta o̧biya jenanö baledijetö— yöbawijetö Pabloma.

Deuteronomio 2:24

Tupakwö yöawinobe Moisesma, israel jojodönö: —Jemi ikenama Isabenö Jo̧ma weinobe, –Tupakwö 'ya̧nö, Arnon ojwe pekibaduwo, ja̧danö baikwö yötawakwö, Amorreos jojodö tjitebo comunidad Hesbon la'aka luwo̧ Sijon mikwo̧nö kwujuluwaduwobö chiyajabe, jo̧banö juluwajadö itebo niji 'dökebaduwakobetjö̧. Jo̧kwajabetjö̧, itebo niji jamatö kwemaduwakobetjö̧, jo̧bakwö kwölakwabikwawaduwo.

Deuteronomio 2:36

—Jau chömöledö, okobe jwiinö Sijon iteboinemi comunidadtenia dujuluwijatö, Arnon ojwe ö'öbö jȩmi comunidad Aroertjöbi, ju'wi Arnon ojwe wabeko ö'wejenö ji̧ comunidadtjöbi, u'dakwö Galaad niji baibanö, okobe jwiinö dujuluwijatö. Ja̧danö, ju'wi comunidadkwena jwiinö mönö tjöekwinajayonö, yayonö bakwöta comunidadbi dujulutjö ji̧binokobe, okobe jwiinö dujuluwijatö, duluwo̧ Isabenö Jo̧ Dios ja̧ okobe jwiinö dujuluwobö iyobetjö̧.

Deuteronomio 3:2

Ja̧danö, jejenö ökwödökwö ölakwabikwawobö ichenama, Isabenö Jo̧ma ötjönö yöawinobe, –Jo̧ba Ognö yekaboko, jo̧banöbi, okobe deinö ömöayedönöbi, itebo nijibi kwujuluwaduwobö chiyajobetjö̧. Jo̧kwajabetjö̧ Hesbon comunidadnö ji̧na amorreos jojodö la'aka tjuluwo̧ Sijonnö söbebö lököbinaduwa̧danö, Ognöbi, okobe deinö ömöayedönöbi söbebö loköbaduwo, –jö̧ba̧lö yöawinobe Diosma.

Deuteronomio 3:6

—Ja̧danö, Og itebo dujuluwenama, Hesbon la'aka luwo̧ Sijon itebo ju̧kwadönö söbebö lodinadanö söbebö lodijatö. Comunidadkwena dujuluwenama, okobe deinö jojodönö kwabawö lodijatö, ömadönöbi, ya̧dönöbi, tjemunöbi.

Josué 11:18

Lekwe möle jobadö la'aka luwedökwö ölakwabikwawö ö̧jinobe Josuema,

Josué 12:2

Jobadö la'aka luwedö tjujuluwinawö̧tjö bakwo̧ma Sijon mikwo̧. Jo̧ba Sijonma, amorreo jojodötjö la'aka luwo̧ ö̧jinobe, ja̧danö itebo la'aka comunidadma Hesbonnö ö̧jinobe, ja̧danö ju'wi itebo comunidadma Arnon wabekö ö'öbö jȩmi comunidad Aroer mikwobe. Okobe jwiinö jo̧ba Sijon yöbawö weinemima, baikwö laebobe: Arnon wabeko ja'ötjö, u'dakwö Jaboc ojwe baibanö weinobe, ja̧danö jawo̧ laebobekwö amonitas jojodö tjitebo ö'öbö ichibanö. Ja̧danö Galaad nijitjö ja'ö, a̧li̧kwö jawa niji weinobe Sijonma.

Josué 12:5

Jo̧ba weinemi nijima baikwö laebobe: U'dakwö ja̧'o Hermon mösa'otjö Salcabe ichibanö weinobe, ja̧danö okobe jwiinö Basan niji, Guesur jojodö tjitebo baibanö, ja̧danö Maca jojodö tjitebo baibanö weinobe, ja̧danö a̧likwö Sijon itebo ichibanö weinobe. Jejenö Galaad nijitjö, Ogma ja'ö u'dakwö jawa niji̧ weinobe, ja̧danö Sijonma Galaad nijitjö a̧likwö jawa niji weinobe.

