Jueces 1:4 - Dios Iwene

⁴ Jejenö Simeonsaso jojodö pjatjatonö, Judasaso jojodöma tjitea niji tjujuluwobö tji̧'yinobe, ja̧danö Isabenö Jo̧ma otiwanö pjaatinobe, cananeo jojodönöbi, ferezeo jojodönöbi tjujuluwobö. Jejenö pjaatawö̧, Bezec comunidadtjö tjöpöjojodönö diez milbedönö tjujuluwinobe.

Jueces 1:4 Iomraidhean Croise

1 Reyes 22:15

Ja̧danö, Micaias la'aka luwo̧ öba a'o ichibenama, la'aka luwo̧ Acabma jo̧banö abebö a̧ja̧kwinobe: —Micaias, Ramot Galaad comunidad mebibö dölakwabikwawobö jo̧beji̧? Dölakwabikwawoböma jwiobeji̧? —jö̧ba̧lö. Abebö a̧ja̧kwökwe, —Jau, mebibaji, Isabenö Joma ökwö la'aka luwo̧nö iyakobe, kwujuluwobö, —jö̧ba̧lö obö atadinobe Micaiasma.

1 Reyes 22:6

Aebökwe, israel la'aka luwo̧ Acabma Dios yöawi̧ yöbawadönö o̧ko̧kodinobe, cuatro cientos jenanö ba̧jȩkwadö yöbawadönö. Ko̧ko̧dajo̧, jobadönö abebö a̧ja̧kwinobe: —Dakwö weobeda Diosma, Ramot Galaadbe ölakwabikwawö chi̧'yobö jo̧beji̧? Ölakwabikwawö chi̧'yobö jwiobeji̧? —jö̧ba̧lö. Abebö a̧ja̧kwawö̧, —Jau, ölakwabikwawö kwi̧'yo, ja̧danö duluwo̧ Diosma ökwö la'aka duluwo̧ kwujuluwobö pjaatakwo̧, —jö̧ba̧lö tjatadinobe.

Deuteronomio 7:2

jo̧kwaijayonö kwuluwo̧duwi Isabenö Jo̧ Diosma ökwödönö iyakobe, jobadönö kwujuluwaduwobö chömöledö, ja̧danö jejenö kwujuluwaduwobö pjaatena, baikwö wetaduwakwö chömöledö: Jwiinö jobadönö söbebö loköbaduwobö ja̧kobe. Jobadökwö dösölö̧jinö ölakwabikwawökönö kwö̧jaduwakwa̧ wenema jobadökwö yöbawö kwujunaduwoko, ja̧danö jobadönö lȩlöjinöma kwedaduwoko, jwaikwöda kwabö loböda jobadönö söbebö loköbaduwo, bakwo̧bi ö̧jibökenanö.

Deuteronomio 9:3

Ja̧danö, yötja̧li̧danö isabenö juluwadö chömöledö, jo̧kwaijayonö bi̧ya̧ wenebi kwöwaisaduwobö jo̧be chömöledö, ojwe pekibaduwenama, kwuluwo̧duwi Isabenö Jo̧ Diosma kwabönöduwi peibakobe. Ja̧danö jo̧bama, ökwöla okobe jwiinö ubola juwö loi̧danö, jo̧ba kwuluwo̧duwi Diosda jobadönö ujuluwakobe, ja̧danö jo̧bada tjujulu 'döebakobe, juluwanö jobadönö kwujuluwaduwobö, ja̧danö juluwajadö, tjitebo niji̧ 'dökebaduwobö. Jau chömöledö, iteda yöbawö ujuninadanö, jejenö kwöpöjojodönö ölakwabikwawö ujuluwakobe kwuluwo̧duwi Isabenö Jo̧ma.

Jueces 1:3

Jejenö atadiawö̧, Juda jojodö tjölakwabikwawöbo tjo̧mukwatinobe, ja̧danö tjömöledö Simeonsaso jojodönö atjebinobe, —Ökwödökwö ichö pjakataduwo, Dios ökwödönö chiyocha jö̧a̧linemi nijibe, cananeo jojodönö ölakwabikwawö ditebo baibanö 'döbebö demobö. Ja̧danö, jejenö pjakataduwitjö̧ma, ökwödöbi ökwödönö pjadatakwedösa, ökwödö kwiteboduwi baibanö Dios chiyocha jö̧a̧linemi nijibi kwiteboduwi baibanö kwemaduwobö, —jö̧ba̧lö. Ja̧danö, jejenö yötja̧lawö̧, Simeonsaso jojodöma Judasaso jojodönö pjabatö tjölakwabikwawobö tji̧'yinobe.

Jueces 1:5

Jobe Bezectjö, Bezec la'aka luwo̧nöbi, ömöayedö cananeo jojodönöbi ferezeo jojodönöbi tjöbadekwajinobe, ja̧danö̧ jobadönö ölawabikwawö tjujuluwinobe.

Jueces 11:32

Ikenama, yöbawö junajo̧, Jeftema israel jojodönö öbibö i̧'yinobe amonitas jojodö tjö̧jobekwö, jobadökwö ölakwabikwawobö. Ja̧danö, Isabenö Jo̧ma isabenö pjaatinobe, amonitas jojodönö ujuluwobö.

Jueces 3:5

Jo̧kwaijayonö, wei̧ tja̧ja̧kwojobö jö̧ba̧lö jejenö weinajayonö, tja̧ja̧kwinokobe israel jojodöma. Jobadökwö ölakwabikwawö a'dewö lobökönö, tjö̧'da̧de tjö̧jinobe israel jojodöma. Jobadökwö tjölakwabikwawo jö̧tja̧lijayonö, israel jojodöma jobadö cananeo jojodöbi, hitita jojodöbi, amorreo jojodöbi, ferezeo jojodöbi, heveo jojodöbi, jebuseo jojodöbi tjö̧'da̧de tjö̧jinobe, jobadönö a'dewö lobökönö.

1 Samuel 11:8

Jejenö Bezecbe ichibajadönö ö̧ba̧jadinobe Saulma, ja̧danö israel jojodötjö ömadöma treciento mil jenanö tjichinobe, ja̧danö israel jojodötjö Judasaso jojodöma treinta mil jenanö ömadö tjichinobe.

1 Samuel 14:10

Jo̧kwaijayonö, –Baikwö nöchaduwi, –jö̧ba̧lö wetjitjö̧ma, jenada döwaisachibakobe, –Isabenö Jo̧ma dujuluwobö pjaatakobe,– jö̧ba̧lö, ja̧danö nöchö jobadönö mebibö dölakwabikwawakobe, —jö̧a̧linobe Jonatanma.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.