Juan 9:25 - Dios Iwene

²⁵ Jejenö yöawobö wetjinajayonö: —Ötjöma wajwita jo̧ba Jesúsnöma. Sulabenö omukwatö jo̧, sulabenö omukwatö jö̧kö̧, jö̧ba̧lö, wajwita. Bakwöta jawada chöwaisa. Chöbajale tjewawinajayonö babema otiwanö baibanö edo̧sa—jö̧a̧linobe jo̧bama.

Juan 9:25 Iomraidhean Croise

Juan 5:11

jo̧bama atadinobe jobadönöma: —Ötjönö otiwanö batibobö otidö lobajo̧ma weatö, Wa̧kwawapjokwö 'ya̧wi, jö̧ba̧lö— atadinobe judío jojodönöma.

Juan 9:24

Jejenö yötjawiawö̧ yemidanö, öbajale otiwanö baibinökwenö ichobö jwötjinobe. Ichajo̧nö wetjinobe: —Dios öba a'otjö ja̧nö isabenö yökawo, omöna yöba̧lökönö— wetjinobe fariseo jojodöma öbajale otiwanö baibinökwenö—. Ökwödöma döwaisa jo̧ba Jesúsma sulabenö omukwatö jo̧—jö̧tja̧linobe.

Juan 9:26

Jejenö jö̧a̧liawö̧: —¿Dakwö otidö loinada Jesúsma ökwönöma, otiwanö kwedoböma?— abebö tja̧ja̧kwiökwe:

Juan 9:30

—¿Isaji̧? ¿Wajwiköbaduwiji̧? Jo̧bama chöbajale otiwanö baibanö otidö loinajayonö ökwödöma wajwiköbaduwa jo̧ba ichinabi— jö̧a̧linobe—.

1 Juan 5:10

Ja̧danö chö̧ja̧wo̧dö, Jesúsnö ösödo̧, Jesúsma Dios Itji̧, jojodö tjö̧jibinö pjaatobö weinökwe, jö̧ba̧lo̧ma öwaisobe o̧'wo̧ luwo̧nö, Diosma jweinö yöawinobe Itji̧nöma, jö̧ba̧lö. Jo̧kwaijayonö Dios yöawi̧ öpöjödo̧ma, Diosma omöna yöbawo̧, jö̧ba̧lö, yöa̧lobe, Dios iteda Itji̧nö yöawina öpöjödobetjö̧.