Jueces 10:15 - Dios Iwene

¹⁵ Atadiawö̧, israel jojodöma Isabenö Jo̧nö yötja̧linobe, —Duluwo̧, isabenö sulabenö ja̧dajabe, ja̧danö isabenö ökwödönö lȩkebobö jo̧be, ökwöda lȩkebobö kwomukwati̧danö. Jo̧kwaijayonö, adebakwö, babe döpöjojodötjö dö̧jibinö pjakatobö, —jö̧ba̧lö.

Jueces 10:15 Iomraidhean Croise

2 Samuel 10:12

Yebabökönö ja̧nö, dujuluwachibanö ja̧nö dölakwabikwawo, ditebo jojodönöbi, duluwo̧ Dios itebo israel comunidadteniabi, tjöbeba̧lö dö̧jakobetjö̧. Ja̧danö, Isabenö Jo̧nö ateba, iteda ösödö omukwati̧danö baledobö weakobetjö̧.

2 Samuel 12:13

Jejenö yöawiökwe, Davidma Natannö atadinobe, —Isabenö sulabenö ja̧tajabe, Isabenö Jo̧ Dios öpöjödi̧nö, —jö̧ba̧lö. Atadökwe, Natanma Davidnö yöawinobe, —Ju'wibi yötawakwö David, Isabenö Jo̧ma sulabenö ja̧köbaja̧tjö kwusula söbebö loajabe, ja̧danö ja̧köbina lȩbebö, kwabö loökakobe ökwönö David.

2 Samuel 15:26

Jo̧kwaijayonö, ötjönö öpöjödö, –Davidnö chöpöjödachibajabe, –jö̧ba̧lö pjaatökötjö̧ma, ja̧bi otiwa. Ötjöma Dios ömöayo̧sa, iteda ösödi̧danö ja̧obö otiwobe, —jö̧ba̧lö yöa̧linobe Davidma Sadocnö.

2 Samuel 24:10

Ikenama, jojodönö ba̧ja̧dajo̧, Davidma jwiinö o̧'wo tjo̧ekwinobe omajadenö, —Sabö, jojojonö tjö̧ba̧jadobö wetinökötjö̧bö, sulabenö Dios öpöjödinö ja̧tajabe, —jö̧ba̧lö. Ja̧danö, o̧'wo tjobekwö, Isabenö Jo̧nö aebinobe, —Chuluwo̧ Isabenö Jo̧, isabenö jwiinö sulabenö ja̧tajabe. Sulabenö omukwatö̧kö̧ ja̧nö, kwöpöjödinö sulabenö ja̧tajabe chuluwo̧ Isabenö Jo̧, jo̧kwajabetjö atebakwö, kwöba a'otjö wene chujuna̧li̧ söbebö loköbobö, —jö̧ba̧lö aebinobe.

2 Samuel 24:14

Yöawökwe, Davidma Gadnö atadinobe, —Jwiinö cho̧'wo tjo̧acha, isabenö waiya omudawö chujunobö. Jo̧kwaijayonö, Isabenö Jo̧nö chöwaisa, jo̧bama inesö lȩlöjinö edo̧, jö̧ba̧lö. Jo̧kwajabetjö̧ bö̧jȩ jojodö ötjönö lȩtjebobö omudawö chujunökö, Isabenö Jo̧ Diosda wapötakwa möle baledibanö dö'wöchinö ökwödönö lȩebobö omudawö chujuna, jo̧bama inesö lȩlöjinö edo̧ jö̧ba̧lö chöwaisobetjö̧, —jö̧ba̧lö atadinobe Davidma, Gadnö.

Diosnö ösödo̧ Job mikwo̧ usula emawina jawa 33:27

—Jejenö balediökwe, o̧'wo ösöwanö lo̧ena, ju'wedönö yöbawö lo̧ena, –Sulabenö ja̧bö, isabenö wene laeböködanö sulabenö jatijatö, jadanö sulabenö ja̧tiökwe, ötjönö lȩebo jö̧a̧linobe Diosma. Jo̧kwaijayonö lȩebi̧tjö chemo jö̧ta̧linadanö lȩebinokobe ötjönö, lȩlöjinö edinobe Diosma.

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Isaías 26:16

Duluwo̧ Isabenö Jo̧, ökwödö Juda jojodönö lȩkebiawö̧, usula demawijatö, jadanö usula emawö ökwönö disakwijatö. Jwiinö usula emawö, tjo'omanö sewoba̧löda adebobö ji̧nobe duluwo̧, lȩkebawö̧ ökwönö bajaliyanö disakwenama.

Josué 9:25

Ja̧danö, babema ökwödöma kwömöayedösa, ökwödönö weköbobö. Jau Josue, Baikwö otiwanö weawa jö̧ba̧lö kwomukwati̧danö, ökwödönö weköbobö jo̧be, jo̧kwajabetjö̧ yöka̧laja̧danö kwömöayedö otidadö badibakwedösa, —jö̧ba̧lö tjatadinobe gabaonitas jojodöma Josuenö.

1 Samuel 12:10

Ikenama, da'dödöma Isabenö Jo̧nö budekwö atjebinobe, –Isabenö sulabenö ja̧dajabe, Isabenö Jo̧nö kabatibö, o̧'wo jawa Baal ötjabawö̧nöbi, o̧'wo jawa Astarot ötjabokonöbi sulabenö ösödö dö̧jajabe. Jo̧kwaijayonö, döpöjojodö tjujulutjö dö̧jibanö pjakatobö adeba, isabenö ökwö Isabenö Jo̧nöda ösödö, weköbi̧da ja̧bö dö̧jakobetjö̧, –jö̧ba̧lö atjebinobe.

1 Samuel 3:18

Weökwe, Samuelma okobe jwiinö Dios yöawaja̧ yöawinobe Elinö, ja'yubebi tojö junökönö. Jadanö yöawökwe, Elima atadinobe, —Jau, jo̧bama duluwo̧ Isabenö Jo̧, iteda omukwatö ujuni̧danö ja̧obö jo̧be, —jö̧ba̧lö.

1 Samuel 7:6

Weawö̧, israel jojodöma Mizpa comunidadbe ko̧ko̧kwö tji̧'yinobe. Jobe ko̧ko̧kwajadö, ojwiyo wabö Isabenö Jo̧ öba a'otjö totjebinobe, iyawa baibanö, ja̧danö möle baledibanö tju̧kwa̧ ö̧töchö tjö̧jinobe. Ja̧danö, jobe ja̧nö, jweinö yötjawinobe, —Isabenö Jo̧ öba a'otjö, isabenö sulabenö ja̧bö dö̧jajabe, —jö̧ba̧lö. Ja̧danö, jobe Mizpatjö, Samuelma israel jojodönö jwebaba̧lö yöbawö ö̧jinobe.