Josué 13:10

ja̧danö okobe jwiinö amorreo jojodötjö la'aka luwo̧bina, Hesbon comunidadtjö ji̧na Sijon mikwo̧ weina comunidadtenia nijibi, amonitas jojodö tjitebo ö'öbö baibanö niji̧bi iyinobe Moisesma.

Josué 13:16

Rubensaso nijima, Arnon wabeko ö'öbö comunidad Aroertjö, wabeko ja'ö comunidadbe baibanö ji̧nobe, ja̧danö okobe jwiinö Medeba comunidad ö'öbö niji ba̧ba̧lawobema,

Josué 13:17

ja̧danö Hesbon comunidadbi, okobe jwiinö Hesbon jȩna ba̧ba̧lawobe comunidadteniabi. Ja̧ comunidadteniama, baikwö laebobe: Dibon comunidadbi, Bamot Baal comunidadbi, Bet Baal Megon comunidadbi,

Josué 23:1

Ajayinö nöinö tjöpöjojodökwö ölakwabikwawö tjö̧jinajayonö, Isabenö Jo̧ma otiwanö pjaatinobe israel jojodönö, wene jwiinö tjitebonö tjö̧jobö, ja̧danö pjaatobetjö̧ tjöpöjojodötjö bakwo̧kwöbi ölakwabikwawökönö tjö̧jinobe. Jejenö lekwe möle baledajadö, Josuema jwiinö pöe jwöachinobe.

Jueces 10:8

Jo̧kwajabetjö̧ ja̧ o̧ba filisteo jojodöbi amonitas jojodöbi jamatö israel jojodönö tjujuluwinobe, ja̧danö usula tjemawinö ja̧tji̧nobe. Ali̧nösamu jelemutjö wa̧pötakwa o̧biya baledibanö, amorreo jojodö ajayinö tjö̧jinemi Galaad nijinö ju̧kwadö, Jordan ojwetjö jawo̧ laebobekwö ju̧kwadö israel jojodönö usula tjemawinö ja̧tjinobe tjöpöjojodöma.

Jueces 3:11

Ikenama, Otoniel ina 'yaa̧layi, israel jojodöma wene jwiinö tjö̧jinobe, cuarenta o̧bia baledibanö, Otoniel ö'wö baibenanö kabatö.

Jueces 3:30

Ja̧danö, jejenö baledobetjö̧, ja̧ möle israel jojodöma Moab niji ju̧kwadönö tjujuluwinobe, ja̧danö ja'yubenö lekwe ochenta o̧bia baledibanö israel jojodöma tjitebonö wene jwiinö tjö̧jinobe.

Jueces 5:31

Döpöjojo Sisaranö baledinadanö, okobe deinö chuluwo̧ Isabenö Jo̧ öpöjojodö debö tji̧'yobö chösöda, jo̧kwaijayonö Isabenö Jo̧nö ösödadöma möle jawo̧ ujulunö kaekwaji̧danö tjujuluwachibobö chösöda, jö̧ba̧lö lo̧tjinobe Deborabi, Baracbi, Diosnö ösödö. Ja̧danö jemi ikenama cuarenta o̧bia baledibanö israel jojodöma wene jwiinö tjitebonö tjö̧jinobe.

Jueces 8:28

Jobekwö laebobe madianitas jojodönö tjujuluwina jawa. Ja̧danö, jemi ikenama, madianitas jojodöma tjujuluwinokobe, israel jojodönö tjölakwabikwawobö. Ja̧danö, Gedeon ina ö̧jayi, israel jojodöma cuarenta o̧bia baledibanö wene jwiinö tjitebonö tjö̧jinobe.

Jueces 9:22

Ja̧danö, israel jojodötjö la'aka luwo̧ babibajo̧, wapötakwa o̧biya baledibanö la'aka luwo̧ öjinobe Abimelecma.