Jueces 1:6 - Dios Iwene

⁶ Jejenö tjujuluwiökwe, Bezec comunidad la'aka luwo̧ma tjöba a'otjö döibajinobe, jo̧kwaijayonö jo̧banö lubö do̧tja̧tinobe Judasaso jojodöma. Ja̧danö, jo̧banö do̧batajadö, bitenö dujuluwajabe jö̧ba̧lö, ömamu la'akasö'abi, ömasapa la'akasö'abi bulatö lotjinobe.

Jueces 1:6 Iomraidhean Croise

Éxodo 14:26

Ikenama Isabenö Jo̧ma Moisésnö webijetö: —Yemidanö kwotokwa'o do̧ba̧lö kwömamu kabebö i̧sebi, o̧pesobu wame kwisȩbi̧danö wanekwachö. Kwisȩbemi o̧pesobu ö'wejenö 'da̧bachibö dobulataja baibajemima yemidanö tjebachajö o̧pesobuda baibakobe. Jejenö baibobetjö̧ Egipto jojodöma o̧tja̧wakobe, okobe deinö kolukiyanö a̧jadöbi ka̧ba̧yu̧dönö wa̧jadöbi—

Éxodo 21:24

Ja̧danö, kwakwabo̧ma kwakwajoko jöbajale suli̧ jwöachitjö̧ma jo̧ba öbajale bakwainö suli̧ jwöachinö kwatjobö jo̧be. Ja̧danö, jobuju jo'yema 'deawinö kwaitjö̧ma kwakwabo̧nö o'yebi bakwainö 'deawinö kwatjobö jo̧be. Ja̧danö, jömasapa, jömamu inia tjöbö baleditjö̧ma jo̧ba kwakwabo̧nö bakwainö inia tjöjinö baibanö ja̧tjobö jo̧be.

Éxodo 29:20

'Bitjeba̧lonö obejanö kwabö, ö̧kwö̧la̧ 'wibebö loköbo ökwösobu pa̧la̧ka̧'donö jȩbatö. Ikenama kwötö'a bajalenö ökwösobunö dobeba̧lö Aarón, Aarón i̧tji̧mu̧ tjölakiyusa̧do̧ tjöwaisobekwöchobe 'dukebo, ja̧danö tjötö'a jwaibö'a jukwi̧tenianöbi tjöwaisobekwöchobe. Ja̧danö tjömasapa tjötö'a jwaibö'a ju̧kwitenianöbi 'dukebo. Ji̧bajobuma juwö iyawapjonö sa̧sa̧köbo okobe jwiinö a̧tjȩapjo.

Josué 15:16

Ja̧danö, jobe ju̧kwadönö ölakwabikwawenama, Caleb yöa̧linobe, —Bakwo̧ Quiriat Sefer jojodönö mebibö, ujuluwitjö̧ma, juluwajo̧nö chitjiju Acsa mikwujunö wetocha, ilekwo bajibanö, —jö̧ba̧lö.

Jueces 1:5

Jobe Bezectjö, Bezec la'aka luwo̧nöbi, ömöayedö cananeo jojodönöbi ferezeo jojodönöbi tjöbadekwajinobe, ja̧danö̧ jobadönö ölawabikwawö tjujuluwinobe.

Jueces 1:7

Jejenö ötö'iya bulatö lotjökwe, Bezec la'aka luwo̧ma yöa̧linobe, —Jelobetenia tjuluwedö la'aka luwedö setentabedönö, chujuluwajawö̧ jejenö tjötö'iya bulabinö lotijatö, ja̧danö jejenö chujuluwajawö̧, chu̧kwa mesasötetjö tjoduwaja̧ kwawawa tjukwotö jö̧ba̧lö tjisakwinobe. Ja̧danö, babema ötjö jobadönö usula tjemawinö wetinadanö, Diosma bakwainö usula chemawinö weajabe, —jö̧ba̧lö. Ja̧danö Judasaso jojodöma Bezec la'aka luwo̧nö tje'ewinobe Jerusalenbe, ja̧danö jobetjö ö'wö baibinobe.