Juan 8:59 - Dios Iwene

⁵⁹ Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Juan 8:59 Iomraidhean Croise

Génesis 19:11

Ikenama ángelesdöma o̧pekwöchobe ju̧kwadönöma möayedönöbi, damönöbi tjöbajale tjewawachibanö ja̧bijadötö, apjudebi tjedökönö.

Mateo 12:14

Jemi ikenama fariseo jojodöma jobetjö labebö, omukwatö yötja̧lakwawinobe, Jesúsnö dakwö söbebö lotjobö, jö̧ba̧lö.

Lucas 24:31

Jejenö Diosnö abebajo̧ pan 'delawö iyiawö̧, tjöbajale 'boebobedanö ichejekwinobe, ja̧danö bajalianö jo̧banö tjöwaisachibinobe, Bitema Jesúsda, jö̧ba̧lö. Ja̧danö, jo̧banö tjöwaisachibenama tjö'da̧detjö omönanö deinobe Jesúsma tupakwö jo̧banö tjedökönö.

Juan 11:54

Jo̧kwaobetjö̧ Jesúsma judío jojodö tjuju̧kwobema i̧'yinokobe. Jelö Betaniatjö ja̧nöma Efraím comunidadbe i̧'yinobe, jojodö deemi yöneawinö. Jobe ö̧jinobe iteda öba̧ja̧di̧ waisachadökwö.

Juan 11:8

Jejenö jö̧a̧lawö̧ jobadöma jö̧tja̧linobe: —Ba̧ja̧dakwawa jojo. Belö jobetjö judío jojodöma inawiyanö ikwawö ökwönö kwabö lotjo jö̧tja̧lijatö. ¿Tajawedö yemidanö jobema kwi̧'yobö jö̧ka̧la?— jö̧tja̧lökwe

Juan 12:36

Ötjödasa dewinö jo̧ma. Ina ökwödökwö chö̧jenada ösödaduwitjö. Jejenö ökwödöma dewinö chidejatobe kwebachö kwö̧jaduwobe—yöawinobe Jesúsma jojodönöma. Jesúsma jejenö yöawaja̧ ikena jobadö tjö̧jelöma i̧'yinobe, jojodöma tjedokonö.

Juan 18:31

—Ökwödöda jawa. Ökwödöda yöbawaduwi jo̧banö lȩkebaduwakwa̧ma, lȩkebaduwobö wetjinadanö— jö̧a̧liawö̧: —Ökwödö romano la'aka luwedöma weköbaduwokobe jojonö ö'wö baibanö lȩdeboböma. Ökwödö romano jojodöda jojonö ö'wö baibanö lȩbebadö, towisa'onö bȩbö— jö̧tja̧linobe, Pilatoda ö'wö baibanö lȩekwa yöawobö ösödö.

Juan 5:13

Jejenö abebö tja̧ja̧kwijayonö otiwanö babibajo̧ma wajwiinobe itenö otidö lobajo̧nö, Jesúsnöma. Ja̧danö, Jesúsma otidö loaja̧ ikena, otiwanö babibajo̧ ö̧jelö labebö jojodö ba̧jekwadö tjö'da̧denö ö̧jinobe.

Juan 9:1

Jemi ikenama, Jesúsma iteda öba̧ja̧di̧ waisachadökwö kweachemi öbajale tjewawökwenö edinobe. Jo̧bama la'akatjöda öbajale tjewawökwe ji̧na.

Hechos 7:57

Jejenö jö̧a̧liawö̧ jobadö la'aka luwedöma, labinö jwöbeba̧lö, Da̧ja̧kwökö, jö̧ba̧lö, tjölakiyubiya tumatakwawijadötö. Ikenama Esteban ö̧jobekwö bakobe ö'öbakwawijadötö.

1 Samuel 30:6

Tjömöledö deiawö̧, tjo̧'wo sulawö̧ tjö̧jinobe David ömöayedöma, ja̧danö tjo̧'wo sulawö̧ ja̧nö, ju'wedöma tjuluwo̧ Davidnö inawiya ikwawö lotjobö yötja̧lakwawinobe. Jejenö yötja̧lakwawiökwe, jwiinö o̧'wo tjo̧achinobe Davidma, jo̧kwaijayonö Uluwo̧ Isabenö Jo̧ Diosma ujuluwachibanö pjaatinobe.