Jueces 11:12 - Dios Iwene

¹² Jemi ikenama Jeftema yöbawadönö weinobe, Jefte iminö amonitas jojodötjö la'aka luwo̧nö yötja̧lobö, baikwö: —Tajawedö ötjönö kwödameakwobeda? Ökwökwö ötjökwö wene dujuna̧li̧ma di̧yada, baikwö chitebobe ichö kwölakwabikwawoböma? —jö̧ba̧lö Jefte yöa̧li̧ yötjawökwe,

Jueces 11:12 Iomraidhean Croise

Mateo 8:29

Jobadöma Jesús ichobe edö, labinö jwötjeba̧linobe baikwö: —Ökwö Dios i̧tji̧ma, ¿tajawedö dö̧jobekwö kwichobeda? Lȩebakwa̧ möle ina baibököjayonö, ¿ökwödönö lȩbebö kwichaji̧?— jö̧ba̧lö jwötjeba̧linobe.

Deuteronomio 2:26

Tupakwö yöawinobe Moisesma, israel jojodönö: —Ja̧danö, jojodö deobe dö̧jelö, yöbawadönö wetijatö, Hesbon comunidad la'aka luwo̧ Sijon ö̧jobekwö 'ya̧nö, jo̧bakwö wene jwiinö dö̧jakwa̧ wene yötjawobö, baikwö:

Jueces 11:11

Jo̧kwajabetjö̧ Jeftema Galaad niji luwedökwö ȩwa̧jinobe, ja̧danö jojodöma Jeftenö la'aka tjuluwo̧ baibanö tjujuninobe, ja̧danö ju'wibi ölakwabikwawa jojodötjö la'aka luwo̧ baibanö tjujuninobe Jeftenö. Ja̧danö, jobe Mizpa comunidadtjö, Isabenö Jo̧ öba a'otjö ja̧bö ö̧jakwa̧ jawa yöbawö ujuninobe Jeftema.

Jueces 11:13

amonitas jojodötjö la'aka luwo̧ma Jefte weajawö̧ yöbawadönö atadinobe, —Wene dujuna̧li̧ma baikwö yötawakwö: Damötjö̧ israel jojodö Egipto nijitjö baikwö tjichenama, chitebo niji tjö̧naukwinobetjö̧, wene dujuna̧lobe. Jau, Arnon ojwebi, Jaboc ojwebi ö'weje niji Jordan ojwebe ichibanö nijima, ötjöda chitebo nijiobe, jo̧kwaijayonö damötjö̧ israel jojodö tjö̧naukwinobe. Jo̧kwajabetjö̧ babe tjö̧naukwina niji tjekatitjö̧ma, wene jwiena, dölakwabikwawobö jwiena, —jö̧ba̧lö yöawi̧ Jeftenö yötjawobö weinobe.

Jueces 12:2

Yötja̧lökwe, Jeftema atadinobe, —Ja̧maökö. Amonitas jojodöma jwiinö usula demawinö ja̧tjinobe, ökwödö Galaad niji ju̧kwadönö, ja̧danö ötjöbi chömöledöbi jobadökwö ölakwabikwawö dö̧jijatö. Ja̧danö, ölakwabikwawö ja̧nö, ökwödönö jwötijatö, jobadötjö dö̧jibinö pjakataduwobö, jo̧kwaijayonö pjakatinaduwokobe.