Juan 9:22 - Dios Iwene

²² Ja̧danö, jo̧ba abe'do ojo'do jejenö tjatadinobe judío la'aka luwedönö yetjabobetjö̧, Ökwödönö labebö lotjena ba̧nö da̧ja̧kwejutjö, yemidanö tedachobö webökönö, jö̧ba̧lö. Jobadö la'aka luwedöma ajayinö bakwainö tjomukwatinobe, Jesúsnö ösödadönö ba̧nö da̧ja̧kwejutjö labebö lodakwedö, jö̧ba̧lö.

Juan 9:22 Iomraidhean Croise

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

Isaías 51:12

Adebökwe, baikwö atadö yöba̧lo̧ Isabenö Jo̧ma: Chömöledö, kwo̧'wo tjo̧bekwö kwö̧jaduwelö, ötjödasa kwo̧'woduwi ösöwachibanö pjabato̧ma. Ja̧danö ötjöda ökwödönö pjatatobetjö̧, tajawedö bö̧jȩ jojodönö yekabiduwobö? Jobadöma meje'ye, juluwanö kököbachibö, debi baiba'yedanö ichejekwadö, juluwanö debö 'ya̧dö bö̧jȩ jojodöma, tajawedö jobadönö yekabiduwobeda?

Isaías 51:7

Ökwödö weti̧ a̧ja̧kwö ju̧kwadöma, kwomajadeduwinö, —Dios wei̧ma inesö mikwawi̧ a̧ja̧kwö dö̧jobö, —jö̧ba̧lö ösödadöma, ökwödönö yöta̧li̧ kwa̧ja̧kwaduwo: Jojodö ökwödönö obö, sulabenö yötja̧li̧jayonö, jobadönö yekabiduwoko, ja̧danö sulabenö yötja̧li̧ a̧ja̧kwö, kwo̧'woduwi tjo̧kekwaduwoko.

Isaías 57:11

Chömöledö israel jojodö, tinö yekabinaduwada? O̧'wo jawa jwiinö yekabiduwobetjö ötjönö omöna yöka̧laduwaji̧? Tajawedö ötjönö kwo̧'woduwi jwikibaduwaja̧da, ja̧danö, —Dios ösödi̧ma di̧yajö, —jö̧ba̧lö tajawedö omukwatökönö kwö̧jaduwobeda? Lekwe möle ötjöma wi̧inö ja̧nö, ökwödönö lȩbebökönö chiteada̧lobetjö̧, ötjönö yebaböködö bakibaduwaji̧?

Lucas 6:22

Ja̧danö, ötjönö jojo baibanö jeminökwenö kwösödaduwiawö̧ jojodö ökwödönö tjöpöjödena, ja̧danö ökwödönö 'da̧batö lotjena, ja̧danö ökwödönö otjena, ja̧danö sulabenö yötja̧lena. Jejenö baleditjö̧ma, isabenö kwo̧'wo̧ ösöwanö kwö̧jaduwakwedöja chömöledö, Diosma isabenö otiwanö ökwödönö iyakobetjö̧.

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 16:2

Jau, inia tjököbaduwinö baledakobe ökwödönöma. Kwömöledöduwi judío jojodöma jobadökwö ba̧nö kwa̧ja̧kwa̧laduweju tekachaduwoböma wetjökakobe, ötjönö ösödö kwö̧jaduwobetjö̧. Yelösöda ja̧ mölema jojodöma ökwödönö kwabö lotjakobe, Diosma jejenö kwabö lodobö ösöda, jö̧ba̧lö, tjomukwatobetjö̧.

Juan 19:38

Ikenama Jesús öba̧ja̧di̧ waisachadötjö bakwo̧, José mikwo̧, Aramea comunidad jojo, i̧'yinobe Pilato ö̧jobekwö. Jo̧bama Jesús öba̧ja̧di̧ waisacho̧ijayonö judío jojodönö yeabobetjö̧ yöawinokobe, Jesúsnö chösöda, jö̧ba̧lö. Ja̧danö, Pilatonö abebö i̧'yinobe, Jesúsnö meatö e'ewobö, i̧lȩdo̧nö ödobö. Ichibö, Pilatonö aebökwe ösödinobe, Jau kwe'ewonö, jö̧ba̧lö. Jo̧kwaobetjö̧, Joséma Jesús ö'wö baibajobekwö 'ya̧nö, Jesúsnö meatö e'ewinobe.

