Jueces 1:16 - Dios Iwene

¹⁶ Ja̧danö, quenita jojodö, Moises öjaba Hobab itji̧mu tupadanö jojodöma, jobadöma Judasaso jojodökwö tji̧'yinobe, Juda niji jojodö deobe tjö̧jobö. Jobadöma Jerico, ju'wi imi Öjiya Towi Jȩmi comunidadtjö labebö, juda niji, Neguev ötjabobe tji̧'yinobe, Arad comunidad pjeanö ju̧kwadökwö tjö̧jobö.

Jueces 1:16 Iomraidhean Croise

1 Crónicas 2:15

ikena jojo Ozem mikwo̧, ikena jojo David mikwo̧.

1 Crónicas 2:55

Ju'wibi Jabes comunidadnö wȩyukwawa otidadö sasokwena jojodö tjö̧jinobe, bidö: Tirateos jojodöbi, simeatoeos jojodöbi, sucateos jojodöbi. Jobadöma Recab jojodötjö ajayinö ji̧na Jamat itji̧mu tupadanö jojodö, ja̧danö quenitas jö̧ba̧lö ötjabawö̧.

Éxodo 18:1

Moisés öjaba, Madián jojo Jetro mikwo̧, Diostjö jojodötjö ö'weje pjabato̧ma okobe jwiinö Dios Moisésnö pjaatina yötjawi̧ a̧ja̧kwijetö. Ja̧danö, a̧ja̧kwijetö Isabenö Jo̧ iteda ömöledö Israel jojodönö, Egiptotjö latjebobö pjaatina yötjawi̧ma.

Éxodo 18:12

Ikenama Jetro, Moisés öjabama Diosnö juwö tjiyakwo̧nö ichejebijetö, okobe jwiinö tjujuwakwo̧nöma, Diosnö iyö. Ju'wedönöbi Diosnö iyawedönö juwö iyijadötö Diosnö ösödö. Ja̧danö ichijadötö Aarónma, Israel jojodö okobe deinö la'aka luwedöma Jetrokwö ko̧ko̧kwö tjukwobö, Diosnö juwö iyawemi badeibö.

Éxodo 18:27

Ikenama Moisés öjaba Jetro, tjo̧wi̧ chȩwa̧ja̧, jö̧a̧lökwe, Jao otiwanö da̧ji̧, jö̧ba̧lijetö Moisésma.

Éxodo 18:7

Jejenö yöa̧liökwe ö̧jelö labebö 'yi̧jetö Moisésma öjaba ichobe öbadekwajobö. Jo̧banö 'ya̧wibö u̧yu̧jukijunö bamatö öba bȩbachibijetö nijakwö uunö. Ikenama ibekasa'wonö du̧batijetö. Jemi ikenama yöba̧lakwawijadötö, Otiwanö kwö̧jiji̧, jö̧ba̧lö. Ikenama abekwajobekwö 'ya̧nö tebachijadötö eju okwa, isa̧dotjö debatö tjotidinejuma.

Éxodo 3:1

Ja̧danö, Moisésma Madiánnö ja̧nö o̧bȩja̧dönö te'ada̧liabijetö, öjaba Jetro, jobe jojodötjö Diostjö tjö'da̧denö pjabato̧ a̧jwi̧mu o̧bȩja̧dönö. Ju'wi möle Moisésma o̧bȩja̧dönö öbibö 'yi̧jetö jojodö deobekwö mejebe, ja̧wo̧ meajobekwö. Jobekwö 'ya̧nö mö'ösa'o jena ichibijetö, Horeb mikwa'o, Diosnö ösödö midö junijadötö, Dios ö̧ja'o, jö̧ba̧lö.

Éxodo 4:18

Ikenama Moisésma öjaba Jetro ö̧jobekwö ȩwa̧jö jö̧ba̧lijetö: —Chöjaba, ökwönö ateba: Egiptobe chȩwa̧jo webitjö, chömöledö Israel jojodönö chedobö. Ina 'yatja̧lo̧jo̧bö chöwaisobö jö̧ta̧la— jö̧a̧lökwe: —Jao kwȩwa̧jo, Diosma kwo̧'wo luwo̧nö ösöwachibanö pjaatobö chösöda— jö̧ba̧lijetö Jetroma Moisésnöma.

Mateo 3:1

Jemi tupakwö baikwö baledinobe, Juan Ojwenö Bu̧dato̧ ötjabökwema jojodö deobe kwebachö yöawinobe:

Deuteronomio 34:3

Ja̧danö Neguev ötjabemi nijibi i̧sȩbinobe, ja̧danö ba̧ba̧lawobe Jerico, ju'wi imi Öjiya Towi Jȩmi comunidadtjö Zoar comunidadbe ichibanö wabeko i̧sȩbinobe.

