Juan 9:39 - Dios Iwene

³⁹ Ikenama Jesúsma yöawinobe: —Ötjöma jojodö sulabenö ja̧bö tjö̧ji̧ chi̧sebobö chichijatö. Ja̧danö, wanedö yötawa: Diosnö wajwibadöma tjöbajale tjewawawö̧danöbedö. Jobadönö pjatatobö chichijatö, otiwanö tjedobö. Jejenö yötawena, Diosnö otiwanö tjöwaisachibobö, jö̧ba̧lö, yötawobe. Ja̧danö, ju'wedöma, Ökwödöma Diosnö waisadösa, jö̧ba̧lö, omukwatadö tjöbajale otiwadödanö tjichejekwijayonö tjewawawö̧danöbedö. Wajwibadö. Ja̧danö, jobadö wajwitji̧ chi̧sebobö chichijatö, Bidöma wajwibadö, isabenö tjöbajale tjewawawö̧danöbedö, jö̧ba̧lö— yöawinobe Jesúsma öbajale otiwanö baibinökwenö.

Juan 9:39 Iomraidhean Croise

Isaías 29:10

Jau chömöledö, jobekwö kwö̧jaduwi̧ma, baikwö labebö lobö yötawaduwakwö: Isabenö Jo̧ma ökwödötjö iteda yöawi̧ yöbawadö tjöbajale yi̧tjatobö weajabe, jadanö tupakwö baledakwa̧ edadö tjuu umuchebajabe, ja̧danö jobekwö weobetjö̧, jwiinö bö̧ti̧ lö̧jinö kwö̧jaduwobö weajabe.

Isaías 44:18

Jobekwö ja̧badöma wajwibadö, ja̧danö okwa jawa waisachiböködö chömöledö. Jau, tjöbajalebiya tjewawadö ja̧nö, edöködö, ja̧danö tjomukwati̧ma, okwa jawa omukwatö waisachiböködö.

Isaías 6:9

Chatadiökwe, —Jau, 'ya̧wi. Israel jojodönö yöbawaji baikwö: –Tupakwönönö yötawi̧ kwa̧ja̧kwaduwakwedöja, jo̧kwaijayonö yötawaja̧ okwa jawama, wajwiköbaduwakwedöja. Ja̧danö chi̧sȩbi̧ jawa kwedaduwakwedöja, jo̧kwaijayonö chi̧sȩbi̧ okwa jawa edöma kwöwaisachibaduwökakwedöja, –jö̧ba̧lö yökawodönö.

Mateo 11:5

tjöbajale tjewawinadöma babema edadö, ja̧danö kwebachinöködöma babema kwebachadö, ja̧danö tji̧sȩdo̧ sulinadöma, babema tji̧sȩdo̧ otiwadö, ja̧danö a̧ja̧kwinöködöma babema a̧ja̧kwadö, ja̧danö ö'wö babibajadöma yemidanö 'yabibajadö, ja̧danö usula jojodöma otiwa jawa wene yöawakwawa a̧ja̧kwadö jö̧ba̧lö Juannö yökawaduwo, ja̧ baledi̧ a̧ja̧kwö ötjönö öwaisakobetjö̧.

Mateo 6:23

jo̧kwaijayonö, kwöbajaleduwi sulitjö̧ma, okobe jwiinö kwiteba'oduwima yȩa'wo okwa jo̧bedanö ichejekwa, ¿jö̧tö? Ja̧danö chömöledö, Aaa, otiwanö edadösa jö̧ba̧lö kwomukwataduwijayonö sulabenö kwedaduwitjö̧ma, yȩa'wo okwa kwö̧jaduwi̧ma isabenö jwiinö yȩobe— jö̧ba̧lö yöawinobe.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Lucas 13:30

Ja̧danö, biya̧ wene kwomukwataduwo chömöledö: Ju'wedönöma babe mikwawöködö jö̧tja̧lijayonö, ja̧ möle ju'wedötjö bajalekwönönö mikwawadö tjö̧jakobe, ja̧danö babe ju'wedönöma bidöma ju'wedötjö bajalekwönönö mikwawadö jö̧tja̧lijayonö, ja̧ möle mikwawöködö tjö̧jakobe— jö̧ba̧lö yöawinobe Jesúsma.

Lucas 2:34

Jemi ikenama Simeonma Diosnö aebinobe, jobadönö pjaatobö, ja̧danö tjemu ojo'do Maríanö yöawinobe baikwö: —Bite tjemuma Dios 'da̧batö ujuninökwe, Israel jojodötjö ba̧jekwadö jo̧banö öpöjödö mebö metjakobetjö̧, ja̧danö ju'wedö jo̧banö ösödö tjo̧'wo̧ ösöwachibakobetjö̧. Jojodönö i̧sebotö jö̧ba̧lö Dios weinökwe bitema, jo̧kwaijayonö ba̧jekwadö jo̧banö tjöpöjödakobe.

Lucas 4:18

Duluwo̧ O̧'wo̧ Luwo̧ma ötjökwö jo̧, jo̧bada ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, ka̧lena ba̧jadönö ka̧lenatjö tjö̧jibakwa̧ wene yötawobö, ja̧danö tjöbajale tjewawadönö edadö batjibakwa̧ wene yötawobö, ja̧danö tjujuluwajawönö tjuluwedötjö tjö̧jibakwa̧ wene yötawobö.

