Jueces 1:1 - Dios Iwene

¹ Josue ö'wö baibaja̧ ikenama, israel jojodöma Isabenö Jo̧nö abebö tja̧ja̧kwinobe, —Duluwo̧, ökwödö israel jojodötjö diso jojodö abönö cananeo jojodönö dölakwabikwawobö jo̧beda? —jö̧ba̧lö.

Jueces 1:1 Iomraidhean Croise

1 Reyes 22:5

Jemi ikenama, tupakwö yöa̧linobe Josafatma Acabnö, —Jobe di̧'yakwa̧ abönö, ökwönö ateba, abönö Isabenö Jo̧ yöawakwa̧ abebö da̧ja̧kwo, weojobö, weokojobö, —jö̧ba̧lö.

Éxodo 18:15

Jejenö yöa̧lökwe: —Chöjaba, jojodöma, Dios wei̧ma tajida, jö̧ba̧lö, kabatökönö ötjönö abebö tjichobetjö̧ ba̧nö yötawobe.

Éxodo 28:30

Ja̧danö, Aarón omukosado̧ tu̧da'wonö inawiya döwölataja kwano. Ja̧ öwiya ikwö alewena Aarónma öwaisakobe ötjö weti̧, jojodö ja̧tjobö weti̧ma. Jejenö, Aarónma ötjö chö̧jȩko̧nö teachena ja̧ inawiya iteda omajade wame ba̧kwȩlö̧jatebö a̧jakobe— yöbawijetö Isabenö Jo̧ma Moisésnö.

Jueces 1:27

Manasessaso jojodöma tjitebo niji ju̧kwadönö a'dewö lotjo jö̧tja̧linobe, jo̧kwaijayonö Betsean comunidad ju̧kwadönöbi, Tanaac comunidad ju̧kwadönöbi, Dor comunidad ju̧kwadönöbi, Ibleam comunidad ju̧kwadönöbi, Meguido comunidad ju̧kwadönöbi a'dewö lotjinokobe. Ja̧ comunidadbiya ju̧kwadönöbi, ö'öbö ji̧ pjei̧ comunidad ju̧kwadönöbi a'dewö lotjinokobe, jo̧kwajabetjö̧ a'dewö lotjo jö̧tja̧lijayonö, cananeos jojodöma ina jobe tjö̧jinobe.

Jueces 2:21

Jo̧kwajabetjö̧, ina canaan nijinö ju̧kwadö, Josue ina 'yaa̧layi a'dewö loinököwö̧ma, a'dewö lotökakwo̧sa. Israel jojodö sulabenö a̧ja̧kwökönö tjö̧jobetjö̧, tjöba a'otjö a'dewö lotökakwo̧sa.

Jueces 2:8

Isabenö Jo̧ ömöayo̧ Josuema, ciento diez o̧biya juna̧lo̧, ö'wö baibinobe.

Jueces 2:9

Ja̧danö, ö'wö babibajo̧nö iteda itebo nijinö tjo̧tji̧nobe, Efrain niji mösa'iju jȩmi, Gaas mösa'otjö u'dakwöchobe comununidad Timnat Jeresnö.

Jueces 20:18

Ja̧danö, tjölakwabikwawakwa̧ abönö, ju'wedö israel jojodöma Betel comunidadbe tji̧'yinobe, Dios oba a'o ichibö, abebö tja̧ja̧kwobö. Ja̧danö, Diosnö abebö tja̧ja̧kwinobe, —Ökwödö israel jojodötjö, diso jojodö abönö Benjamin jojodökwö tjölakabikwawobö jo̧beda? Diso jojodö abönö tjölakwabikwawobö weköbobeda? —jö̧ba̧lö. Atjebökwe, Isabenö Jo̧ma atadinobe, —Judasaso jojodöda abönö ölakwabikwawö tji̧'yobö jo̧be, —jö̧ba̧lö.

Jueces 20:27

Ja̧ möle Isabenö Jo̧ iteapjo, israel jojodönö wei̧ wȩyukwaba inawiya a̧ja̧pjoma Betel comunidadnö ji̧nobe, ja̧danö Diostjö jojodötjö tjö̧'da̧de pjabato̧ Fines mikwo̧ma japjo öba a'o, tjö̧'da̧de pjabatö ö̧jinobe. Jo̧ba Finesma Eleazar mikwo̧ itji̧, ja̧danö Eleazarma Aaron itji̧. Ja̧danö, Fines japjo öba a'o tjö̧'da̧de pjabatö otidobetjö̧, israel jojodöma jobetjöda Isabenö Jo̧nö abebö tja̧ja̧kwinobe, —Duluwo̧ Isabenö Jo̧, ina bakwötanö dömöledö Benjaminsaso jojodökwö dölakwabikwawobö weköbobeji̧? Tjo̧wita jö̧ba̧lö ölakwabikwawö kadatibobö weköbobeji̧? Weköbobö adebaduwakwö, —jö̧ba̧lö. Abebö tja̧ja̧kwökwe, —Yemidanö jobadönö kwölakwabikwawaduwobö 'ya̧duwi, isabenö itekwayi möle jobadönö kwujuluwaduwobö chiyakobetjö̧, —jö̧ba̧lö atadinobe Isabenö Jo̧ma.

1 Samuel 10:22

Jo̧kwajabetjö̧ yemidanö Isabenö Jo̧nö abebö tja̧ja̧kwinobe, —Jo̧ba Saulja, ina bai deiji̧? —jö̧ba̧lö abebö tja̧ja̧kwökwe, Isabenö Jo̧ma yöawinobe, —Saulma jojodö tjitea tjutuda'wiju 'da̧de uju̧kwawajabe, —jö̧ba̧lö.