Jueces 1:23 - Dios Iwene

²³ Jobadöma ju'wedönö wetjinobe, Betel comunidad ju̧kwadö wajwitjonö, niji edö kwetjachobö. Ja̧ möle, Betel comunidadma, Luz jö̧ba̧lö mikwina comunidad,

Jueces 1:23 Iomraidhean Croise

Génesis 28:19

Jemima Luz, jö̧ba̧lö, öbabijadötö jojodöma. Jo̧kwaijayonö Jacobma imi balekwa midijetö, Betel, jö̧ba̧lö.

Génesis 35:6

Ja̧danö, Jacob, Jacobkwö ȩwa̧ja̧döma okobe deinö ichibijadötö Betel comunidadnö, Canaán nijinö. Ja̧ mölema ja̧ comunidad Luz, jö̧ba̧lö, mikwijetö.

Génesis 48:3

Ja̧danö, kamapjonö ba̧nö yöba̧lijetö Josénö:—Chitji̧, damötjö Jwiinö Juluwo̧ Diosma ötjönö öwawachijatö, Luz mikwena chö̧jena, Canaán nijinö. Ja̧danö, öwawachajo̧ma Pjatatakwo̧sa, jö̧ba̧lö

Josué 16:1

Baikwö laebobe Jose itji̧mu tupadanö jojodönö niji wetjina jawa, Efrainsaso jojodöbi, Manasessaso ja'ö jojodöbi tjitebo baibanö. Jose itji̧mu tupadanö jojodö tjitebo bakwachobema, baikwö jo̧be: Jerico comunidad badeibö, Jordan ojwetjö, Jerico ojwese'dotjö jawo̧ laebobekwö baibanö, ja̧danö jobetjö mösa'iju jȩmi nijibenö, Betel comunidadbe ichibanö.

Josué 16:2

Ja̧danö, Beteltjö bakwachobema tupakwö baledobe, Luz comunidadbe ichibanö, ja̧danö jobetjö arquita jojodö tjitebo comunidad Astarotbe ichibanö.

Josué 18:13

Ja̧danö jobetjö tjitebo bakwachobema a̧likwö dötewobe, Luz comunidad, ju'wi imi Betel comunidad ö'öbö mösa'obe ichibanö. Ja̧danö jobetjö tjitebo bakwachobema a̧li̧kwö dötewobe, Atarot Adar comunidadbe ichibanö. Ja̧ comunidadma, mösa'o la'aka Bet Joron comunidadtjö a̧likwösa'o mösa'onö jo̧be.

Josué 2:1

Jemi ikenama, Josuema du̧ju̧taja ömadönö weinobe, tjabakwemi Sitintjö labebö, canaan niji ju̧kwadö wajwitjonö, niji edö kwetjachobö. Jobadönö webö yöa̧linobe: —Canaan niji edö kwebachaduwi, ja̧danö inesö kwedaduwobö chösödi̧ma, Jerico comunidad, —jö̧ba̧lö weinobe. Weawö̧, edö tji̧'yinobe, ja̧danö Jerico comunidad tebachö, bakwuju jilekwamuböködökwö 'da̧'da̧bakwawö ju̧ju̧ Rajab mikwuju jejube tetjachinobe, jobe tjö̧jobö.

Josué 7:2

Ja̧danö, Jerico comunidad tjujuluwaja̧ ikenama, Josuema ju'wedönö weinobe jobetjö labebö, Hai comunidad edö tji̧'yobö. Hai comunidadma, Bet Aven comunidad yöneawobe, ja̧danö Betel comunidadtjö jawo̧ laebobekwö. Josuema jobadönö weinobe, —Mösa'onö jȩmi comunidad Hai mikwobe niji edö kwi̧'yaduwo, jobe dujuluwobö di̧'yakwa̧ abönö, —jö̧ba̧lö. Weawö̧, Josue weaja̧danö Hai comunidad edö tji̧'yinobe,

Jueces 1:22

Ja̧danö Jose itji̧mu tupadanö jojodö Efrainsaso jojodöbi, Manasessaso jojodöbi Betel comunidad tjujuluwobö tji̧'yinobe, ja̧danö Isabenö Jo̧ma otiwanö jobadönö pjaatinobe.

Jueces 18:2

Ja̧danö, idöda tjitebo niji baibanö Dios 'da̧batö ujuninemi tjujuluwobö waekwobetjö̧, jelobe pjolachö tji̧'yobö tjomukwatinobe Dansaso jojodöma. Jo̧kwajabetjö̧, okobe deinö Dansaso jojodötjö ömadö bakwamubedönö omudawö tjujuninobe, ölakwabikwawa juluwadönö, Zora comunidadtjöbi, Estaol comunidadtjöbi labebö, tupakwö tjö̧jakwemi niji kwebachö tjisakwobö. Jobadö bakwamubedönö webö yötja̧linobe, —Niji̧ ba̧kwemeachibanö kwebachö kwedaduwo, dö̧ja̧kwemi kwöbadekwaduwobö, —jö̧ba̧lö. Wetjawö̧, latjebinobe, ja̧danö Efrainsaso niji mösa'iju jȩmi nijibenö kwetjachenama, Micaias ejube tjichibinobe, ja̧danö jobe tjabekwinobe.