Lucas 7:21

Juan öba̧ja̧di̧ waisachadö Jesúskwö tjö̧jonö, Jesúsma ba̧jekwadö jojodönö otidö loinobe, ö'wöchadönöbi, tjo̧'wo̧ luwo̧nö sulabedönö juna̧ladönöbi, ja̧danö ba̧jekwadö tjöbajale tjewawadönö yemidanö edadö batjibanö otidö loinobe.

Juan 12:31

Ida̧ökö Dios yöawi̧ möle badekwacha, jojodönö edö, otiwanö tjö̧jinojobö, sulabenö tjö̧jinojobö yöawi̧ mölema. Ja̧danö, Diosma, ujulu i̧sebö, böjȩnö ju̧kwadönö tjuluwo̧nö söbebö loi̧ möle badekwacha— yöawinobe Jesúsma—.

Juan 12:46

Ina yöawinobe: —Ötjöma dewinö jo̧sa. Dewinö chidejatobö chichijatö böjȩkwö. Ja̧danö, yȩa'wo okwa kwebachadöma ötjönö tjösöditjö̧ma yȩa'wo okwatjö labebö dewobekwö ichadö, dewinö chidejatobekwöda— yöawinobe—.

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

Juan 3:19

Diosma jojodönö lȩbebo̧, weinökwenö öpöjödadönö, jo̧ba yöawi̧ a̧ja̧kwö öpöjödadönöma. Ja̧danö, iteda itji̧, dewinö jo̧nö webijetö böjȩkwö, dewinö dejatö öibobö jojodönö, tjo̧'wo̧ luwo̧ okwanö, itenöda tjöwaisachibobö. Jejenö weinökwema otiwanö dewinö dejatö öibijayonö jojodötjö ju'wedöma jo̧banö tjöpöjödinobe. Jobadöma sulabenö ja̧bö tjuju̧kwobetjö̧ yȩa'wo okwa tjö̧ji̧da ösödinadö, sulabenö ja̧tji̧ öwawökönö tjö̧jobö. Ja̧danö, yȩa'wo okwa ja̧nö, Dios weinökwenö tjöpöjödobetjö̧ Diosma jobadönö lȩbebo̧.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Juan 8:15

Ökwödöma jojodö ja̧tji̧ edö, otiwanö ja̧tjojobö, sulabenö ja̧tjojobö kwomukwataduwi̧da yökawaduwobe, jobadönö lȩebakwawama. Jweinöma yökawaduwokobe, ökwödöda kwomukwataduwi̧da yökawaduwobetjö̧. Ötjöma jojodö ja̧tji̧ma, otiwojobö, sulojobö yötawobö chichinokobe.

Juan 9:25

Jejenö yöawobö wetjinajayonö: —Ötjöma wajwita jo̧ba Jesúsnöma. Sulabenö omukwatö jo̧, sulabenö omukwatö jö̧kö̧, jö̧ba̧lö, wajwita. Bakwöta jawada chöwaisa. Chöbajale tjewawinajayonö babema otiwanö baibanö edo̧sa—jö̧a̧linobe jo̧bama.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

2 Corintios 2:16

Ja̧danö, Dios lȩebakwawö̧ 'dö̧tjatemima, woinö omewi̧danö 'dö̧ekwi̧, ja̧danö yödawi̧ tjöpöjödobe. Jo̧kwaijayonö tjö̧jibakwedönöma wainö 'dö̧ekwi̧nö jo̧be, ja̧kwawa söinö omewi̧danö 'dö̧ekwi̧, ja̧danö yödawi̧ tjösödobe. Ja̧ otikwama waiya chömöledö, ¿dakwö otiwanö dotidoböjö?

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

2 Tesalonicenses 2:10

Ja̧danö, okobe jwiinö sulabenö omöna yöa̧lakwawama omöna yöa̧lakwo̧, Dios lȩebakwawö̧ jo̧banö tjösödakobetjö̧. Jau chömöledö, jobadö Dios lȩebakwawö̧ma isabenö wene tjösödinatjö̧ma tjö̧jibo jö̧tja̧linena, jo̧kwaijayonö tjöpöjödinobetjö̧ Dios lȩebakwawö̧ tjö̧jobe.

1 Pedro 2:9

Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.

1 Juan 2:11

Jo̧kwaijayonö öjawo̧nö jwiinö öpöjödo̧ma yȩa'wo okwada kwebacho̧, suli̧ wanekwacha'wonö. Ja̧danö, ja'wonö kwebachö, sulabenö omukwatakwawada waiso̧ yȩa'wo okwada ö̧jobetjö̧, otiwanö omukwatökönö. Jo̧bama öbajale tjewawo̧danö jo̧, Dioskwö, otiwanö omukwatö, dewa'wonö kwebachö 'ya̧kwawama wajwibö. Chö̧ja̧wo̧dö, jo̧ba yȩa'wo okwa kwebachö i̧'yi̧danö kwi̧'yaduwoko. Okwödöma dewa'wo okwada kwi̧'yaduwobö jo̧be, Dioskwö dötewinö, kwö̧ja̧wo̧döduwikwö ösödabikwawö ja̧nö.