Jueces 11:2 - Dios Iwene

² Galaad ilekwobi jitji̧mu ömadönö jeminobe, ja̧danö jobadö tjö̧da̧peachenama, Jeftenö öpöjödö a'dewö lotjinobe, —Ökwöma dojo'dö jitji̧bö̧kö̧ja, jeluju jitji̧ja. Jo̧kwajabetjö dabe'do ö'wö baibenama, iteatjö kwemobö wedökakwedösa, dabe'do ilekwobökuju jitji̧köbobetjö̧, —jö̧ba̧lö.

Jueces 11:2 Iomraidhean Croise

Génesis 12:10

Ja̧ mölema jobe Canaán nijima okobe jwiinö batjiju junawa wobö loobetjö̧ kwakwawa yelösöda jwiijetö. Jwiobetjö̧ jojodöma a̧wi̧chö tjöbijadötö. Ja̧danö, jobetjö a̧wi̧chilö̧jawö̧ Abramma i̧'yajawö̧kwö u'da 'yi̧jetö Egiptobe, jobeda ö̧jobö ja'yubeda lekwe.

Génesis 21:10

Jo̧kwaioko Sarama Abrahamnö webijotö: —Chilekwe, a'dewö lobi chömöayujunöma, jitji̧kwöda. Chöpöjöda jitji̧ma ö'wö bakibaja̧ okobe ökwö kwitea kwujunibi̧tjö emoböma. Chitji̧ Isaacda ökwö kwiteaja̧ma emakwo̧— jö̧ba̧lijotö.

Proverbios 2:16

Ina laebobe Salomón iteda itji̧nö möayo̧nö jwebebö yöawina, baikwö: —Chitji̧, jweinö omukwatö kwö̧jitjö̧ma, jelo̧kwö jelo̧kwö jalewobö ösödujutjöma kwö̧jibena. Jao chitji̧, jobuju sulabenö jalewobö, ötjökwö kwö̧jo ichi, jwöbeabujuma ökwönö jwiinö jösödijayonö jweinö omukwatö kwö̧jobetjö̧ jobujukwö kwi̧'yökakobe.

Proverbios 5:20

Chitji̧ ¿jeluju, jelo̧kwö jelo̧kwö jö̧jobö obujunö kwösödobö jo̧beji̧, jo̧do'bi̧ wo̧ba̧lö ösödö? Jwiobe. ¡Kwösödoko!

Proverbios 5:3

Chi̧tji̧, ju'wibi yötawakwö: Jelo̧ ilekwoma ökwökwö jö̧jotö jö̧ba̧lö jichena, ökwönö ösödö. Wanedö yötawakwö: Jobuju obö jö̧ja̧li̧ma wa̧yo̧ o̧ti̧danö o̧tinö yöba̧lö ichuju̧. Ja̧danö, oliva o̧tesobu jwiinö otiwobu, sayuwobudanö, sayuwinö yöba̧lö ichuju. Ja̧ wanekwachi̧ma, ökwökwö jö̧jobö jwiinö ösödö yöba̧luju, jö̧ba̧lö, wanekwachobe.

Gálatas 4:30

Jo̧kwaijayonö, ¿dakwö laebobeda Dios iwenema? ¿Kwomukwataduwiji̧? Baikwö laebobe Dios iwene chömöledö, Agarnöbi, jitji̧nöbi: Midö emawujunöbi, jitji̧nöbi a'dewö lobidönö, midö emawuju jitji̧ma, midö emawökuju jitji̧ emi̧danö abe'do itea emapji, jö̧ba̧lö laebobe.

Deuteronomio 23:2

—Ju'wibi wetaduwakwö, Diosma ökwödönö weinobe, –Jojodötjö ju'wedökwö kwilekwamuduwi batjibanö bakibaduwobö jwiobe, –jö̧ba̧lö, jö̧tö? Ja̧danö, Dios weöködanö bakobe babibö tji̧tji̧kwitjö̧ma, tji̧tji̧ma la'akatjöda Isabenö Jo̧ öba a'o ko̧ko̧kwajadökwö o̧ko̧kokwobö jwiakobe. Jo̧babi, itji̧mu tupadanö jojodöbi la'akatjöda ju'wedö Isabenö Jo̧ öba a'o ko̧ko̧kwadökwö tjo̧ko̧kokwobö jwitjakobe, iteda ö'dö̧dö tjö'nödö tupadanö bajaliyasaso baibenanö.

Jueces 11:1

Galaad niji jojodötjö bakwo̧ jwiinö ölakwabikwawa jawa juluwo̧ ö̧jinobe, Jefte mikwo̧ma. Jefte abe'doma Galaad mikwo̧, jo̧kwaijayonö ojo'doma Galaad ilekwobökuju, jilekwamuböködökwö 'da̧'da̧bakwawö ju̧ju̧.

Jueces 11:3

Jejenö a'dewö lotjiökwe, Jeftema tjö̧jelö döibajinobe, Tob nijibe, jobe ö̧jobö. Ja̧danö, Tob nijinö ö̧jonö, ju'wedö mikwawöködö sulabedöma ö̧jobekwö tjichinobe, ömöayedö batjibanö, ja̧danö Jeftema jobadönö öbibö labebiainobe, ju'wedökwö ölakwabikwawö tjitea idöda tjitea baibanö 'dötjebobö.