Deuteronomio 34:4

Jejenö i̧sȩbö, Isabenö Jo̧ma Moisesnö yöawinobe: —Bi̧ya ökwönö chi̧sȩbaja̧ nijima, Abrahamnöbi, Isaacnöbi, Jacobnöbi yöbawö chujunina niji, –Kwitji̧muduwi tupadanö jojodönö chiyakwo̧sa, –jö̧ba̧lö. Ja̧danö, ja̧ chiyakwa̧ niji kwöbajaleduwinö kwedobö wetajabe, jo̧kwaijayonö jobe kwichibanö pekiboböma wetökö, —jö̧ba̧lö yöawinobe Moisesnö.

Josué 12:14

Jormá comunidad la'aka luwo̧nöbi, Arad comunidad la'aka luwo̧nöbi,

Josué 18:21

Ja̧danö, benjamin niji comunidad imibiyama, baikwö laebobe, Jerico comunidadbi, Bet Jogla comunidadbi, Emec comunidadbi, Casis comunidadbi,

Jueces 1:15

Aeboko, —Chabe'do, ju'wibi ötjönö kwiyobö atebakwö, ökwödönö niji kwiyajabe Neguev nijitjö, jo̧kwaijayonö ojwiyo kököobe jobema. Jo̧kwajabetjö̧ ju'wibi ojwese'do jȩmi nijibi kwiyobö atebakwö, otiwanö ojwiyo dujuna̧lobö, —jö̧ba̧lö. Jejenö ajebökwe, Calebma ajebaja̧danö iyinobe, jobe u'dakwöchobe ji̧ ojwese'do jȩmi nijibi, a̧li̧kwö ji̧ ojwese'do jȩmi nijibi iyinobe.

Jueces 3:13

Eglonma iteda ömöayedö Moab jojodönöbi, ju'wedö israel jojodö tjöpöjojodö amonita jojodönöbi, amalecita jojodönöbi ko̧ko̧dajo̧, israel jojodönö ujuluwobö i̧'yinobe, ja̧danö israel jojodönö ujuluwinobe. Ja̧danö, juluwajo̧, Jerico, ju'wi imi Öjiya Towi Jȩmi comunidadma, omudawö 'döebinobe, iteda ö̧jemi comunidad baibanö, jobe ja̧nö israel jojodönö weobö.

Jueces 4:11

Ja̧ möle quenita jojo Heberma, ju'wedö ömöledö Moises öjaba Hobab mikwo̧ itji̧mu tupadanö jojodötjö 'da̧bachibö ö̧jinobe. Jobadötjö 'da̧bachibö ja̧nö, eju sabana'wotjö otikweju Cedes comunidad yöneawino ujuninobe, Zanayinnö jo̧wi encina towi pjeanö.

Jueces 4:17

Ja̧danö, jejenö Sisara ömöayedönö lubö kwabawö lotjonö, Sisarama jo̧dawa'ye ö'öakwawinobe, quenita jojo Heber ilekwo Jael mikwuju jejube ichibenanö kabatö. Jael jilekwe Heberma la'aka luwo̧ Jabin ömöledöso̧danö ö̧jinobe, jo̧kwajabetjö̧ jobekwö döibajinobe Sisarama, jobe wene jwiinö ö̧jibobö.

1 Samuel 15:6

Jobe amalecita jojodö tjö̧'da̧de ju'wedöbi tjö̧jinobe, ceneo jojodöma. Jobadöma damötjö israel jojodönö sulabenö ja̧binöködö, jo̧kwajabetjö̧ amalecita jojodönö metjibakwa̧ abönö, Saulma jobadö ceneo jojodönö yöawinobe baikwö: —Juluwanö amalecita jojodö tjö̧'da̧detjö döbibajaduwi, jobadönö kwabö lobö, ökwödönöbi kwabö lodapji jö̧ba̧lö. Isabenö ökwödöma da'dödönö dösölö̧jinö pjakatinaduwobe, egipto nijitjö baikwö tjichenama, jo̧kwajabetjö ökwödönö kwabö lodoböma chomukwatökö, sule amalecita jojodönöda, —jö̧ba̧lö. Yöawawö̧, ceneo jojodöma amalecita jojodö tjö̧'da̧detjö labebö dötjibajinobe.

1 Samuel 27:10

Ja̧danö, ȩwa̧jiökwe, —Detjö kwabawö emö kwȩwa̧jada, — jö̧ba̧lö Aquis abebö a̧ja̧kwenama, omöna yöba̧lö atadiainobe. Ju'wikwenama, —Juda niji̧ a̧likwöobetjö israel jojodönö kwabawö chȩwa̧jabe, —jö̧ba̧lö, ju'wikwenama, —Jerameel nijitjö kwabawö chȩwa̧jabe, —jö̧ba̧lö, ja̧danö ju'wikwenama, —Ceneo jojodönö kwabawö chȩwa̧jabe, —jö̧ba̧lö omöna yöba̧liainobe Davidma.

1 Samuel 30:29

Racal comunidad jojodönöbi, Jeramel jojodö comunidadkwena jojodönöbi, ceneo jojodö comunidadkwena jojodönöbi,