Juan 20:19

Ikenama ja̧ möle, abönö möle ötjabi̧ möle yi̧bena, Jesús öba̧ja̧di̧ waisachadöma o̧do okwa tjö̧bajinobe. Jeju apjudebiya pje'datakwawibö tjö̧bajinobe, judío jojodönö yebabinö ja̧nö, tjöwaisapji jö̧ba̧lö. Ja̧danö, Jesús omönanö öwawachinobe o̧do okwa. Jobadökwö ja̧nö jö̧a̧linobe: —Kwo̧'wo̧duwi ösöwanö ja̧duwi— jö̧a̧linobe.

Juan 7:13

Jejenö yötja̧lakwawijayonö, sewobakwawöda, idödada yötja̧lakwawinobe, judío jojodötjö la'aka luwedö tja̧ja̧kwapji jö̧ba̧lö. La'aka luwedönö yetjabinobe.

Juan 9:18

Ja̧danö, fariseo jojodöma tjomukwatinobe, Bitema omöna yöawena, la'akatjöda öbajale tjewawinökökweena. Jo̧kwaobetjö̧, jo̧ba abe'donöbi ojo'donöbi tjichobö jwötjinobe. Ichajadönö abebö tja̧ja̧kwinobe:

Juan 9:21

Jo̧kwaijayonö wajwida ¿dakwö otiwanö baibanö baledinada? Wajwida jo̧ba otidö lobinanöma—tjatadinobe—. Ditji̧nöda abebö a̧ja̧kwaduwi. Jo̧bama pöe, jo̧bada yöawena— tjatadinobe.

Juan 9:34

Jejenö jö̧a̧lawö̧, tjöpöjödinobe: —Ökwöma ökwödö, waisadönö ¿kwöba̧ja̧diji̧? Ökwöma sulabo̧ja. Kwojo'do jeminena baikwö sulabo̧ja. ¿Dakwö kwöba̧ja̧dobö ökwödönöma?— jö̧tja̧linobe. Ja̧danö, jejenö jö̧ba̧lö labebö lotjinobe jo̧banö, judío jojodö ba̧nö tja̧ja̧kwejutjö.

Juan 9:35

Ja̧danö, Jesúsma, öbajale otiwanö baibinökwenö labebö lotji̧ yötjawi̧ a̧ja̧kwö, jo̧banö yöawobö isakwinobe. Badekwajo̧ yöawinobe: —Ökwöma, ¿jojo baibanö jeminökwenö kwösödiji̧, Dios weinökwe, jö̧ba̧lö?— abebö a̧ja̧kwökwe:

Hechos 4:18

Jemi ikenama jwöbijadötö Pedronö Juannö yemidanö tjichejebobö. Tjichejebajawö̧nö lȩbebijadötö la'akatjöda yökawaduwoko, jö̧ba̧lö, Jesús jawama.

Hechos 5:13

Ja̧danö, ju'wedö, Jesúsnö öpöjödadöma otiwanö ösödö omukwatijadötö Jesúsnö ösödadönöma. Jo̧kwaijayonö, ko̧ko̧kwö tjö̧jobekwö 'yi̧jöködötö, yebabinö.

Hechos 5:40

Jejenö jö̧a̧liawö̧ la'aka luwedöma Gamaliel yöawaja̧danö ja̧bijadötö. Jesús webawedönöma yemidanö tetjachobö jwöbijadötö. Tebachajadönö kwakwaböda kwakwabijadötö 'diasonö. Kwakwabajadö webijadötö jobetjö latjebobö, La'akatjöda Jesús ö̧jina yökawaduwoko, jö̧ba̧lö.

Apocalipsis 21:8

Jo̧kwaijayonö jejenömaökö ju'wedönöma. Yebabinö, ¡Ayö! Diosnö chösöditjö̧ma inia tjötinö baledena, jö̧ba̧lö, yebabo̧danö yebabinadönöma otiwi̧ma chiyökakwo̧sa. Ja̧danö, Diosnö kabatibinadönöbi, ja̧danö, sulabedökwö pjabacha̧linadönöbi otiwa jawama chiyökakwo̧sa. Jobadönö ökwöla nöola okwa lotakwo̧sa. Ja̧danö, tji̧lȩkwa̧muböködökwö sulabenö ja̧binadönöbi, ja̧danö, jojodönö kwabö lobinadönöbi, ja̧danö, mea bobinadönöbi, ja̧danö, ju'wedö tjo̧'wo̧ tjöwana̧lobö tjotidinökwenö tjo̧'wo̧ wana̧linadönöbi, ja̧danö, bakwelajatebö omöna yöba̧linadönöbi, jobadönöma ökwöla nöola okwa lotakwo̧sa. Jobema jwiinö tubinö ubobe, azufre mikwi̧ tubi̧ma. Joola okwa lotji̧ma, 'dö̧ibaji̧ woawa mikwemi, jö̧ba̧lö weijatö Diosma ötjönöma, chiwȩyudobö.