Juan 9:38 - Dios Iwene

³⁸ —Chuluwo̧, ökwöda. Chösödakwö— jö̧a̧linobe, Ökwöma jwiinö otiwo̧ja, jö̧ba̧lö.

Juan 9:38 Iomraidhean Croise

Mateo 14:33

ja̧danö jejenö balediawö̧, Jesús öba̧ja̧di̧ waisachadöma Jesúsnö ösödö yötja̧linobe: —Isabenö ökwöma Dios itji̧köba— jö̧ba̧lö yötja̧linobe.

Mateo 28:17

Jobe ichibajadö Jesúsnö edö tjösödinobe, jo̧kwaijayonö jobadötjö ju'wedöma, Isabenö Jesúsdaökena, jö̧ba̧lö tjomukwatinobe.

Mateo 28:9

Ikenama, tji̧'yemi ja'ötjö, Jesúsma juluwanö jobadönö öbadekwajinobe, ja̧danö jobadönö: —¿Dokwa?— jö̧ba̧lö abebö a̧ja̧kwinobe. Yöa̧liawö̧, Jesús ö̧jobekwö ichö bamatö Jesús ömasapiya wo̧batö Jesúsnö tjösödinobe.

Mateo 8:2

Ja̧danö, bakwo̧ i̧sȩdo̧ sulabo̧ma ichö, Jesús öba a'o bȩbachibö aebinobe: —Chuluwo̧, kwösöditjö̧ma, chi̧sȩdo̧ suli̧ waekwi̧ otiwanö baibobö pjakatena— jö̧ba̧lö.

Lucas 24:52

Jemi ikenama jwiinö tjo̧'wo̧ ösöwachibanö Jerusalénbe tjȩwa̧jinobe,

Juan 20:28

Jejenö jö̧a̧liökwe: —Ökwöma ötjö chuluwo̧ja. Isabenö ötjö cho̧'wo̧ chöwana̧lökwe Diosja— jö̧a̧linobe Tomásma.

Juan 9:39

Ikenama Jesúsma yöawinobe: —Ötjöma jojodö sulabenö ja̧bö tjö̧ji̧ chi̧sebobö chichijatö. Ja̧danö, wanedö yötawa: Diosnö wajwibadöma tjöbajale tjewawawö̧danöbedö. Jobadönö pjatatobö chichijatö, otiwanö tjedobö. Jejenö yötawena, Diosnö otiwanö tjöwaisachibobö, jö̧ba̧lö, yötawobe. Ja̧danö, ju'wedöma, Ökwödöma Diosnö waisadösa, jö̧ba̧lö, omukwatadö tjöbajale otiwadödanö tjichejekwijayonö tjewawawö̧danöbedö. Wajwibadö. Ja̧danö, jobadö wajwitji̧ chi̧sebobö chichijatö, Bidöma wajwibadö, isabenö tjöbajale tjewawawö̧danöbedö, jö̧ba̧lö— yöawinobe Jesúsma öbajale otiwanö baibinökwenö.